旺角半日遊

今日放工放得咁早, 當然要出去玩下。捉左今日day-off既某人去佐敦拎我張心理學証書 ^0^

之後行行下去左廟街, 見到綠光燦爛既玉器市場。原來唔止有玉, 仲有其他各種顏色既飾物, 不過果d可能假既, 可能次貨咁la。都冇咩興趣。

原來有一個位置地下放左個觀音嚮度喎……

其實都幾多攤檔睇, 某人仲買左個情侶鎖匙扣。我地去左一間聽聞幾出名既食店食左兩個招牌菜, ok丫。不過碗筷可能唔係咁乾淨, 所以我選擇飲自己帶既水, 某人選擇用即棄匙羮, 我地都用即棄筷子食野。有d野唔慳得架嘛!

行街, 行到傢俬鋪就開始失控, 因為裏面d野ok靚la, 而對住果d櫃呀架呀咁, 太多幻想, 想下第日結婚之後( 冇咁快) d屋點整, d書點放咁, 好開心~~

某人應承左我遲d去宜家傢俬睇多d先, 睇定d先, 不過都係eye-shopping(我唔想用window-shopping個字, 話晒我地都好用心睇d物件既細節)……

睇下飾物買下袜, 再去買雜誌、雪糕杯, 嚮電話亭旁邊食原來另有一番風味。最後, 某人當然天黑之後送返我返屋企la。旅程結束, 好似參加左一個本地團咁, 見識多左, 感覺更生活化。多謝你呀, siu pang! 你銀包可能幾痛下。

係時候睡la, 聽日約左個好姐妹行街街~~

至於今日既午飯, 同個好朋友食日本野, 不過佢地出菜好慢好慢好慢, 落單又落錯, 會唔會因為d員工肚餓都想食野呢?