推高

2007/02/25 22:05:03 網誌分類: 經濟
25 Feb

漢基, 深圳科技等都是仙股,投資者都希望買左之後幾日暴升, 而沽左之後就暴跌, 這是痴人說夢, 因為我們並沒有預知能力, 另外大部份股民除了知道公司名稱外甚麼也不知道, 所以很多時都未能選擇優質股, 即使買亦是去到水尾, 價格較小如漢基, 駿雷等因為"平"而且波幅大成為了散戶最愛的莊家股, 牛市尾段二三線股可以燦爛一時是當然也, 又例如民豐控股缺乏實質數據支持, 郤連番被炒起, 這些莊家股都是這樣, 炒得高就配股, 之後壓低佢再收貨, 莊家做成交易頻繁時, 又可以吸引散戶, 最近我留意到合一投資買方很強, 90對10, 人強馬壯,但成交麻麻, 經紀牌不動, 明眼人都知咩事, 國中控股與國新又是發行convertible bonds後蠢蠢欲動, 很可能是有人在背後"維持秩序", 總言之, 買呢d股最終都是一場春夢, 隨時中招,

至於匯豐幾錢買, 我會等到市場消化完壞消息130-132左右, 希望大家在豬年的金魚缸中不要好似豬一樣被莊家在針版上任意魚肉.

 

回應 (2)
我要發表
2007/02/27 14:24:23 回覆

季老師,

恭喜發財,新年快樂,新一年希望您日日都咁快樂!

我想請問一下,0064結好控股買得過嗎?前景如何?因為我見佢有上升的趨勢!

謝謝!

2007/02/26 17:16:45 回覆

想問下季先生知唔知今日8128國訊升咩呢??
是否無風炒作而已?

user