走雞

走雞, 很多網友都慨歎今年年初無買, 走左雞.....

有網友係12,000-13,000點想低吸, 但又無吸, 因為害怕, 因為太多投資分析家又話熊市反彈, 又話見8,000云云/

有人話等經濟真正好轉穩定才買, 有人話等睇黃金交叉出現才買, 到時可安心大手吸納.......

但結果....黃金交叉出現了, 有誰可夠膽安心大手吸納? 有誰食了大茶飯?

而家恆指係17,500-19,500左右上落, 那些財演見升就話破2萬, 見跌又話等萬六, 萬七先入, 通通都是癈話........

作為投資者, 係要自己搵出有價值既股票長線投資, 係人人恐懼既時候, 市場會出現非理性既股票拋售>>>恐慌性拋售, 要錢唔要貨, 股價完全未能反映實際價值(股價遠低於實際價值), 只要選擇有實力, 現金流強, 管理層穩健, 業務穩健, 唔會執笠之股票,長線易贏難輸, 小弟有幸$1.8-2.3分段入左2778, 因為資產值$5, 業務收租 , 有實力, 現金流強, 管理層穩健, 業務穩健, 唔會執笠, 所以見由$1.6反彈至$1.8即分段吸, 食了中茶飯, 賬面有6位數進帳.

可惜, 爆炸力跑輸其他中資股, 當然, 要穩健就入了防守性較強既收租股, 安全為上, 結果都走左少少雞.

所以, 有人話等安全先入......sorry, 股市跟本係唔會安全既.....當安全時, 當黃金交叉出現時, 股票價格已大升了, 價位已變得不安全了.

唔好再信人了, 唔好信人高位大手買股票, 而係靠自己, 靠自己分析, 研究價值去入市...........如果唔識分析, 即係你唔應該係股市玩,.... 想玩又唔識, 可選擇月供大藍籌, 或月供6行3保, 每個月定期買少少玩下.

見到個d人, 叫你今日買, 幾日後又叫你沽個d人; 同你講訓身入市個d人, ....哈哈, 即管信佢地吧, 相信你會用金錢上了寶貴既一課.

點解要低位入?

賺錢能力: 假設有50萬元, 2778現價$2.6, 可入192,307股; 如早期低位$2入, 可入250,000股, 目標價3元, 如$2入, 可賺$1X250,000=$250,000, 如$2.6元入, 只可賺$0.4X192,307=76,922, 在相同本金下, 低23%入貨, 可多賺325%.

走雞, 走左雞唔緊要, 只要你有錢, 等下一個機會吧, 或者月供, 今日開始月供都OK, 今日恆指17,800, 唔算太高, 分注月供可考慮, 我昨天趁3968出現供股恐慌, 在$15.92入左少少月供.

以上只是本人投資取向, 並非指導或鼓勵投資, 投資涉及風險, 各位請小心處理