人生的第一次
人生的第一次總是值得回味的。昨天參加了書展，幫手推介新書《期權LONG&SHORT》，自己是第一次幫手寫書序和第一次參與推廣期權的公開活動，更是第一次近距離、面對面接觸那麼多來捧場的網友，您們的支持和鼓勵，您們追求投資知識的心意，令我非常感動。
昨天會後，很高興有時間可以跟幾位網友交換了對大市走勢的看法，投資故事和在國內做生意的難處等等。我亦表達了我為何花時間和精力推廣期權的原因。正如杜先生所講，在先進的西方國家，期權是很普及的投資工具，視乎個人需要，保守的投資者可以用來銷定利潤或控制股市下跌的風險，而進取的投機可以利用高槓桿以小博大。當投資者手上累積了一些優質藍籌股，或手上有現金希望低價儲貨，期權是很有效的工具能夠每月增加正現金流。只要掌握當中的出入市技巧及有實力「儲貨」、效果就如買樓後可以每月收租差不多。
香港雖然號稱國際金融中心，但一般學校不會教授投資理財的方法，一般經紀亦怕麻煩不願意推廣期權。結果衍生工具中以期指炒賣大行其道，再加上窩輪、牛熊證等產品大行其道，市場普遍似「買大細」那樣以賺快錢為主。香港股市每天幾百億的成交量並不算很大，但波幅卻是世上數一數二的，小投資者往往成為金融大鱷不斷製造巨大波幅，舞高弄低，小投資者高追被綁，或控制風險意識不夠、買錯邊不止蝕，很容易便成為大鱷點心，輸掉艱苦累積下來的資金。
又或者見到保守的投資者被游說購買ELN鎖住資金，其實已經參加了高風險的投資而不了解其中風險。ELN雖然投資性質跟期權市場的SHORT PUT差不多，是用一個預先協定的價錢和日期，承諾購入指定數量的股票，但投資者要預先付出全部資金，然且被縛到合約期滿，遠遠不及在期權市場自己做一個SHORT PUT那樣有效率地運用資金。實在不明白到今天為何還有小投資者願意做ELN這類產品。
作為一個小散戶和香港的小市民，知道有老婆婆為了多賺幾厘利息走去買高風險的雷曼債券輸掉老本，真是聞者心傷，見者流淚。「先求知，後投資」。我希望每位網友到訪陸羽仁老師或我的網誌，每天都能增加財經知識，互相支持，不會成為大鱷的點心。我希望每位都是股票市場是贏家，早日達到財務自由。
今晚（星期四）7:30pm到9pm我會再到書展幫忙推介《期權LONG&SHORT》及解答有關期權的問題。東邪網友亦已買了三本，共有五本杜先生親筆簽名的新書會在7/26網聚時抽獎用。
網聚最新消息
http://www.hkheadline.com/blog/reply_blog_edit.asp?f=IGHCKEJP8M22369&id=182632
港股急升後回吐，但大戶已經成功把大市抽高到19000水平，相信7月會咁輕易再俾恆指插穿18600。美股高位整固。
http://blogcity.hkheadline.com/jincao
重要提示：本網誌宗旨是讓小投資者能夠互相支持，增加財經知識和改善投資心理素質，以期早日達到財務自由。本網誌一切言論純粹是個人意見或經驗分享，絕不應被視為投資建議， 也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失，概與本
人無涉。
金曹回覆網友：
東邪，真的十分抱歉，找不您的電話，無法聯絡。下次我會請食飯補償。亦再次多謝您寫網誌介紹期權及送出三本《期權LONG&SHORT》在網聚抽獎用。陸羽仁老師亦送出五本書：包括有親筆簽名的《股俠創富》、《鱷口偷金》，另外三本是《一個投機者的告白》、及有關《巴菲特》及《羅傑斯》的著作。
CP葉問、Vencent，恆指18倍市盈率約21700，今次大戶由3月炒上的升浪，的確有機會在21300-22100才見頂，回落下試250日線（現時16200）、亦有機會補回上升裂口約15800。
Persie、俠女，這兩晚書展的確很熱鬧。希望有機會在聖誕節搞多一次網聚，我會請一些過來人分享在期權投資成功或失敗的經驗。不過需要幫手book場、做聯絡工作等等。
hero，建倉可以趁調整慢慢分注買入保險、內銀、資源、基建及內房股。要小心的是大市總有機會下試250線，所以不要太過進取，並善用保力加通道低買高賣、或利用價外期每月權賺額外1%、2%回報。留意香港領導股速覽的最新資料。
http://www.editgrid.com/user/jincao/TOP
恒指由97年高位32xxx跌到98年11月106xx,
大約跌左32000-10600=21400
如返彈全部跌幅的大約一半21400/2=10700
10600+10700=21300
咁今次恒指升到21000就要小心啦.
金師兄:
今晚被老闆扣留到九時半，做埋D無聊野，沒法到書展向師兄請教。我稍後會補買杜sir大作。今晚是否好熱鬧？
金師兄:
現時係咪泡沫牛市已成, 大漲小回格局, 就算跌都好難再跌穿18000吧??
咁年底見25000機會大不大??
另外上証A也是否一樣係大漲小回格局, 會跌穿3000點機會唔大??
vv,
唔好意思, 剛剛至上網睇到你留言, 已有師兄回覆你, 些些君子師兄.
尋日我去買書時, 見到不斷有人買此書, 幾想走埋去諗住湊夠3本, 攞個7折, 不過做唔出
c9 俠女
金曹師兄︰
杜先生的著作定必留心拜讀，期待金師兄組織網友共同閱讀，並加指導。
今晚很高興有機會聽取金師兄及其他師姐的意見，我原來只是想來湊湊熱鬧的，沒有想過可以問這麼多問題，想到甚麼就問甚麼，希望金師兄不會見怪。
目前最大目標是要處理好d陳年蟹貨，例如中交建、中國糧油等等，往後還請師兄多多指教。
非常可惜沒有報名網聚，下回定必抓緊機會。
CCB敬上
金兄, 晚安:
想問平保可否像國壽一樣用保力加通道作買賣? 應看多少天? 請指導, 謝謝!
金兄,
尋晚來遲了。見你唔到,僅見到杜先生背影,不過, 已經買咗杜先生本新書 一讀, 唔明再請教你呀!祝順利!
推介會大大成功!
金兄及各位好！
金師兄:
你覺得如果而家想買d貨...壓下個倉底。你覺得而家會入 航空股 ? 煤炭 ? 航運 ?
如果一定要選一隻你會覺得邊隻較好?
THX...
vv 本書100元,買一本九折,買三本七折!!
maezono : 證明你平時冇聽書!
杜生+金師兄的檔口:《期權Long & Short》
杜生期權教室的Video: TSH20090217a
東邪
午安金兄及各位~
我想問下金兄個檔位係边呀??今晚会去打打氣
同埋.........點認到金兄同杜生呢?
金兄︰
今年未必得閒去書展，希望更多人能受惠於杜先生著作
henry
俠女，本書幾錢呀?? 有折嗎 ??
金師兄,
好可惜尋日見你唔到, 睇嚟同師兄無緣啦
不過, 已經買咗杜先生本新書, 一於潛心苦讀, 有唔明再請教你呀!
祝今日簽名會都順順利利呀!
俠女
金兄：多謝回複，祝今次推介會成功 !!
vv, 寫緊, 今晚出
東邪
brother Kim ,
support x 1000000
see u at 26 july
金兄，祝今次推介會成功 !!
東邪兄，你的期權買賣流程 post 幾時出籠呀 ??
金曹兄早晨，
恭喜書展推介會成功! x 2
如果我今晚重喺書展, 就過去探吓您.
元華兄, NSX 兄
我在我屋企先前寫左D深入討論期權的文章，歡迎參觀
金兄！又話攪期權研習班既，我想幫手KA ，記得搵我呀 !
東邪
期權多面睇
對沖 期權4 大策略初探
金曹師兄早晨, 各位師兄師姐早晨, 開開心心做個快樂人.
風兄,
非也, 同親友合資玩 ELN, 好在近排大市傻升, 而家蟹貨到家鄉, 減左o的貨 la.
玩 ELN叫做好過玩迷債同定期 low...如果大市不是傻升, 都重愁緊呀....
金兄! 早晨, 網友門早晨 !
金兄，你地尋晚去左邊呀？？
又話8點半打俾我gei，我返去搵你地又唔見人，老婆又冇煮我飯！
好慘呀！
東邪
金兄早晨!恭喜你人氣急升!
我也想學期權. 投奔財務自由之路.
華可原來都係大戶, 接左唔少貨 (仲要用 ELN 添)
Morning 金兄,
以前玩過 ELN, 都知到ELN點玩, 接左唔小 #66同#2628. =.=
但對期權真的一頭霧水, 去邊到買都未知.
可否比較下ELN 同期權的運作呢? Thanks!
金師兄
早晨,好開心見到你呀, 同你傾完, 真係學到好多野..日後我會成日煩住你野架啦..點都好, 再一次多謝金師兄的無私教導同專業既意見!!
金兄早晨，恭喜書展推介會成功!
可惜我這幾天也要註大陸廠，未能到場支持。
期待26/7網眾與師兄相認。
金曹兄:早晨,昨天的推介會很成功,恭喜恭喜,但我對期權真的一頭霧水,會用心學習,請金兄多多指教,看了你寫的序,我也希望可以做到「保障財產.財務自由」,多謝金兄的教導,獲益艮多!!!
各位早晨！
做你的網友和朋友都幸福啊！x2
jcw
金兄~ 恭喜晒~~~~在那個 counter??
明天星期五你還會去幫手嗎? 我晚上應該會去
可惜今次我不能參加網聚, 我都好想去~~
最近太忙, 我本身未買過 options, 但見最緊升得咁犀利, 都想用佢黎控制下風險... 好多野想請教你..... 金兄用開邊間既 service? 聽講過新鴻基唔錯...知唔知 HSBC online banking 有無呢個 service?
我發覺最近忙到少佐好多時間睇自己既投資...個市就偏偏係呢個時候升
金 sir及各位早晨！
恭喜你！
做你的網友和朋友都幸福啊！