反感攬枕

今朝打開報紙,大大隻字o靚模攬枕,被搶購一空,買家最年輕13歲.嘩!火都o黎,究竟係咩世界,色慾都市?道德淪亡?又有動漫參展商聘請大批性感打扮 game girl 宣傳,呢個係咩展覽.你o地知唔知你o地 sell o既對象,多數都係十o靚歲o既社會未來主人翁,唔該你班生意人賺錢以外,用腦諗吓咩叫社會責任?

而家社會已經有兩大頭癢問題,青少年吸毒,少女援交.仲有你班友o係度高調公開玩挑逗,想毒死班細佬乎?定係嫌而家風化案主角未創年紀最細紀錄?

真係想訪問吓成600蚊買個攬枕班o靚仔,知唔知父母搵錢幾辛苦?同埋父母見到自己個仔帶個咁o既o野返屋企有咩感想?唉,真係冇眼睇,奉勸各位家長都係小心小心,多o的關心吓仔女,而家我o地處身o係一個極度恐怖o既社會,大家努力吧 !