你也可以是度馬高手

其實度馬的程序甚為簡單, 就是問問自己憑甚麼認為自己所揀的馬有贏面 ? 實力超群 ? 形勢大利 ? 操練靚絕 ? 還是單憑感覺, 睇人貼士, 人云亦云, 小心輸到失哂暈.

今日與朋友講開度馬, 佢話最緊要 "WHO" ... ??  乜野 "WHO" ??

W = Why ? 你點解揀呢匹馬, 原因係乜, 論據有無支持點 ?
H = How ? 你會打算點投注, 投注甚麼彩池或組合以獲取最大回報 ?
O = Odds ? 你揀的馬賠率是否值搏 ?

不過, 要憑感覺, 睇人貼士也是無可厚非, 皆因大部份馬迷都要為口奔馳, 又要陪家人, 邊有咁多時間刨馬丫, 絕對體諒體諒. 但當你選擇盲目去相信別人時, 等同你已選擇了自己承擔任何後果. 反正人哋又唔係同你對賭, "冼" 你亦不會有任何得著.

同時, 度馬的方法是否正確 ? 請不要自欺欺人, 得就係得, 唔得就係唔得. 偶然唔中, 可能係運; 經常唔中, 則可能係有問題, 就要停一停, 檢討一下. 反正馬唔一定要賭佢都會跑俾你睇, 唔駛賭真錢你都會知道自己中唔中, 無謂浪費血汗金錢, 尤其它們並非塑膠籌碼呵, 更不要當甚麼交左學費.