偷聽銀行師奶對話

昨天入晒貨，　等中長線收成，　決定睇少Ｄ股市，　到目標價就沽出。。。

反而昨天偷聽銀行師奶對話，　我覺得很有意思，　節錄如下：

１）　唔好買皇牌Ｘ柔盒裝紙巾及Ｘ柔（國際版）卷裝厠紙，搵笨架，　盒裝紙巾外表大大盒，　但裡面好多空間，得１５０張，　相反，其他牌子外表好細盒，　但好重，　卻有２００多張，　盒內無空位，　價錢又平幾蚊。（國際版）卷裝厠紙表面上送多２卷，　但紙管直徑大，　但厠紙格數勁少。

Loss檢查結果，　皇牌Ｘ柔盒裝紙巾的確搵笨，　包裝大大件，　上手輕飄飄，　單從外表好易呃到人，　入面份量少而價錢不平宜。。。師奶好野，　我都被皇牌Ｘ柔呃得多啦，　唔怪得佢大把錢贊助無線劇集。

２）　買米買油，　一定要等做減價先買，　一做減價要買定幾包存貨。。。

Loss檢查結果，　的而且確，米做特價平成＄１０－＄２０一包，３支裝油做特價平成＄１０－＄２５三支。。。。　師奶好野，　我都入左２包米

３）　街市買游水魚，一定要講價，　用佢列出每條價錢平＄１０－＄２０開價都可成交

Loss檢查結果，　買條游水石班，標價＄５０，　不過最終平左＄５，＄４５成交，　可能大條貴Ｄ先可平多Ｄ。。。。　師奶好野，　我都慳左＄５

４）　買菜要問佢俾蔥，　唔使錢

Loss檢查結果，　問佢真係俾左３條蔥我。。。　師奶好野，　我又慳左＄１，　用蔥來蒸魚

５）　Loss個人經驗：試過買提子，　賤格小販趁我唔留意，　將我本身選既２抽提子放入佢預先裝了唔新鮮散左既提子既膠袋內，　然後一併磅重，　回家後打開，　點解咁多散左唔靚既提子。。。。我中計了

還有其他師奶生活經驗，　不過唔知你地有冇興趣聽呢？？