新式營銷法

2009/08/05 23:35:46 網誌分類: 經濟
05 Aug

呢兩日俾朋友拖左去作市場調查,最近朋友在市面發現了一種新型的營銷方式。

由資方提供鋪位和產品俾你做老板然后同你分佣,即係你吾須要出一亳子錢,當然係要有條件的。

經營的是個人護理產品,化妝品、洗頭、沖涼、牙膏、卫生巾、健康產品等等..........就如屈xx、x宁的一樣,当然人家賣的是大牌子日日電視賣廣告的產品,我們要做的產品是名不經傳的。

聽講化妝品係法國貨,健康產品係澳洲貨,其他產品係馬來西亞和台湾等D,要再了解。

經營的方式是會員制,分普通會員和高級會員,普通會員出60元辦會員卡買產品享受8折的會員价,無任何佣分;高級會員260元辦會員卡,之后你發展的任何客戶都有佣分,去到一定的階段經批准由資方提供鋪位和產品俾你經營,(呢個位要再去了解,因為朋友自己都吾清楚,只話去到幾多分就有資格開鋪,要星期一上去寫字樓了解。哈...又一個典型的腦袋熱哄哄的人物)

以呢種方式目前在香港已開70多間鋪,大多開在屋村和低价屋苑區,屬中低价貨品,走師奶路線。今天陪朋友走訪開在紅堪的幾間铺,鋪面人流吾多,零售生意不旺,睇怕目前做的多是朋友介紹朋友、親戚介紹親戚的生意。

等到有資格經營鋪頭,要三人合作,一人為店長,兩人為助理,如何拆帳仲沒清楚,要再了解。

我個人認為呢個老板好聰明。首先佢會挑出團隊中最有生意頭腦的人幫佢經營,仲有因為呢D人手上有批客戶,就算新開的鋪都吾惊蝕大錢,仲免費有人幫佢睇鋪,仲會好勤力,因為係自己生意。D人巳經當自己是老板啦,但其實是幫人睇鋪分佣的另類伙計,仲係冇糧出的。哈

(歡迎各位网友提供意見)

 

回應 (11)
我要發表
2009/08/07 13:35:33 回覆

哈哈。。。。真係一針見血啊....

講又講,人哥你在國內開好似(屈XX)形式的個人護理產品店,有得念哦。。。國內冇專門做呢D既,介在一個城市開十家八家,嗨...坐系度收錢哦.... {#icon2}

 

 

平凡人
平凡人 2009/08/07 12:08:59 回覆

香港做小生意就更難.

甘多大財團壟斷,法律也沒有制裁壟斷的企業.

想當年吧,連法國的傢樂福都死在這些財閥的手上,政府也就是知道也不管.

這些財閥,一般來説,在你不成氣候的時候就隨便你去癲,當你有點成績了,就一棍打死.也就是說,養家糊口可以,發達打死你.

2009/08/06 22:28:15 回覆

大臣哥,想飲頭啖湯?呵呵.....等我八卦完整D野詳細向你報告。

2009/08/06 22:22:45 回覆

依家不是很清楚呀,我要去實地考查之后再算,看是否騙錢、搵笨或其他。

到時再給大家實地報導。hehehe

欽差大臣
欽差大臣 2009/08/06 22:20:32 回覆

真系又有新变种病毒沃,等朋友问清楚回来再请连载介绍!一定追住看,学到嘢回大陆喝头啖汤!

慳妹
慳妹 2009/08/06 21:57:38 回覆

根據快活人所講,是否要招攬高級會員,而佢哋又要買嘢才可以分佣? 如果有客戶基礎,不如自己開樓上舖,慢慢守,再開拓網上購物和其他渠道。

包
2009/08/06 20:24:37 回覆

睇產品掂唔掂 {#200812262310082020.gif}

2009/08/06 11:58:51 回覆

蛋哥,過獎了!哈..

朋友沒做過生意,又极之向往,所以拉我去做參謀。

呢種型式的銷售方法,有傳銷的成份,但又有傳統𩂓售的模式,只能說是兩种相結合的一种新營銷法,我個人覺得到是一种不錯的方法。

通過人際网絡、网 上購物平臺、店鋪經營等型式推介產品。

呢种係俾懶人有機會做老板的美夢啊!不擔風險,又有當家作主的感覺,估計大把人想試哦.....

2009/08/06 11:38:46 回覆

立冬妹,師奶是家庭用品的消費大軍哦!

2009/08/06 10:57:18 回覆

好似傳銷喔!宜家系大陸系犯法架。

個人護理產品,系好主意。不過香港市場太細,要做就要考慮做埋大陸。

以人妹0既經驗,自己直接同廠家傾傾仲好啦。

立 冬
立 冬 2009/08/06 09:31:13 回覆

產品市場如只針對屋村師奶或低收入人士,相信發展潛力有限.

{#200908012215299421.gif}

user