同線底出

呵呵! "底出" 是我學賭馬的時候第一個接觸的專有名詞. 甚麼同馬房底出, 同鄉騎練底出, 同親屬馬房底出, 同線馬房底出 (練與舊副練關係), 上仗騎過棄騎或操過棄騎底出云云, 應有盡有. 一場馬若玩配對遊戲 (Matching) 肯定線路縱橫.

大部份馬迷均認為 "澳系" 古古惑惑兼人馬眾多, 底出最普遍不過. 其實, 最多反而係 "法系", 只是 "法系" 齊人腳的時間不多而已. 上季 21-Jan. 的賽事中便試過由 蘇銘倫 搖旗呐喊而同鄉 衛韜禮 替 胡森 連掃 3 匹超冷 win.

另外, 不要以為經常跑梗頸四的騎師好渣, 唔夠贏的馬跑第四一來唔駛點加分, 二來馬主有獎金, 三來可以保持馬匹角逐興趣. 韋達 出哂名 "四哥", 就剛季計跑第四的達 66 次之多, 較 柏寶 的 45 次仍有一段距離, 相信仍能稱王.

有些朋友或許會認為, 啱啱較正跑第四你估咁易咩, 你跑俾我睇丫! 我就真係無本事, 不過對於日日操馬, 跑慣跑熟呢兩條跑道嘅騎師們, 真係咪埋眼都知終點線係邊, 又未必完全沒有可能. 又或者可以咁諗, 同場剛剛好有三匹對手心存大欲, 其他對手就諗住遊花園, 咁你咪係梗頸四囉, 尤其是熱門, 只要你不入三甲, WQT 必然好分, 幕後有得偷襲點解唔偷先 ?!

所以當你察覺熱門 d 飛軟綿綿時而其他同線馬票數又有異動的話, 就是搭順風車的好日子.