1.2 期權循環圖之運作
世間萬事萬物有其運作的原理,周而復始,循環不息。股價上落亦是非常正常的事。
股價其實是量度一間企業的價值,企業賺錢,生意好,肯派息,前境佳,股價自然會升,反之便跌。而恆生指數其實是就像一間擁有幾十間大型上市公司的「合成企業」,反映眾多企業總的價值。
股價有其內在值(即資產淨價,擁有的現金、存貨、應收帳、地產、器材等等資產減去債務的淨值),除非出現資不抵債,一隻股票總會有其底價,不會變成零的,跌到一定程度便唔肯再跌,因為貨源進入強手,不肯再賤價出售。而股市隨著投資者的對盈利前境的預測改善慢慢又會上升,股價一般是反映三至六個月後的經營況狀。散戶看是看今天的消息做買賣貨的決定,而大戶是預測未來的況狀而部署,早一步買貨或沽貨。所以股價升跌,是反映買家與沽家對企業盈利向好或向淡的預測。由於沒有人可以百分百預測將來,股價升跌有其不可測性,但「老套」點講一句,指數沒有永遠上升,也沒有永遠下跌,總是在極悲觀的低點與極樂觀的高點中行走。
投資現貨者,策略非常簡單,不外乎在預期上升時買貨,預期下跌時沽貨,所謂「低買高賣」賺價,或者低價買入持有賺息,所謂「長線持有」。
投資期權,則可動態地因應市況採取四種基本策略,務求不論升市、跌市、或上落市,都可以產生「正現金流」。投資期權,通常不是估升或跌(當然LONG CALL/LONG PUT可以作方向性買賣),期權的精粹是在「波幅之間」尋找獲利機會,贏輸皆有數,可達先求不敗後求勝的境界。期權循環圖之運作,強調簡單,直接,明快,有效。
http://www.cycleoption.com.hk/page01.htm
A. LONG CALL(買入認購期權)付出期權金,看大升。
B. SHORT CALL(沽出認購期權)收取期權金,看升有限,進入調整。
C. LONG PUT(買入認沽期權)付出期權金,看大跌。
D. SHORT PUT(沽出認沽期權)收取期權金,看跌有限,低位整固。
LONG最大的風險是看錯升跌,損失所付出的期權金。
SHORT的風險是相對較大,因為收取的期權金可以不足以抵消大升或大跌所引致的損失,所以一定要保守,如目的是想賺期權金,應SHORT價外、一些上在合約期很少機會「見到」的價位。如果想接貨,則SHORT PUT等價甚至價內,變相是以稍為低於市價買貨。除非手上有正股,否則SHORT CALL的風險比SHORT PUT更大,因為股價可以突然拉升,不肯回落讓你無法在低位補貨。
指數期權是現金結算,每個月結算定輸贏。而股票期權是實物交收,SHORT PUT要預備現金接貨,SHORT CALL要預備正股出貨,否則會被逼平倉,輸掉行使價與現貨價的差價,引致現金虧損。
投資期權,那些喜歡動腦筋,手上有備用現金,相對會有優勢。因為可以有種種策略限制下行、上行風險而又能使用槓杆效應去放大利潤。
最近實戰例子1:在資金市預計國壽維持大脹少回,國壽每月歷史波幅是4至6元,預計8月國壽跌穿$31機會很微,最近一星期,每次國壽下跌時便short put$31,最高可以成功以4毫幾開倉,每手收$400期權金,十手預計備用接貨成本31萬,而30%按金要求約十萬已很足夠動態地買賣十張期權,以十萬按金一個月內賺期權金$3000-$4000,最壞打算是以$31元接十手貨,值博率不錯。如根本不準備接貨,過去一星期亦可動態在4毫幾開倉short put,在3毫幾平倉套利。每十張亦可賺一千幾百。不過要再提醒一句,做Short風險大,常常要有心理準備明天恆指會急升或急跌一千點。保守投資者只可做自己有能力接貨的張數,不要貪賺多些期權金。較進取投機者,可動態睇位揀delta約0.3左右的去做,即買賣每十張合約等如買賣三手現貨的風險,能即市食胡最好,否則臨收市前記得補返幾張,把淨張數和按金維持在自己可接受的額度。
最近實戰例子2:低位買入匯控,在接近$85沽貨鎖定利潤,跟手short put等價9月$85,賺$4.7期權金,變相$89.7出貨,如8月底跌穿$85有機會接回那手貨,變成淨賺$4.7期權金(每手$1880)及依然持有一手貨。這個做法賺權期金,謂「防護性正股短倉」。風險是匯控頭也不回在8月升高於$89.7的出貨價,賺少左。但即使如此,因為手上持有現金,可以在$90補回匯控那一手貨,然後立刻再做short put匯控9月$90,預計亦可收4元的期權金變相將出貨價由$85再提高到$90,手上持有$4幾利潤,高於股息收入。當然,$90樓上是否值得再買匯控補貨則各人看法不同。
香港領導股速覽,每星期期指大戶持倉分析及1997年以後恆指每天數據。 http://www.editgrid.com/user/jincao/TOP http://blogcity.hkheadline.com/jincao 重要提示:本網誌宗旨是讓小投資者能夠互相支持,增加財經知識和改善投資心理素質,以期早日達到財務自由。本網誌一切言論純粹是個人意見或經驗分享,絕不應被視為投資建議, 也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失,概與本人無涉。
金兄
多谢你费心打那么多字!
刚返工到家,周末再有时间向你请教了。
水滴石穿,
每人可承受的風險不同,用十萬元按金每月賺千賺一、二千現金流,是現實上是可行的。當然,在選擇行使價要保守,及當大跌時要預備現金接貨。可參考我網誌的實戰例子。
另外,您所講的利用保力加通道買貨很少機會接貨,基本上係概率的問題,因為保力加底部是平均線減2個標準差,見到2個標準差的機會只是5%。所以在統計學上的意義上來講,的確只有5%機會接到平貨。
記得我以前在跌市時低位儲貨的策略嗎?如不用期權,一樣是利用保力加道在低位買三手現貨、高位沽兩手嗎?如改用期權操作,低位買到現貨,short call部份便已肯定可以「先求不敗後求勝」了。何謂高低,講了多次,國壽可用2倍內含值做指標(即$26樓下策略改為偏向持有正股而不是現金,如低於$26接貨,可以忍受暫時帳面上的虧損,不要輕易蝕讓)。
而評估大市高低,可用恆指市盈率做買賣指標,現時二萬一點,市盈率約18倍的確係幾貴,但資金市要趁回調時買貨,如手上唔夠現貨,策略係在保力加道通底short put等接貨。萬八點是15倍市盈率,是長線的中位數,應要有些少貨責倉底。無貨的可以現金買入,在保力加通道頂沽或shot call套利。到萬五點約12倍市盈率,可以大概50%持有現貨,同時利用保力加通道頂底每月套取現金流。
期權是「公平」的產品,目前唯一散戶跟大戶能夠使用相同的遊戲規則競賽,至於能否穩定每月賺取現金收益,做到保護資產,在乎是否能善用這工具。
另外有關計算2%回報的問題:一個初階的期權投資者,可給自己一個月2%回報率的目標,這是以「預備隨時動用去接貨的資金來計算回報」。用國壽做例子,如果今個月預備了30萬接十手貨的話,每月「合理回報」應要收6千元,在安全的行使價去做,每張short put賺$600期權金便能補償接貨的風險,達到目的了。
金曹
金兄: 都係一個好主意;我再PM多次Email俾你;今次唔好唔見la
唔好意思,口痕搭句問題
水兄:問得好!!
其實你呢個係有關現金流和資產增值在 個人理財上 / 會計準則上的問題 . 即: 資產增/減值應否計入收入/支出脹的問題.
期權如做得好絕對可以在跌市都可以製造每月2%現金流。前題是你買股的錢要鎖住一段時間.你可以在不受股市升跌的影響下以現金流生活
正如樓價下跌唔會影響你租金收入的現金流一樣, 但租金收益無可能完全Cover樓價.所以投資物業的眼光,時機 ,基本分析以及對樓市的認識亦同樣重要
期權是製造現金流的好工具,但唔係期權做得好,就唔需要在自己的理財/投資上下功夫。
我都想在我的文章上探討下呢個問題 , 但備圖需時,要星期二
tks 金兄解答. 那另一個問題:
貼市與否 對做 short put 接貨/ short call 出貨有沒有影響 ?
謝謝
金曹老師
特來送上自由星。
金曹 sir :
特意來送星。
金兄
多謝解答!金兄經常提及10萬本金每月賺多千零,我理解為做期權的實際回報相比恒指平均的10%年回報再增加10%達到20%,不知道是否我誤解了你的意思。但我始終沒有想明白一個最基本的問題,按照你說的不難每月賺2%,一年24%回報率,已經超越了巴菲特。散戶通過期權多賺的錢,是誰輸出來的?
其實恒指實際平均回報率應該比指數回報率加上3%的息率,我不知道期權在涉及除息除權日是如何處理,股息是由long還是short的一方獲得呢?
你今天中人壽的例子,如果本意是博眼光,看錯方向接到貨不是長期持有而是立刻沽出平倉,那么10萬本作為押金已經足夠,但損失的金錢已無法等到股價回升而是永久失去。反之如果是用short put來預備接貨,就需要30萬以上的本錢,其中10萬做押金,20萬Cash預備接貨。此時3-4000期權金的收入實際上應該按照30萬本金來計算回報率,和你說的1%很接近。另外你的例子應該是月頭,散戶月頭即開期權倉,是否賭眼光多過理性分析?而如果等到月中再開期權倉,時間值減少應該收少許多期權金。
另外關于你一直介紹的用保利加通道作為期權買賣指示,在通道底short put通道頂short call,我畫了一張圖認為從長期角度而言很容易變作高買低沽,最終收取的期權金無法彌補股價的損失。我的理由是每次股價大趨勢轉變都會擊穿通道頂/底,所以通道趨勢由升轉跌時候在上升通道底做的short put一定會被行使,而由跌轉升時候在下降通道頂做的short call也一定會被執行。而期間每次高低位是收期權金還是能夠完成一次現貨交易全憑概率決定,其中也包括了不小的高買低沽的概率(比如下降通道第1個底位買貨,之后收期權金到第3、4個下降通道頂位沽貨)。不知是否我對保利加通道法的理解有誤。請不吝指教!
水滴石穿,
每人可承受的風險不同,short put如在保守的行使價做,雖然十萬本錢每月很大機會賺多一、兩千元期權金,但要承受在指定行使價接貨的下行風險,以及享受不到持有正股而可能會爆升的上行風險。明白了遊戲規則,就知道每月睇位做short put絕對唔算「too good to believe」,只係好過將資金閒置,也相對地比高位追現貨的風險較低。
股市大盤長線平均每年升10%以上,保守投資者用十萬元按金追求每月平均賺一、兩千元期權金,最壞打算要在指定行使價接貨,就算不懂LONG&SHORT策略增加資本收益到每月3%以上,但只要守紀律去做,例如我最近常講在保力加通道底部才開short put,應不難做到低位儲貨或每月賺2%資金回報的目標。
yuki,我相信「教學相長」,用心去回答別人的問題,同時自己亦會曉得更多。
瑪嘉烈,多謝支持。可能期權對一般散戶太難了,最近少了星星。但我有一個信念,當大部份散戶都能掌握期權基本的操作方法。長遠來講,香港的股市會發展得更健康。
金曹
Brother Kam,
Thank you for remembering me! Thanks for replying my postings too!
In fact, I have long time no posting! Besides, I raise questions because I have seriously read through your articles and believe that you are a good teacher!
Thank you very much for your generous sharings everyday^^
金曹老師
今天有空,特意來送星。
瑪嘉烈
金兄,
很好奇,如果10幾萬貨的小散戶都能穩定每月用期權賺多千零,這每年增加的10%收益誰來買單,難道大戶開粥鋪?有一點too good to believe的感覺。
喜歡期權的朋友們,周6信報上一篇關於 Volatility Smile的文章非常有趣,大家不妨買來看看。
好好人,
其實真係有幾個網友在陸sir那邊已經好耐,例如牛腩貓咪、小潘、s2000、Ray、水滴石穿、、巧茹姐、木子等等、好多問題的yuki如今依然有好多問題。另外出席過網聚的都好長情,Jenny、亞k、mooneye、snowfox、MC、ki、益力多、Ton Ton等等。牆頭草大哥本來叫「滄海一聲笑」我估無乜人記得。嫣嫣失蹤了很久,很掛住她,希望嫣嫣及所有網絡有緣人都一切順利、生活愉快。
東邪,
如果有三幾個人分工,一人睇幾隻的盤路:成交量、OI、IV、牛熊、沽空及其他有關變化,用MSN實時聯絡,應該會幾有效益。有興趣可以約出來傾下點樣分工。
風,保守投資者應只SHORT PUT自己有能力接貨的手數,否則要承受斬倉的風險。建行如果$5.5入第一注應該OK,調整到$5可以再分注入,$5樓下入貨唔怕長線持有。現在係$5.8整固,全球唯中國經濟在2010年肯定正8%以上增長,建行在$6區域打底之後,向上突破試$7的機會始終大於向下試$5。
金曹
金兄, 如開 20 張 $5.5 939 short put 是否需準備$11万大洋接貨 ?
但我只有幾万銀在手, 那....................
另外因工作關係我不能貼市, 是否仍合適以此方式落 order ?
好好人,
你還記得我 "一聲笑" 舊名, 真係老網友, 好多舊名字都唔見了, 可能還在CD-ROMing, 幾年間經歷不小呵, 得閒多D上來吹吹水.
東邪兄,
分工一人睇幾隻好呀, 大家見異動報料.
我最近主要 SC 了 939, LC 了 5, 941,
主力睇 939, 5, 941. Friday 小注 LC 358, 2600.
金兄,牆兄, 有可能上次Short CALL的同一位仁兄反手LONG CALL + SHORT PUT 都唔奇
有時睇見呢D盤路 , 大家貼下 , 都幾有趣
東邪
牆兄,早前已經講過建行$6CALL會係大戶對碰的大位,正股下跌而CALL的淨張數唔肯大減,即好友未肯投降,還會在$6有惡鬥。或者大戶short兩邊$6CALL/PUT,今個月只要收$6就兩邊通殺。
cider,這是中移8月$87.5的報價。
看跌的想付出較少的期權金開倉,可以排隊$3.07或$3.17等成交,如非常看淡,可以直接付$3.22買入PUT(LONG PUT)開倉,如結算日或以前,只要跌穿$84.28便肯定可以跌一蚊賺一蚊。
金兄, 東兄,
記得早前問過你地, 939 建行 單日有 一萬多張的成交嗎 ?
昨日又有異動, 單日成了 11k, 即市我以為有人張上次的 short call 平倉套利 (之前知會插, 0.25 short, 0.15 平, 賺 0.1)
睇 dayend report 見未平倉只減了 3.3K, 還有 10K 未平.
是大戶對碰 ?? 有人 long 有人 short, 真有趣 ...
any,不用心急,慢慢學習。作為一個號稱「國際金融中心」,我很希望本港每個手上就算只有有十幾萬元股票的小散戶都能學懂並善用期權,就算每月只賺多一千元小錢,只要風險控制得宜,也是很好的投資工具。學懂投資期權,如手持足夠現金接貨,如果看好後市,可以做價外short put、收取期權金後等在較安全的行使價接貨、心急的可用收取的期權金做價內long call,可以講風險係比用真金白銀高價追現貨更少。
大飛,我試了幾次也不能改正editgrid的工行的報價,正在努力中。
Hi Bro Kam Cho,
Many thanks for posting so much info about stock options.
From the info below, how do I know it is for long put or short put? Is 賣出價 equla to 期權金 . If so, why is it higher than 買入價?
金兄,
非常感謝你的資料, 每天都會看你的文章, 很有用.
http://www.editgrid.com/user/jincao/TOP 中 工商銀行(1398)資料不知因何有問題, 請修改, 謝謝.
謝金曹兄:
我系想$85買回,當沒買藚過,入貨價仍$76(自己想)等$100摟上
但杜生本書未看完,唔知怎操作,我平時用電話自己買藚股票,
沒經己,call,put 篇號是几多還是點,一嘵不通現有事做,
今晚回來請教這些問題,多謝金曹兄!
any,我跟期權教室已約定,以後每月頭會開一課。
懂得做期權,$85放了中移動,可以反手立刻用$85short put接貨,便可以袋4元期權金,變相是$89出貨。如中移動繼續上升,可平即月short put,轉到下月,或開新的short put等接貨。如中移動下跌,最壞打算是8月接回已沽出那手貨,但已賺了$4期權金。9月又可以再考慮新的投資策略。沽貨之後手上雖然無股,只要有現金,也能用short put收取期權金賺取股票上升的好處。
金曹
金曹師兄:
其權未明,暫炒住波福,以前買入股票升了唔放
多數打回原形,今次見單日急升,就放了(剩下一注$72入)
一注$76入#941 $85放了,唔知上$100前,
會回到几前入返?
#3968招行今次$17守唔守到?短炒有2注$17.5入
想學保力加通道今月上唔到,下次仲有嗎?
風,
如果手上有現金,很想趁調整在$5.5買入建行,昨天可以考慮 short put8月$5.5最高收$0.12雖然未必一定可以接到貨,但做20手已經可以收兩千多元等待接貨。如很想100%接到貨,喜歡「有平貨在手」的感覺,可以先做十九手short put$5.5收到約二千元期權金後,然後以$5.7x即刻買一手貨,利用期權金拉低了這手現貨的成本到約$5.5左右。
只要認為牛市重臨,建行股價只會大脹小回,每月可重覆這個方法儲貨。
金曹
金兄, 請問 939 而家邊個位係價值吸納區域 ?
呢 2 日 set 左$5.5, 點知佢日日都跌少少, 攪到我諗緊使唔使再 set 低少少
股惑燈/花太,
我都係男板c9,要洗碗倒圾垃。
牆頭草大哥,匯控買入價$70幾,$85沽匯控正股套利,鎖定利潤,策略OK。但又驚沽貨後佢升上$90樓上追唔到。沽正股後,跟手short put$85匯控得到$4.7期權金,即就算升上$89也依然可以平short put$85套利,再視乎情況開$87.5或$90short put追價(或直接用$89買現貨,然後再開covered short call都得)。
有的人手上有錢或有貨都無所謂,最緊要係追求「資產增值」和「每月有現金收入」,相對低位用現金買貨或做long call看升或做short put等接貨,基本上都係看好(持倉係delta正數)。在高位沽現貨或做價外short call、或平short put,基本係看升有限(即持倉delta接近零),如看大跌則long put(持倉delta變成負數)。己達到手中無股、心中有股、現實上只用delta去做處理現金和股票的比例。
有的人比較喜歡傳統持有正股的感覺,那便集中精神用簡單的策略,正股下跌時做價外short put在安全的價位接貨或賺期權金,等接到貨後,看升有限時,做short call高位出貨或賺期權金增加收入。
金曹
今個星期恒指都靠941及005頂住個市,下星期941及005下跌的機會好大,沽空941及005或買 PUT輪應有利可圖.
金兄,
//風險是匯控頭也不回在8月升高於$89.7的出貨價,賺少左。但即使如此,因為手上持有現金,可以在$90補回匯控那一手貨,然後立刻再做short put匯控9月$90,預計亦可收4元的期權金變相將出貨價由$85再提高到$90//
是否應該是 short call ??
花太
其實
1. 比股票玩 = 輸錢時
2. 玩股票 = 贏錢時
買股票一定係會 (1) + (2), 話自己係 (2)?? 無可能.
但你個目標係要做到贏時贏多d, 睇錯方向時,輸時盡量輸少d. 咁最後就會做到 (2).
kiki....
而家就 (2) 比 (1)多少少啦 (lee 一兩年, 特別最近兩三個月).
因為前幾年輸好多, 所以希望快d做番 (2). :-D
花太,
哈哈哈, 妳好搞笑. :)
投資唔雖大壓力, 搵一種方法合自己就得.
期權唔識就 arm, 金 sir會幫到你.
咁我未重死, 又要養仔 又要返工 ,當然要養老婆 tim. :-D
哈哈哈, 其實我都係C9 (男版), 我收工有時重要買送 tim la. :-D
哈哈哈哈.笑死人. 唔信? 你即刻問我街市d野價錢, 我即刻答到妳.... 街市報價,唔係股票報價.
kiki..
股惑仔 (股惑的燈)
想問
你而 家 係
1. 比股票玩
2. 玩股票
如2 咁要幾耐 / 怎樣 先可 由 1 去 2 ??????
股惑仔 (股惑的燈)
我真係一個典型c9
玩左股票 幾年 (應該係 比股票玩左幾年)
用呢 d 笨笨地方法先
個 d 期權 (我係唔識架 睇來睇去都唔明 哈哈)
等 我 feel 到 股票 應該 點玩時 再改啦
我係 c9 又係煩人
唔學得 k 佢 咁好學
我又要養仔 又要返工 (好在唔洗養老公)
花太
你所講的我極之明白. 因為我開始比股票玩時都係咁. ^_^
你 lee 種儲貨的方法無問題, 問題係個價未必夠靚. (我比較貪心)
有一樣野你又好 arm, 就係如果唔可以睇即市, lee d 方法先可買到貨.
講番隻 2828, $113唔太差, 一個月保力加通道中位. 睇 2-3個月唔死得人.
近期 $124 d rop 落黎,都成10皮, $113唔太差
但近 lee 兩日太陸多少有d消息想 adjust下由銀行出黎d錢. 短期可落番d.
所以我話如果睇定即市買入分分鐘可以用個靚價買到.
所以買 lee d 野真係好睇個人.
股惑仔 (股惑的燈)
你就唔知啦
當日 我係 $7x 時 同自己 and 老公講
如 2828 再落到 $65 時 入 返 一注
到啦 $65 就 心大 心細 冇入
跟住就見唔到 $65 啦
到而家 1 注都冇 死未
我諗 我要 好機械式 咁 set 價
到就入 到就放 (唔洗秒秒睇市)
如 113 入到 2 手 如 101 再入 2 手 etc...
當手上有貨
138 放 1 手 152 放 1 手 etc
我諗我用高計劃 迫自己 買賣
唔可有感情 (已有好多次 : 在賣唔賣之間 -> 冇賣 -> 蝕左)
花太
比我就唔會落定盤等接. 如果下星期都係大回調, 有機穿 $110.
反而定番d, 市價咩位都可以入.
你放 $113, 如果唔到你分分鐘唔會買.
lee d 大市, 一落, 唔止 $113.
我自己就唔會咁落盤, 除非你玩 期權, 睇位接同時收期權金.
變相成本拉底番d就感覺良好.
股惑仔 (股惑的燈)
我而家 等 位建倉
已set 左 113 入 2828 (第1注 暫時好似好遠)
再趺再入 等牛3
花太
我唔知呀 ! :-D
===
呀爺想收少少水, 短期有壓力. 五行有壓力. 我就食住d再睇.
唔好做相反. 等佢定番d再黎過. 但唔好法清倉, 未完.
股惑仔 (股惑的燈)
你 頭 先 段野
同我 every time 想賣時 的想法一樣
難道 你 比我老公便了解我
941 ...頂呀....頂呀.....頂呀....頂得好辛苦
股惑仔 (股惑的燈) -
我都好想自己好腳頭.但往往未能如願.
我都有see 到陸sir答941...希望可以快d變紅底股.不過我又唔太膽心.941都有息.
多謝你..
肥仔媽,
妳都好鬼好腳頭. 個多星期前問到唔到 $90, 就到.
唔怕啦, $120 ,唔係無"機會", 要等 lor.
其實投資好睇個人性格, 無絕對方法, 但有"比較有利"的方法.
如果比我, 我反而咁睇, 如果我得一口 $120買, 而身上無 cash 買第二口當"溝淡" (其實二口貨要獨立睇), 你要等到上番 $120要比d時間, 因為你知道股票唔可能由一點到一點係直線. 這也是說, 當中有上落, 有個機會成本在內. 而你可以在當中的上落搵到, 其實要 recovery 番 $30 ($120 - $90)會"大機會"d (利用成交的次數). 你個case面對兩個風險, 一就係, $120 4-5個月都未上到, 就算上到, 到時妳又唔願意在 $120放啦, rite? 咁又有第二個可能就係到 $12x就回頭,落番 $120樓下, 你又唔打死都唔願比番佢啦. 咁樣推測就係因為你"已經"由 $120 d rop 落山時無走, 未變左而家咁 lor. (kiki .. 歷史通常會不斷重復 ^_^). 二就係唔上不得止, 重要回頭. lee d (近期高位) 唔游下水, 如果有一下勁 drop, 你手上無 cash (未賣 $120 果d), 下一波上, 你就睇住人食(可能都未上番 $120, 係由 $70 - $95 中間). 對我來說, 這感覺不大好.
但話說兩頭, 游水如果游游下你唔識上番船, 下次佢一開 turbo, 一塵而去, 咁就傷心啦.
所以如果你可以分開兩個倉, 用不同 的strategy 操作手上現金和股票就會比較好. 盡量利用手上的資產 (cash/share), 不停地產生現金和股票"流動"去搵錢. 不過都係果句. 睇自己. 不同的方法被不同的人利用可產生不同效果. lee d 野聽左就算 (:-D 當吹水)
如果得一口, 就真係唔好搞咁多野, 收下息, 睇下個市上上落落, 又安心好多.
另, 陸 sir 今日答網友:
" CCB:我一直看好中移動,雖然競爭增加,佢增速會減慢,但現價14倍PE,息率3厘計,未算係貴,上A後有機會變紅底股。"
其實 941 上$100 就係遲早的事.
股惑仔 (股惑的燈) - Thank. 我想我唔會沽..因為平均價$120
我係唔係好c9
金兄:呢幾天見很多未參與過交易的網友對開倉,平倉及交收事儀尚有未明的地方;我試下用圖解畫;歡迎參觀.
期權初階(七) - 再說開倉,平倉及交收事儀
東邪
已推星!
肥仔媽,
941 $90 到左, 多貨就走d, 回番再買.
:)
金sir :
本人在$11.05 入了1898,請問現在要止蝕嗎?,中長線可上望多少呢?thanks
金大師:
本人在$10.12 入了2009 ,前排冇放到,請問e 隻股中長線可上望$ 11-12 嗎? thanks