1.6 動態定策略的基本救倉方法
繼續《期權LONG&SHORT》的導讀。
1.6動態定策略的基本救倉方法
今次講救倉,老實講,很多讀者開倉的技巧還未搞清,講了幾天,資料太多已很難消化,再講救倉、搬倉、用期指對沖、用Long救short、拆倉,一拆一、一拆二、一拆三等等,大家可能會「O」晒嘴,完全迷失。
要救倉,通常係講做了SHORT PUT但股價下跌,做了SHORT CALL而股價上升,引致虧損。如果原先預備好了現金接貨,或預備好現貨等人CALL,平常心等結算便可以。到結算日,計算輸了多少,然後在下個月搵機會開倉希望追回。但如果是玩指數期權需要現金結算,或手上不夠現金接貨做了SHORT PUT,或不夠現貨做了SHORT CALL,通則係救倉的策略應在開倉時已經預先計劃,不應市況出現改變時才不知所措。最簡單的救倉策略係虧損未擴大時,在預定的價位,先行止蝕平倉。再視乎情況,將SHORT 倉搬到另一個安全的價外行使價,可以是同一月份,也可以是下一個月份,追回損失了的期權金。詳情可看第38至40頁。
最好的救倉方法就係不需要救倉,唯有開倉時要小心、耐心等待突破下跌時低價開Short Put或突破向上時高價開Short Call,在對自己最有利的時刻才行動,勝算較高。
期權是一項技術性較高的投資工具,建議新手不要心急進行買賣。由於現時是資金市,恆指雖然是差不17倍PE,理論上係高位出貨,但今次升浪太急,貨源集中在強手那裡,估計大市未到18倍PE或以上,即21700以上,會維持大脹小回格局。只要大脹少回的趨勢沒有改變,學習基本Short Put的用法,選定幾隻自己想儲貨的大藍籌或大國企(例如匯豐、國壽、建行等等),預備足夠的現金,當見到那一隻股價向下插,就用自己覺得可以接受的行使價開short put,收期權金等接貨,如跌後反彈到高位便可以穩賺期權金、或者乾脆用現金在低位儲三手貨,在高位沽二手套利。只要熟習short put低位接貨的技巧,便能比那些只懂得在現貨市場排隊等低價買貨,又要排隊等高價出貨的,多了一種有效的投資工具,因為在Short Put等待接貨的過程中可賺取現金,亦減少摸頂高追買貨的風險。
我曾經講,等國壽從高位回落兩、三元才出手買國壽比較安全,有人批評這講左等於無講,因為無人知道高位在那裡。我今天再解釋。國壽每個月的高低波幅超過三元是很正常的,如果用上月的收市價計,今個月相對上落一元亦很正常,換句話講,除非該月是大陽燭低開高收,頭也不回咁喪升,否則即月國壽比上月收市價低一元、或者由即月的高位回調兩元的買入機會是存在的。由於目前8月高位是$35.5,即今個月的低位有機會在$32.5見到。
昨天國壽從8月的高位$35.5調整已經超過二元見$33.15,如果一直想買國壽儲貨的,這便是一個相對地便宜的買入機會。不過$33樓上的國壽,睇長線兩、三年唔算貴,但短線則可能會有調整,要捱價。如果怕捱價,不想$33.15買入,但又怕隻股很快爆升,失去機會,那便可以開$33等價Short Put,收每手約$1000期權等接貨(未計手續費約$100),打和價是$32,比現貨$33.15立刻買入稍為便宜。當然,如國壽不再下跌,便無可能接到貨,只能賺期權金,而不能享受正股上升的好處。如果覺得$32打和價接貨依然太貴,昨天SHORT$32PUT,每手可收$660元,打和價便約是$31.4。以三手國壽十萬元投資額計,可收約$1,900元期權金等接貨。如果覺得$31.4打和價依然太高,可以SHORT$31、每手收$350、打和價$30.65,沽出三手收取約$1,000元期權金等接貨。
http://blogcity.hkheadline.com/jincao 重要提示:本網誌宗旨是讓小投資者能夠互相支持,增加財經知識和改善投資心理素質,以期早日達到財務自由。本網誌一切言論純粹是個人意見或經驗分享,絕不應被視為投資建議, 也不構成要約、招攬、邀請、誘使、建議或推薦任何投資產品。本人亦不保證所引述的資料的真確性和完整性。網友務請運用獨立思考能力自行分析和驗證。一切的投資決定以及該投資決定引致的收益或損失,概與本人無涉。
股海無涯,
多謝留言,其實網絡世界大家三唔識七,做乜要免費教精別人?所以您出聲指點,怕一年後有人找我晦氣,我是很感激您的。
您話對識玩股票的人,教期權講10分鐘都嫌多,來來去去就係四式,有錢short put等接平貨,有貨short call高位出貨,無咁多錢long call睇升,long put睇跌,的確如此。我亦贊同「衍生工具是深淵」,好容易輸大錢。明白一點講,期權輸大錢的多數係唔夠按金/現貨但SHORT張數太多的人,或LONG CALL/LONG PUT,睇錯方向的人。
股票買賣的道理更簡單:「只買績優肯派息的大股,在超賣時入市、超買時出市;或長線分批買入儲貨,持之以恆」。教股票,可能一分鐘就搞掂,「只要手持現金,等幾年一次的大跌市出現,買入幾隻大藍籌就會賺;另一個方法就係月供十年以上、持之以恆、只要股市向上就會賺」。
只不過,世間事「知易行難」。
知道一個道理、人人都覺得岩,唔代表自己會接受,
接受一個道理、如果無落場去實踐、亦唔會識得做(連股票戶口都無,點樣撈底/月供呢?),
識得做亦未必肯去做(股災未完,等多一陣先買。咁貴點月供呀、不如等下個月先供。藉口多多),
肯做未必做有機會做得到(老婆生仔,老闆急CALL,架車入廠。意外多多),
做得到亦未必可以堅持到底(大把人撈到底,賺少少又走左,跟住又去高追輸錢)
另外,有錢無錢我覺得係命生成。我有信仰,我覺得人生係照住一個超級大老板的戲本去發展,佢係唔會俾您睇到場戲個結局會係點,只會不斷咁搵不同的拍檔或對手,有人幫您,有人害您,一齊完成呢場戲。散場之後,又會有另一場好場等住,但可能那時自己會變成觀眾享受別人的戲,而不用再粉墨登場了。
「人若賺得全世界,卻失掉生命,有甚麼益處?」。賺錢係重要,但更重要係賺到錢,可以跟您愛佢/佢又愛您的人分享喜樂,金錢以外有太多東西值得我們花時間去追求。人生出來兩手空空,無帶錢來人間,也不能帶錢去陰間。人生所賺到的錢或還唔到的債,最終都是留給家人或社會去接手的。睇得通,就無煩惱。
今日寫得太多。希望唔會悶到您。
金曹師兄
豈能盡如人意, 但求冇愧如心.
人要向前看. 唔好睇番轉頭. 加油呀.
金sir,
如果教人炒期權教到咁深入, 我怕一年後又有人找你晦氣
以下係我係別人blog的回應, 你睇下我有冇講錯, 因為我對期權只懂皮毛
"半個鐘講完係對d完全唔識股票既人而言, 識既我怕10分鐘都多.... 你試下免除9成人識左都冇用既計價模式, 再除埋識左9成人做左會精神分裂既期權花式, 再省下多餘的估市理論, 只剩下四樣要講, 有貨short call,想買平貨short put, 冇咁多錢買貨long call,睇淡long put, 簡單又唔會害死人.....真正既炒家唔洗教, 普通人識得多過呢四樣都9成會輸"
金sir,
晚上好!
金兄,
你好, 我撐你!
金曹兄晚安
救倉......簡簡單單的方法
止蝕!
已經是 最完美的 方法!
支持支持!
金曹兄
你好...做左老師了...恭喜...hihi
之前小弟受益不少...特別2727 ...2007年了
現時手上沒貨...
2727 現價入如何?...還是3.6-3.8先入呢...指教
ah520
金曹師兄:
人總要向前望,希望我從今以後能幫助更多的人解決投資的難題。
加油呀!!!! 人要向前望, 不應存絕望. 努力!!!!
L
金兄
路遙知馬力,日久見人心;
莫氣餒。
金兄及各位午安.
金大哥 : support u!!!!!!!!!!!
qq
金兄及各位午安
金師兄,早晨.
金兄早晨, 各位早!
尊誠來推星 ! 支持 + 感激金兄教導, 謝
海海
小飛雖然不玩期權, 但都推...
金師兄早晨, 各位早晨, 平心靜氣,身體健康,
金兄, 各位早晨 !
金 sir:
Good morning !
金 sir及各位早晨!