如何增加勝算?

如何增加勝算???.....這個問題答案可以好簡單

就是投資好股 (指把買股視為投資一門生意, 將自己代入為公司老闆, 研究公司增長能力, 回報能力, 風險因素, 而不是研究股票週期, 不是研究短期價格升跌, 而是現價買, 值唔值得買)

好股....我第一時間想用中國人壽做例子.....佢, 真係好貴, PE好高, 但佢係一隻好股.

試想想, 什麼人會買保險, 什麼人不會買保險? 窮人不會買保險, 食都無得食, 買什麼保險? 當一個地方既人開始富有, 就會懂得為自己, 為家人作出保障, 中國新一代知識水平開始提高, 國家開始發達, 人均收入開始提高, 在更多人開始有錢買保障及更多人明白保險的重要性, 中國保險業這門路是光明的, 簡單地說, 保險這門運作是收取保費, 用法例許可部分將保費去投資, 將錢滾大, 有Claim時作出賠償, 而中國保險業是寡頭攏斷, 外國保險公司打不進去, 中國人壽為行業龍頭, 有國企身份, 阿爺照住....這就是前景, 有將來, 一般有前景, 有將來的公司都是很貴的.

小弟好想買中國人壽, 但實在太貴, 所以一直等, 都係未等到心目中合理價格去買;

所以好股,  一定要有前景, 有將來, (還要夠實力, 夠大間);

選好了好股, 下一部就是等待, 等待, 有耐性是一個成功投資者必備的條件, 一般入貨最佳時機就是市場最恐懼之時, 合價格因恐慌性拋售而出現非常抵買時機, 但一般人都因恐懼而錯過這時機, 散戶往往心急高價買, 低價沽......與投資真理高價沽, 低價買背道而馳!!!!.....

小弟自己都要承認道行未夠, 太心急入金隅, 無耐性等待最佳時機, 平均價$9.9X, 入了多條金魚, 跌到$8.5差點要止蝕, 如果有耐性, $9以下入, 上蝕價相應係$7.6, 就唔使怕, 唔使驚啦, 仲可以買多好多股....好彩金魚業績都唔錯...

選好了好股,  等到了好價位, 下一部就是評估風險因素,

大圍經濟,

e.g. 金融海嘯, 公司現金流強唔強, 清盤機會高唔高, 公司守唔守到難關等

行業風險, 如龍頭地位穩唔穩健, 國家政策支唔支持, 管理層質素穩唔穩健等.

e.g. 8號仔無左獨市經營, 盈利一落千杖, 管理層質素又唔好.....

當然, 以上只是小弟用最簡易方法表達, 而小弟亦是在學習當中, 唯一一點可以肯定的,

投資者賺錢機會比投機者大;

投資者花既時間比投機者少;

投資者心情起伏比投機者小;

投資者賺的, 唔係股市中人既錢, 而係公司係外面賺錢, 再回報俾投資者.

希望大家一起努力, 向成功投資者之路進發.

心目中好股一覽:

2628 (理想買入價: $28) 中風險

3968 (理想買入價: $15) 中風險

2778 (理想買入價: $2.6)低風險, 現持有

1881 (理想買入價: $1.3)低風險, 現持有

2009 (理想買入價: $8.5) 中風險, 現持有

1688 (理想買入價: $16) 高風險

405   (理想買入價: $2.5) 低風險

2777  (理想買入價: $12) 高風險

388   (理想買入價: $110)中風險

2823 (理想買入價: $12) 中風險