(河馬仔專欄)影山浩宣遠藤正明演唱會觀後感
2009/08/31 00:55:52 網誌分類: 影視
星期日晚睇了他們的演唱會,小弟買$580飛去睇,感受一下JAM PROJECT的表演.入場前當然係有一些精品買,小弟當然係唔會買啦.
今日入場人數小弟粗略估計都唔會少得過四五百,特別係前面個堆.估唔到JAM PROJECT係香港有超多FANS,佢地仲要打扮到近一模一樣,勁興奮.當然場內都有十數位來港之日本女FANS,小弟非常揍巧,坐在她們的旁邊,佢地 真係全場企,佢地一齊跳一齊打扮,仲要在臉上貼上一些STICKER支持偶像,而且非常有禮及有秩序.無論港日之FANS都值得一讚.
其實今次見到兩位來到香港都非常精神,特別係影山真係跳得又唱得而且冇乜疲態.不過兩位皆唱得之人,可能影山較為香港人熟識,所以當唱龍珠及HEATS時 全場都非常興奮.可能小弟唔係好識佢地所有歌,所以難以評論.當然兩位ROCK得非常不俗,冇冷場,特別係為遠藤正明補祝生日的一幕,全場人唱生日歌,大 家最為開心.
全個演唱會歷時約兩個多小時,唱LIVE顯示出兩位真係聲底夠勁,有真功夫的,下年如果再來港小弟會早點買飛捧場.
順帶一提,日本的FANS真係好有禮貌同友善.其中一位女FANS因為不懂司儀講緊乜(因為當時只講中文),結果用日文問我係唔係香港人,我結果用一些唔 鹹唔淡的日文譯番俾佢聽,佢好有禮地講聲唔該,及後佢見我冇帶任何東西來,佢送左一支螢光捧俾我一路聽歌一路舞,在此非常多謝佢,希望佢地喜歡香港之旅啦 ^^
回應 (0)
我要發表