照顧BB (沖涼篇)

        照顧BB 仔一定係件唔容易o既事。就以沖涼為例，當中要兼顧o既事真係多不勝數。

        幫BB 沖涼前最先要為佢哋準備衫褲。千奇咪以為好容易呀！因為BB 發育得相當快o架，你初時預備咗o既衫，好多時沖完涼至發覺唔啱佢著咁就大件事啦！到呢陣時至再揾過啲啱著o既衫就遲晒啦，BB 分分鐘就係呢時冷親。

     BB沖涼一定要為佢準備專用盤，呢個大家都知啦。好處係容易控制水温、沖涼時可固定大人同BB 活動範圍同預防細菌感染。點開水沖涼各人都會好清楚，每次都應該調教好水温至放BB 落盤沖涼，但係唔知點解成日都有BB 沖涼灼傷o既報導。

        沖涼次序先幫BB洗面面，跟住抱起BB 洗頭仔，啲水就無咁容易入到眼同耳仔。洗完頭至放BB 落盤沖涼，沖涼時用一隻手抱住BB，令一隻手勃水洗身，咁就無咁怕BB 周身郁而浸親啦！沖涼時要特別清潔Pat Pat 同啲手腳摺位。BB Pat Pat 成日噏住片片好唔舒服，平時換片又有可能唔夠乾淨，沖涼正好俾BB 肌膚享受吓。又因為BB 新陣代謝比成人快，所以皮膚老去細胞就比成人多好多、俗稱「老泥」，手腳摺位就最容易藏住老泥o既地方。

        沖完涼即刻用毛巾包住同索乾BB 身體。因為人沖涼時毛孔會擴張，上水後一唔留神就好容易冷親。而冬天沖涼最好事前將毛巾同衫褲仔整暖先就更加好啦！而幾件衫預先組合變一件，穿著時一次過一件頭又係個預防着涼o既方法。著好衫後喂啲暖水俾BB 飲吓咁就 Perfect 啦。

        不過講到尾主角係最重要o既。如果BB 沖涼時郁少啲，咁大人就舒服啲啲。以下兩套片段就係大人辛苦同無咁辛苦o既分別。不過BB 一樣沖得咁舒服o既！