白飯魚年代
週末與幾個中學同學見面，不禁又想當年，說舊事。提起今天的年青人以「索K」作賽，最後賠上性命，情況令人唏噓。回想我們年青時，哪會鬥快吸毒？只會鬥快開汽水瓶、鬥快吹爉燭、鬥快上落樓梯、鬥快踏單車、鬥快游水、鬥快入球、鬥快吃冰棒、鬥快喝汽水，鬥快舉手答問題等等。現在的年青人省吃省喝為買攬枕、買寫真集，與我們以前節約是為買參考書的情況大相逕庭。那個年代，大家都是純情的中學生。
老同學又提到中學時期能用十多元吃一碗牛肉公仔麵，去茶樓炒粉麵都是每人三十多元。但我對於價錢，確實印象模糊。反而記得小學時候，三元一枝孖條，三元一枝可樂，一蚊一粒真材實料的魚肉燒賣，八元一碗大牌檔免治牛肉粥。
小學時候，記得有很多出租單車的，以前在街上踏單車是很大膽的行為，特別是女孩子。在深水埗福華街近北河街，有一間乒乓球室，名字忘記了。我們幾個同學有男有女，有空便去租球桌打球，那是時鐘計的。又或者去同學家玩，跳皮筋繩，踢毽子、玩米袋（用米做成的五個小包，大小如一圓硬幣）。還記得以前有些公仔的剪紙，可以配襯不同的衣服，可說是現代巴比公仔的剪紙版。時代不同了，全部年青人都去了遊戲機中心、網吧、甚麼樂園，把硬幣一個個擲出去才會開心。
回想從前，大家都很乖的，也不會因貧窮而不開心。同學說以前雖然住板間房，一家幾口住個幾十呎的地方，也不會發生甚麼倫常慘案或家庭糾紛，與隔壁的小孩也玩得開心。正因為那時大家都窮，社會資源缺乏，人人都穿上一雙「白飯魚」，少了比較的機會，做人自然開心。記得以前還有種白色的液體，用來專門塗白那些「白飯魚」的，它叫甚麼？是白鞋油嗎？
童年時又會自製漿糊，又會把無蓋的鉛筆刨，包一張紙摺成個牙膏筒模樣來存放筆屑。總之，甚麼都沒發明的時候，才容易培養和發揮出兒童的想像力和創作力。各位又記得幾多？
歡迎游一飄到訪，見左你好耐，今次第一次正式出現，以後多點來飲湯啦．
早晨..
人姐，真係唔知啊。記得以前整到對白飯魚好白，的男同學就特登過來踩你一腳，係要激下你至安樂的。
大家記的用白鞋油涂「白飯魚」，有冇人知用白鞋粉滲「白飯魚」?洗干淨對鞋滲Ｄ白鞋粉上去，再蓋塊白布在上面去晒，晒干后係白得好緊要架!
哈哈，真好玩呢。多謝你啊有心人，我們兩個好像小朋友咁呀。
第53個回應，認到路啦
有心人粒星仲未到啊，可能在運送途中吧，千祈唔好迷路啊。
吃白飯魚的人來了
第51個回應加第24粒星
好似６５歲。我怕到時政府話無錢，會推遲到７０歲，越推越老，問你點等？
詳情請看＜十八年養兒育女計劃書＞。
話時話﹐實情幾歲可以攞生果金架﹖交咗成世稅﹐千祈唔好走寶喎。唔係蕉都唔食隻就瓜咗﹐閻羅皇問起都被佢媽差。
哈哈，我地個個都係咁上下年紀啦，不過距離領生果金都仲有一大段日子．
看木子的網誌，以為你好鬼嚴肅的，係個老人家呢，點知睇你呢個回應，原來咁鬼風趣啊．跌爛副眼鏡添，好彩無帶．
嘩﹗立冬不如整番餐“千叟宴”﹐睇怕呢度都夠人頭喎。
大家都想當年想得咁開心。我都想埋一份﹐我係白飯魚加紅白膠波嘅時代嘅。呢只紅白膠波最攞命有弗寧舍硬嘅﹐一腳兜落塊硬嘢真係眼淚水都標埋。打完波腳指公例瘀﹔成世人最恨有對波“砵”﹐到後來有錢買時都唔踢波啦。當時我都係街童﹐放學後通街去﹐但從規蹈矩﹐唔敢惹事生非﹐唔係阿媽打到飛起﹐以而家嘅角度﹐阿媽打仔加埋加埋睇怕要終身監禁。踢波﹑上後山捉金絲貓(唔好心邪﹐有個網友講嘅紅孩兒係金絲貓一種)﹐打乒乓波﹐喺地打﹐個場半個籃球場咁大﹐走到索氣。蠶虫係金魚檔有得賣﹐但我無錢﹐養唔起﹐改養曱甴﹐因為來源豐富。天黑前必定返屋企食飯。夜晚乖乖哋做功課。
大臣哥，做我老闆真係一種福氣，剛才他又讚我了．呵呵．．
都是慳妹姐好記性呢．就是抓子．
呵呵~多咯，弹棋子，拍纸角、、、、、、
吓，念念下，请立冬左秘书，好着数沃，赞两句就日日都有靓汤饮！
呵呵! 還有跳飛機, 拍公仔紙, 射 [馬子], 猜 (猜包剪錘的猜)皇帝, 用廢紙皮剪成一個一個的足球員, 以包糖果的錫紙搓成足球, 進行比賽.
哈哈! 真懷念呢!
立冬： 有啊，小時候我有養過蠶蟲，睇到佢吐絲成繭嘅過程，真係通識教育。
你講嘅「米袋」，我哋又叫做「抓子」。
好奇怪，說起以前的食物，味道我竟然仲記得，那時的魚蛋和燒賣其實仲好味．
我記得小學時汽水3毫子一支，阿媽每日零用錢5毫子，只可以買一支“哥喇”或“維他奶”。
那時經常想，我今日儲低一毫子，連埋聽日個5毫子，就夠買兩支汽水啦，可以分開兩個小息飲！
不過當然真系意志薄弱，呢一毫子永遠都儲唔到。
Good morning!
Frankie
我記得小學時, 買一份報紙三毫子, 中學時, 五毫子兩件臭豆腐
起屋的條件, 係集齊同色的兩至三塊土地.
而取得土地的方法, 除了買之外, 也可以同其他玩家換.
點換都得, 只要大家同意就可以了...
當有4人玩, 其中二人各欠一地就集齊同色區, 卻有對方欠的土地, 那麼他們二人一換, 就會同時齊哂同色地, 可以起屋. 沒換的二人就立即陷於極大危機了.
indy
我小時攞對白飯魚畫到7彩咁eee!!~~
子陵個方法都幾好，我有同學將個粉擦拍落對鞋，好似搽粉咁，仲快白呀。
是否要抽中張卡話俾你起樓至得呢，但係咁樣就好難啊。
下次送禮俾小朋友，可以考慮呢樣，不過要大人肯陪佢地玩至得。
立冬姐：
大富翁年年都仲出緊新版。
花茶有一套迪士尼版，我在義工工作裡跟的一個男孩，也鍾意玩大富翁。
最近，佢教識我玩新出的大富翁卡牌，幾好玩的。
不過，不得不承認，玩大富翁的人多，知道正確玩法的人，少之又少。
好多人以為返去自己物業，就可以起屋，其實係錯的。
起屋其實另有條件。
indy
如果唔記得洗對白飯魚就返左學, 會用學校D白粉筆晝白對鞋來頂當啦~
講開橡筋繩, 諗起以前真係身輕如燕, 高高都跳到, 而家... 噢!
啊，＜大富翁＞真係好耐無玩過，依家應該無咩人會玩囉。
慳妹姐細個有無養蠶蟲呢？果的＜米袋＞叫做咩野呀？
我小時候玩嘅大富翁都係買張大咭紙番屋企自製，啲錢就用唔同顏色嘅手工紙。
對白鞋啲污漬如果唔係太大，可以用寫黑板嘅粉筆填色！
物質豐富了，智慧卻下降了
蠶我養過~
小時候,約朋友三五成群一起打下籃球,溜下冰,感覺已經是童年最快樂的事情了.
童年往事，深印心上，雖不再有，卻是難忘……
送童年難忘星
Wongi，我白飯魚煎蛋多，好少蒸呢，不過白飯魚都有假的，小心選購啊．
May姐，莫非你或者個女今天生日？如果唔係點解咁特別呢？
立冬:我也以為是寫吃的白飯魚，原來是寫白球鞋。
想不到我這個時候還能出現吧——呵呵！請了半天假，晚上和女兒去撐枱腳。
很有懷舊的感覺呢！
立冬，我看了題目，還以爲是吃的白飯魚呢！用來蒸雞蛋，極品呢！
猫猫有 tang 過白飯魚ar, but 吾知有無好好食嫁 lei.
Danny，第四樣我都唔記得個名啊，有無邊位好記性呢？另外，養蠶蟲係喎，真係好經典呀，呢個要特別Highlight出來，點解要養呢？的蠶蟲點樣得來既呢？我又失左憶了．
仲有以前跳皮筋繩，是高得好緊要的．還有擲手巾仔，跳飛機，唔知依家的小朋友仲玩唔玩呢？
我喜歡穿黑膠底的白飯魚.玩兒就多啦.....
1.用木雪條棒,橡皮筋可以做很多玩兒.(在水上放船...飛機...鎗)
2.晝的公仔在玻璃鏡面,用電銅照放在牆上.
3.在大街燈下,玩兵賊.....(好好玩,好緊張架!)
4.用幾磈石頭或用自製小布米袋...拋高一粒石頭跟住連取兩粒...三粒.
越取越多.增加難度(唔記得遊戲個名).
5.整扁的汽水蓋,中間做的小孔,線穿過它.左右手一拉一放另水蓋旋轉.
6.用紙皮鞋盒做一隊足球隊.(龍門,球員).紙皮剪裁成倒V 型狀.用鍚紙包卷成足球.
將足球放近倒 V 前面一拍,球便勁力射出到目的地.
7.養蠶蟲...真實了解其生長過程.
8.在天台放風箏.自製玻璃線.
9..鬥"老督" ,"紅孩兒"---一種昆蟲,一埋身便博鬥.
這些小昆蟲可以買,冇錢買便要自己到山上捕捉.在山上隨時給童党打腳骨,一日的收成心血全失.
晚了,越想越多,,口渴,,冇湯飲添,,就此擱筆好了.
立冬，
妳說的童年往事，真的另人忘懷。
把衫夾一個夾住一個，當火車玩。
跟表弟一起玩的。
我小時候也三毫子支維他奶。
看來，立冬姐，我們時代是相同的喔！
indy
好有共鳴,好懷念!
樂園天地，我有去過，當時和朋友去~但我地玩好少錢，睇居多。
得閒去下機鋪啦 , 以前我有幾個客, 都係在機鋪 , D "機" FRIEND 知道我做那一行業後關照我的, 諗落其實賺過佢地唔少 ! 哈哈 !
我寧願俾貴少少呢，因為果度環境真係好好呀．
赤柱居屋, 環境真係唔錯, 我朋友住那兒的, 佢就話靜就靜, 不過貧富問題好嚴重 , 連茶餐廳都貴過灣仔幾蚊 ! (灣仔都不便宜) !