永遠懷念的－極品生菜魚肉湯
看來大家都是念舊的人，今天又來數一下童年時的美味食物。以前大牌檔盛行，手推車的小食也大行其道。最令我懷念的，是深水埗北河街與福華街交界的手推車，有一檔專賣生菜魚肉和碗仔翅的，分三毫子（綠色碗）和五毫子（粉紅色碗）。因工作時認識了那檔手推車的太子爺（現任某英國上市公司亞太區總經理），才知道他們的生菜魚肉湯，原來是用燒豬骨加大地魚熬製出來的，難怪特別好味。而胡椒粉也是自己磨的，也特別惹味。朋友說：他們幾兄弟姊妹可以全部出國留學，全靠這檔小生意。雖然做小販是種不用交稅，又能「靜雞雞」發達的行業，但這些全屬辛苦錢，每個毫子都混合著一家人努力耕耘的汗水。
以前的美味食物，大部份仍流傳至今。例如：用碳爐做的雞蛋仔、格仔餅、砵仔糕、白糖糕、牛雜、豬紅豬皮蘿蔔。染成橙色的雞腳、豬生腸、豬耳、大紅腸等，加點芥辣醬、甜醬特別美味。還記得每次吃那些染色雞腳，小便時都會排出橙色的尿液，又要驚又要繼續吃。更有白色細細粒的魚蛋，撈起後會由大大粒縮成細細粒的。另外，炸大腸、臭豆腐、炸雞腿、雞翼，炸蕃薯之類，幾條街以外的人都能嗅出香味。又有種用塊白色圓形的米紙，包著些米色一層層的東西，加些砂糖和花生，好像叫糖蔥餅，這個我從未吃過。還有用一個個玻璃瓶盛載的醃製食物，如一串串的馬蹄、蕎頭、酸木瓜、雪梨、酸蘿蔔等。又有木頭車賣鮮榨椰子汁、涼粉、蔗汁和一些五顏六色的飲品。
有些食物雖然仍然存在，但味道已差了，並非是人大了而口味提高的關係。以一碗生菜魚肉湯為例，現在誰會認真去想那湯底的成份？大多是用味精或雞粉加水算了。又如那「魚肉燒賣」，現在已變成「麵粉味精燒賣」。
以前的小販是否比現在的更有良心？沒現代人那種急功近利？會更關心顧客的身體健康？是自己仍對昔日的味道念念不忘，才放不下心中的執著？你又有哪些永遠難忘的小食可以和大家分享？
總覺得以前細個時，好食好多，現在的魚可能沒以前的好，總是久些風味。
嘩，表哥原來咁有文采呢，首詩又真係幾浪漫，依家唔駛食糖都甜到漏呀．多謝！ 等我得閒都想番一首俾你啦．嘻嘻．
即時肚餓，落街宵夜
表妹，人才，人才啊！
獻上打油詩：
我是一隻夜貓
把星月下的喵聲
變成一首小詩
給表妹的夢
鑲上笑意^^
好食
寶寶，用石油氣爐來燒魷魚會吃壞人架，千祈唔好咁呀！魷魚不易消化，吃了又會有口氣，不宜多吃的。
有空就來我家飲湯水啦。
真係懷念兒時美食, 其中碗仔翅,雞蛋仔和格仔餅是我的至愛. 現在的碗仔翅雖然仍是粉絲加生粉水漿, 但味道始終沒有以前好吃.
雞蛋仔也沒有以前的蛋香, 淡而無味, 可能溝太多水吧! 吃過阿So推介北角那裡的雞蛋仔, 也不外如是.
還有以前戲院門口的煨魷魚, 用炭爐煨熟的香味遠遠也聞得到. 但價錢頗貴, 小時家境清貧, 只能望梅止渴. 長大後曾試過用石油氣爐來煨(應該是燒吧), 味道當然是....不提也罷.
最近我自己醃了子薑, 酸青瓜和蘿蔔, yummy
慳妹過來搵野食呀
還有飛機欖同啄啄糖，啄啄糖而家仲有，但事先包裝好，已經唔新鮮。 飛機欖其實冇乜特別，佢嘅神髓係從地面掟上樓，係想睇小販嘅身手。
係啦嚇人一跳
哈哈，要反映番俾頭條網知道，點解整個咁肉酸的頭像俾那些神秘嘉賓呢？
有發覺好多生面孔在你網家浮游
小心鬼節
立冬因為你心地善良
所以佢知難而退
哈哈
梗係
唔驚啦。我係峨嵋派女俠呀，見慣大場面啦。
立冬
當時南昌街有 [有男], [龍慶], 長沙灣道有 [八仙], 這幾間茶樓, 都不及北河戲院門口的街邊小食, 生菜魚肉湯, 滾滾吓嘅牛雜, 用圓鍋即時炕製, 加入沙糖, 花生粒, 芝麻的夾餅, 仲有啄啄糖等, 各式其式, 食完還可以睇吓金魚, 然後才返屋企.
qq，維記的豬潤麵好受歡迎架。因為蔡生都大讚，特首都去過，好多名人都推介，依家已經三個舖喇。我每次去深水埗都食架。
桂林街以前好多美食,有一列排檔,魚蛋粉好正,盧海鵬都揸車去食.仲有粥檔炒麵,我愛送紅豆沙(以前叫紅豆粥).上一條街,有好味豬潤公仔麵.
而家係咪拆晒 la ?
qq
我都好懷念當年的碗仔翅和豉油王炒麵, 這是我每次泳後的必食品呢~
今天又相認多一位街坊了，真好！但無理由咁少架喎，深水埗區只得幾個？
其實qq講得很對，現在機械化，大量生產。做燒賣生產商，一年賺一千萬。年宵賣燒賣魚蛋，四十萬一個攤位，一樣照租，那就証明大量生產令利潤上升了。
以前我細個果陣真係食過一種好好味的魚肉燒賣，呢世都記得，現在往事只能成追憶了。
原來和立冬係老街坊，小時桂林街有不少街邊小吃，十分懷念
Dear Danny，多謝呢首咁正的版本。可能各位網友的年紀都差不多，所以特別懷舊呢。
謝謝美食.
童年果然叫座,盡在歌中.
Winkjet講果個夾，我好似見過又好似未，真係有少少失憶呢。
Phill，懶病人人都有架，現在康復就好了，我們都很想你啊。
用狀似烏蠅拍的多士夾, 夾著一塊厚厚的枕頭飽, 在燒到紅紅的炭爐上炕多士, 再 [查] 上厚厚的 [咖央], 或花生醬. 嘩 正呀!
立冬: 我剛從印尼回來，而之前生了一場"懶"病，所以你很久沒見到我。
原來你懷念的食品和我的一樣。其實這裡面我也在懷念自己往昔的青春活力時代呢。
新不如舊。
世界不一樣,人心自然也不一樣.以前賣小吃的都是自己做,勞心勞力,現在的大都是批發買,機器+化學料,我已很久沒有吃街頭小吃了.
qq
以前同父母一起住,最愛飲又鮮又甜的生魚湯,想起都好幾年沒飲過啦........
Lawrence，有味精就梗係好食啦。以前的車仔麵無咁勁味精架。食得咁辛苦架？唔制呀。我要食得舒服架。深水埗黃金商場附近都有間車仔麵，又係好多人食，仲有油渣麵，豬潤麵，譚仔雲南米線，綠林糖水，公和豆腐花，真係好多野食，下次可以去試下。
re : 立冬
這家車仔麵, 真係勁得, 你諗諗, 唔得果d , 通常都全年無休 , 早7晚 11 , 12 !
又要有雅座 , 這間連座位都無, 企位亦只得約4-5個 , 連位都無得企, 咁就自己"棒" 住個碗, 企係到食 ! e 個場面 , 就係80年代, 我係 "京都戲院" 門外, 跟同學們 , 經常做的事 !
這家車仔麵真係要試 , 不過我諗你都係到時+5 元, 買枝汽水 , 哈哈 ! 全港的車仔麵 , 差唔多都有這毛病 ! 不過鬼叫佢真係好好好好好好好...........食 !
我昨晚試完試啦 ! 可以搵日搵你試試這家, maybe 帶你試下灣仔我認為 5 家最好的食店 : 車仔麵之家 ; 春園街的潮州鋪 ; 星街有間漢堡飽 ; 仲有告士打道樂意餐廳食扒 !
我自小長在灣仔，所以對深水埗的認識是高中以后。還記得那家油炸魚肉，曬點魚露，味道真好。印象中只此一家，其他地方未見過。
小時候很喜歡幫家人買菜，因為可以“打虎頭”，省下的幾毫子就可以買串辣魚蛋或煎瓤三寶。
很久沒見Phill了，你說的挑魚漿，正是我說的生菜魚肉湯，可能你那檔沒有加生菜呢。現在我每次想起這碗魚肉湯，都會吞口水的，那種好味已經烙印在我的味覺神經記憶系統裡面，永遠保留！
Lawrence，我發覺依家食完車仔麵好口乾，感覺好唔舒服，所以都有兩三年唔敢食了。你講到咁好味，真係想去食。
以前北河街和福華街交界，聚集了好幾檔推車仔，其中一檔是車仔麵，佢的豬紅好滑，滑得來好有口感，跟現在的完全不同。連我二家姐都話呢檔是最最最好的。（備註：我二家姐對食物是很有研究的，也是我背後的軍師。）
以前,總愛用剛出鍋的麥包包著油炸鬼,然後配上一碗濃濃的豆漿......現在的油炸鬼都不是以前的味道了,豆漿都更別說了.
街邊檔也是面目全非.
博士有工人使喚，原來出身富貴人家呢。
以前的街邊野真係幾好食，我問過那位太子爺，他們的生菜魚肉，那些生菜有無洗的，他說梗係有啦，他以前成日幫阿媽洗菜的。還叫我放心啦，因為他們全家都有份食，又怎會不衛生呢？
你話未食果種薄餅,在荷里活廣埸巴士站裏面,有個老伯經常擺賣.另外我在大埔亦見過.
我懷念的是舊紅磡碼頭旁邊的一檔挑魚漿湯，我從觀塘下班來到這裡約傍晚六時多些，吩咐檔主來一碗，看著他從一大盆魚肉漿熟練地一勺勺挑到滾熱的湯裡，然後撒上胡椒，就變成一碗絕頂美食了，尤其是打風落雨，更能讓我的肚子感受到暖和舒服。我吃完了，就趕到理工學院 (那時還不叫理工大學) 去上我的夜校課，這碗魚漿湯幫我把晚餐推遲到了晚上十點半。
也是的，那時的人比現在的更有人情味、不會急功近利。所以很感嘆人心的變遷。
立冬早
小時候屋企管得嚴, 唔俾通街食嘢, 但係自己都會偷偷食。
記得大清早返學, 睇見同學仔一人一碟豬腸粉, 自己配醬料, 再加兩粒燒賣, 個個食到津津有味。
為咗想食豬腸粉加兩粒燒賣, 特登早起兩粒鐘, 趁阿媽未起身, 工人未煮早餐, 就走咗去返學。
一碟熱辣辣豬腸粉捧在手中, 感覺好正！
都唔好話而家啲人做飲食無良心, 以前少管制, 好多材料都唔怕用。而家管制嚴格, 經常抽驗食物和配料, 呢樣可能致乜, 嗰樣又話致物, 搞到無啖好食。
如果將童年街邊小食攞去驗, 結果可能嚇死人！
話說回頭, 人命太矜貴, 食物太衞生, 搞到所有人無哂抵抗力, 後果更嚴重！
唔知點解，現在的食物，沒有以前咁好食。
話時話, E 家 都幾乎無晒街邊 "手推車" , 真係幾懷念 ! 我住上環的時候, 有檔賣"鍋貼" 及 薄撐" , 仲有檔係賣 "即炸油炸鬼" , 當然 , 一般的魚蛋, 腸炒檔都唔少 !
以前的小販係咪有良心 , 唔知 ? 不過現在果 D 無咁好食 , 失晒水準 , 未必關小販們的事 , 你看現在果D 傳統街頭小食檔 , 10居奇9 , 都已經不再是"小販" 身份 , 9 成半都係租鋪 , 租金幾多 ? 真係唔敢想像 ! 所以有時都不可怪他們沒良心, 沒良心的 , 只是地產商及政府及一班炒家!
****
唔講傷心野 , 介紹一間車仔麵比大家 (MAYBE 好多人都試過)
在灣仔 , 叫 "車仔麵之家 " 地址 : 晏頓街 1 號
食遍港九好多車仔麵 , 唯獨這一家, 仲食得到 80 年代那種車仔麵的味道 ! (油麵 , 魚蛋 , 豬皮, 甜酸齋 , 真係1流 , 我次次差唔多都係咁食 ! 食了幾百次, 都未厭 , 我現在搬離灣仔 , 好多時也專登花成粒鐘時間, 目的都係去食這家的車仔麵 ! )
備註 :
間野都幾識做生意的 , 星期1-6 , 收 7:00 PM
星期日, 休息
全場不設雅座 !
(點完麵, 點完餸 , 一定會問你要唔要辣醬 , 醬係極品 , 唔落不如唔好食 , 我就覺得唔辣的 , 所以唔食得辣的人, 都應該要小辣 ! )
大家咁懷舊, 遲D登D懷舊美食檔模型照片給大家欣賞下先得QQ
indy
一級棒．
褪色的記憶總令人特別懷念。
Danny，即刻搵左碟炸兩送俾你呀。
立冬一出文又使我回味無窮.
舊式大排檔的豬紅,牛肉,腰潤粥....米王炸兩.
天冷時在大光燈下,推車小販的牛雜麵....糯米飯.
戯院門口小販的炒栗子.
小販放在小小籃子的墨魚...其它雜食.剪剪切切成一串,塗上芥醬.好好食
小時候唔夠錢品嘗太多,往往只能小試.....口水都流埋.
碗仔翅及生菜魚肉是我至愛！
今天科技發達,反影响食物質素.可以說加了很多假東西.
都是原始東西有益.好味.