立 冬
立 冬
立 冬

永遠懷念的-極品生菜魚肉湯

2009/09/11 19:38:12 網誌分類: 飲食
11 Sep

 

 

 

看來大家都是念舊的人,今天又來數一下童年時的美味食物。以前大牌檔盛行,手推車的小食也大行其道。最令我懷念的,是深水埗北河街與福華街交界的手推車,有一檔專賣生菜魚肉和碗仔翅的,分三毫子(綠色碗)和五毫子(粉紅色碗)。因工作時認識了那檔手推車的太子爺(現任某英國上市公司亞太區總經理),才知道他們的生菜魚肉湯,原來是用燒豬骨加大地魚熬製出來的,難怪特別好味。而胡椒粉也是自己磨的,也特別惹味。朋友說:他們幾兄弟姊妹可以全部出國留學,全靠這檔小生意。雖然做小販是種不用交稅,又能「靜雞雞」發達的行業,但這些全屬辛苦錢,每個毫子都混合著一家人努力耕耘的汗水。

 

以前的美味食物,大部份仍流傳至今。例如:用碳爐做的雞蛋仔、格仔餅、砵仔糕、白糖糕、牛雜、豬紅豬皮蘿蔔。染成橙色的雞腳、豬生腸、豬耳、大紅腸等,加點芥辣醬、甜醬特別美味。還記得每次吃那些染色雞腳,小便時都會排出橙色的尿液,又要驚又要繼續吃。更有白色細細粒的魚蛋,撈起後會由大大粒縮成細細粒的。另外,炸大腸、臭豆腐、炸雞腿、雞翼,炸蕃薯之類,幾條街以外的人都能嗅出香味。又有種用塊白色圓形的米紙,包著些米色一層層的東西,加些砂糖和花生,好像叫糖蔥餅,這個我從未吃過。還有用一個個玻璃瓶盛載的醃製食物,如一串串的馬蹄、蕎頭、酸木瓜、雪梨、酸蘿蔔等。又有木頭車賣鮮榨椰子汁、涼粉、蔗汁和一些五顏六色的飲品。

 

有些食物雖然仍然存在,但味道已差了,並非是人大了而口味提高的關係。以一碗生菜魚肉湯為例,現在誰會認真去想那湯底的成份?大多是用味精或雞粉加水算了。又如那「魚肉燒賣」,現在已變成「麵粉味精燒賣」。

 

以前的小販是否比現在的更有良心?沒現代人那種急功近利?會更關心顧客的身體健康?是自己仍對昔日的味道念念不忘,才放不下心中的執著?你又有哪些永遠難忘的小食可以和大家分享?

 

 

回應 (55)
我要發表
心之
心之 2009/09/16 17:02:13 回覆

總覺得以前細個時,好食好多,現在的魚可能沒以前的好,總是久些風味。

立 冬
立 冬 2009/09/14 09:44:13 回覆

嘩,表哥原來咁有文采呢,首詩又真係幾浪漫,依家唔駛食糖都甜到漏呀.多謝! 等我得閒都想番一首俾你啦.嘻嘻. {#icon8}

2009/09/14 02:06:15 回覆

即時肚餓,落街宵夜 {#icon8}

表妹,人才,人才啊!

 

獻上打油詩:

我是一隻夜貓

把星月下的喵聲

變成一首小詩

給表妹的夢

鑲上笑意^^

2009/09/14 01:48:41 回覆

好食 {#icon0}

立 冬
立 冬 2009/09/14 00:56:08 回覆

寶寶,用石油氣爐來燒魷魚會吃壞人架,千祈唔好咁呀!魷魚不易消化,吃了又會有口氣,不宜多吃的。

有空就來我家飲湯水啦。 {#icon0}

2009/09/13 23:24:27 回覆

真係懷念兒時美食, 其中碗仔翅,雞蛋仔和格仔餅是我的至愛. 現在的碗仔翅雖然仍是粉絲加生粉水漿, 但味道始終沒有以前好吃.

雞蛋仔也沒有以前的蛋香, 淡而無味, 可能溝太多水吧! 吃過阿So推介北角那裡的雞蛋仔, 也不外如是.

還有以前戲院門口的煨魷魚, 用炭爐煨熟的香味遠遠也聞得到. 但價錢頗貴, 小時家境清貧, 只能望梅止渴. 長大後曾試過用石油氣爐來煨(應該是燒吧), 味道當然是....不提也罷.

最近我自己醃了子薑, 酸青瓜和蘿蔔, yummy

花姐
花姐 2009/09/13 22:29:33 回覆

慳妹過來搵野食呀

慳妹
慳妹 2009/09/13 22:26:50 回覆

還有飛機欖同啄啄糖,啄啄糖而家仲有,但事先包裝好,已經唔新鮮。 飛機欖其實冇乜特別,佢嘅神髓係從地面掟上樓,係想睇小販嘅身手。

花姐
花姐 2009/09/13 22:20:31 回覆

係啦嚇人一跳

立 冬
立 冬 2009/09/13 22:19:30 回覆

哈哈,要反映番俾頭條網知道,點解整個咁肉酸的頭像俾那些神秘嘉賓呢? {#icon8}

花姐
花姐 2009/09/13 22:14:18 回覆

有發覺好多生面孔在你網家浮游

小心鬼節

花姐
花姐 2009/09/13 22:12:37 回覆

立冬因為你心地善良

所以佢知難而退

哈哈

立 冬
立 冬 2009/09/13 22:10:48 回覆

梗係  {#200908211407368519.gif} 唔驚啦。我係峨嵋派女俠呀,見慣大場面啦。

花姐
花姐 2009/09/13 22:03:33 回覆

立冬

進入全尺寸圖片驚唔驚

2009/09/13 19:29:42 回覆

當時南昌街有 [有男], [龍慶], 長沙灣道有 [八仙], 這幾間茶樓, 都不及北河戲院門口的街邊小食, 生菜魚肉湯, 滾滾吓嘅牛雜, 用圓鍋即時炕製, 加入沙糖, 花生粒, 芝麻的夾餅, 仲有啄啄糖等, 各式其式, 食完還可以睇吓金魚, 然後才返屋企.

立 冬
立 冬 2009/09/13 13:42:49 回覆
@qqcheng (小吉)...

qq,維記的豬潤麵好受歡迎架。因為蔡生都大讚,特首都去過,好多名人都推介,依家已經三個舖喇。我每次去深水埗都食架。

qqcheng (小吉)
qqcheng (小吉) 2009/09/13 13:37:55 回覆

桂林街以前好多美食,有一列排檔,魚蛋粉好正,盧海鵬都揸車去食.仲有粥檔炒麵,我愛送紅豆沙(以前叫紅豆粥).上一條街,有好味豬潤公仔麵. {#icon0}而家係咪拆晒 la ?

qq

則卷小雲
則卷小雲 2009/09/13 12:53:47 回覆

我都好懷念當年的碗仔翅和豉油王炒麵, 這是我每次泳後的必食品呢~

立 冬
立 冬 2009/09/13 12:15:57 回覆

今天又相認多一位街坊了,真好!但無理由咁少架喎,深水埗區只得幾個? {#icon39}

其實qq講得很對,現在機械化,大量生產。做燒賣生產商,一年賺一千萬。年宵賣燒賣魚蛋,四十萬一個攤位,一樣照租,那就証明大量生產令利潤上升了。

以前我細個果陣真係食過一種好好味的魚肉燒賣,呢世都記得,現在往事只能成追憶了。

2009/09/13 11:13:21 回覆

原來和立冬係老街坊,小時桂林街有不少街邊小吃,十分懷念

立 冬
立 冬 2009/09/13 10:05:52 回覆

Dear Danny,多謝呢首咁正的版本。可能各位網友的年紀都差不多,所以特別懷舊呢。

{#200907242213194506.gif}

2009/09/13 03:54:14 回覆

謝謝美食.

童年果然叫座,盡在歌中.

 

立 冬
立 冬 2009/09/12 22:11:30 回覆

Winkjet講果個夾,我好似見過又好似未,真係有少少失憶呢。 {#icon39}

立 冬
立 冬 2009/09/12 22:08:45 回覆

Phill,懶病人人都有架,現在康復就好了,我們都很想你啊。 {#icon8}

2009/09/12 22:01:31 回覆

用狀似烏蠅拍的多士夾, 夾著一塊厚厚的枕頭飽, 在燒到紅紅的炭爐上炕多士, 再 [查] 上厚厚的 [咖央], 或花生醬. 嘩 正呀!

2009/09/12 21:56:00 回覆

立冬: 我剛從印尼回來,而之前生了一場"懶"病,所以你很久沒見到我。

原來你懷念的食品和我的一樣。其實這裡面我也在懷念自己往昔的青春活力時代呢。

小女子
小女子 2009/09/12 16:35:42 回覆

新不如舊。

{#0.jpg}

qqcheng (小吉)
qqcheng (小吉) 2009/09/12 13:18:23 回覆

世界不一樣,人心自然也不一樣.以前賣小吃的都是自己做,勞心勞力,現在的大都是批發買,機器+化學料,我已很久沒有吃街頭小吃了.

qq

無端端
無端端 2009/09/12 12:51:18 回覆

以前同父母一起住,最愛飲又鮮又甜的生魚湯,想起都好幾年沒飲過啦........

立 冬
立 冬 2009/09/12 12:37:50 回覆

Lawrence,有味精就梗係好食啦。以前的車仔麵無咁勁味精架。食得咁辛苦架?唔制呀。我要食得舒服架。深水埗黃金商場附近都有間車仔麵,又係好多人食,仲有油渣麵,豬潤麵,譚仔雲南米線,綠林糖水,公和豆腐花,真係好多野食,下次可以去試下。

2009/09/12 12:04:25 回覆

re : 立冬

這家車仔麵, 真係勁得, 你諗諗, 唔得果d , 通常都全年無休 , 早7晚 11 , 12 !

又要有雅座 , 這間連座位都無, 企位亦只得約4-5個 , 連位都無得企, 咁就自己"棒" 住個碗, 企係到食 ! e 個場面 , 就係80年代, 我係 "京都戲院" 門外, 跟同學們 , 經常做的事 !

這家車仔麵真係要試 , 不過我諗你都係到時+5 元, 買枝汽水 , 哈哈 ! 全港的車仔麵 , 差唔多都有這毛病 ! 不過鬼叫佢真係好好好好好好好...........食 !

我昨晚試完試啦 ! 可以搵日搵你試試這家, maybe 帶你試下灣仔我認為 5 家最好的食店 : 車仔麵之家 ; 春園街的潮州鋪 ; 星街有間漢堡飽 ; 仲有告士打道樂意餐廳食扒 !

 

2009/09/12 11:55:55 回覆

我自小長在灣仔,所以對深水埗的認識是高中以后。還記得那家油炸魚肉,曬點魚露,味道真好。印象中只此一家,其他地方未見過。

小時候很喜歡幫家人買菜,因為可以“打虎頭”,省下的幾毫子就可以買串辣魚蛋或煎瓤三寶。

立 冬
立 冬 2009/09/12 09:56:05 回覆

很久沒見Phill了,你說的挑魚漿,正是我說的生菜魚肉湯,可能你那檔沒有加生菜呢。現在我每次想起這碗魚肉湯,都會吞口水的,那種好味已經烙印在我的味覺神經記憶系統裡面,永遠保留!

立 冬
立 冬 2009/09/12 09:45:46 回覆

Lawrence,我發覺依家食完車仔麵好口乾,感覺好唔舒服,所以都有兩三年唔敢食了。你講到咁好味,真係想去食。

以前北河街和福華街交界,聚集了好幾檔推車仔,其中一檔是車仔麵,佢的豬紅好滑,滑得來好有口感,跟現在的完全不同。連我二家姐都話呢檔是最最最好的。(備註:我二家姐對食物是很有研究的,也是我背後的軍師。)

禪一
禪一 2009/09/12 09:40:03 回覆

以前,總愛用剛出鍋的麥包包著油炸鬼,然後配上一碗濃濃的豆漿......現在的油炸鬼都不是以前的味道了,豆漿都更別說了.

街邊檔也是面目全非.

 

立 冬
立 冬 2009/09/12 09:34:05 回覆

博士有工人使喚,原來出身富貴人家呢。

以前的街邊野真係幾好食,我問過那位太子爺,他們的生菜魚肉,那些生菜有無洗的,他說梗係有啦,他以前成日幫阿媽洗菜的。還叫我放心啦,因為他們全家都有份食,又怎會不衛生呢?

2009/09/12 09:30:43 回覆

你話未食果種薄餅,在荷里活廣埸巴士站裏面,有個老伯經常擺賣.另外我在大埔亦見過.

2009/09/12 09:25:09 回覆

我懷念的是舊紅磡碼頭旁邊的一檔挑魚漿湯,我從觀塘下班來到這裡約傍晚六時多些,吩咐檔主來一碗,看著他從一大盆魚肉漿熟練地一勺勺挑到滾熱的湯裡,然後撒上胡椒,就變成一碗絕頂美食了,尤其是打風落雨,更能讓我的肚子感受到暖和舒服。我吃完了,就趕到理工學院 (那時還不叫理工大學) 去上我的夜校課,這碗魚漿湯幫我把晚餐推遲到了晚上十點半。

也是的,那時的人比現在的更有人情味、不會急功近利。所以很感嘆人心的變遷。

花姐
花姐 2009/09/12 07:27:05 回覆

立冬早

2009/09/12 05:24:20 回覆

小時候屋企管得嚴, 唔俾通街食嘢, 但係自己都會偷偷食。

記得大清早返學, 睇見同學仔一人一碟豬腸粉, 自己配醬料, 再加兩粒燒賣, 個個食到津津有味。

為咗想食豬腸粉加兩粒燒賣, 特登早起兩粒鐘, 趁阿媽未起身, 工人未煮早餐, 就走咗去返學。

一碟熱辣辣豬腸粉捧在手中, 感覺好正!

都唔好話而家啲人做飲食無良心, 以前少管制, 好多材料都唔怕用。而家管制嚴格, 經常抽驗食物和配料, 呢樣可能致乜, 嗰樣又話致物, 搞到無啖好食。

如果將童年街邊小食攞去驗, 結果可能嚇死人!

話說回頭, 人命太矜貴, 食物太衞生, 搞到所有人無哂抵抗力, 後果更嚴重!

2009/09/12 03:21:26 回覆

唔知點解,現在的食物,沒有以前咁好食。 {#icon5}

2009/09/12 01:49:03 回覆

{#Have a great weekend with bread and butter.jpg}

2009/09/12 00:44:03 回覆

話時話, E 家 都幾乎無晒街邊 "手推車" , 真係幾懷念 ! 我住上環的時候, 有檔賣"鍋貼" 及 薄撐" , 仲有檔係賣 "即炸油炸鬼" , 當然 , 一般的魚蛋, 腸炒檔都唔少 !

以前的小販係咪有良心 , 唔知 ? 不過現在果 D 無咁好食 , 失晒水準 , 未必關小販們的事 , 你看現在果D 傳統街頭小食檔 , 10居奇9 , 都已經不再是"小販" 身份 , 9 成半都係租鋪 , 租金幾多 ? 真係唔敢想像 !  所以有時都不可怪他們沒良心, 沒良心的 , 只是地產商及政府及一班炒家!

****

唔講傷心野 , 介紹一間車仔麵比大家 (MAYBE 好多人都試過)

在灣仔 , 叫 "車仔麵之家 "  地址 : 晏頓街 1 號

食遍港九好多車仔麵 , 唯獨這一家, 仲食得到 80 年代那種車仔麵的味道 ! (油麵 , 魚蛋 , 豬皮, 甜酸齋 , 真係1流 , 我次次差唔多都係咁食 ! 食了幾百次, 都未厭 , 我現在搬離灣仔 , 好多時也專登花成粒鐘時間, 目的都係去食這家的車仔麵 ! )

備註 :

         間野都幾識做生意的 , 星期1-6 , 收 7:00 PM

         星期日, 休息

         全場不設雅座 !

         (點完麵, 點完餸 , 一定會問你要唔要辣醬 , 醬係極品 , 唔落不如唔好食 , 我就覺得唔辣的 , 所以唔食得辣的人, 都應該要小辣 ! )

 

彭彭
彭彭 2009/09/12 00:39:53 回覆

大家咁懷舊, 遲D登D懷舊美食檔模型照片給大家欣賞下先得QQ

indy

禪一
禪一 2009/09/12 00:30:43 回覆

一級棒. {#icon0}

包
2009/09/12 00:01:17 回覆

褪色的記憶總令人特別懷念。

立 冬
立 冬 2009/09/11 23:10:22 回覆

Danny,即刻搵左碟炸兩送俾你呀。

2009/09/11 22:46:49 回覆

立冬一出文又使我回味無窮.

舊式大排檔的豬紅,牛肉,腰潤粥....米王炸兩.

天冷時在大光燈下,推車小販的牛雜麵....糯米飯.

戯院門口小販的炒栗子.

小販放在小小籃子的墨魚...其它雜食.剪剪切切成一串,塗上芥醬.好好食

小時候唔夠錢品嘗太多,往往只能小試.....口水都流埋.

 

 

 

2009/09/11 22:45:37 回覆

碗仔翅及生菜魚肉是我至愛!

2009/09/11 22:36:44 回覆

今天科技發達,反影响食物質素.可以說加了很多假東西.

都是原始東西有益.好味.

瀏覽更多回應 正在載入...
user

已關注

最新回應

淺雪
淺雪 2022/09/11

{#61579_1564737928166_1526930116_1419976_7057977_n.jpg}

淺雪
淺雪 2021/09/20

立冬..你好..我也很好..謝有心..祝中秋節快樂..

立 冬
立 冬 2021/09/13
@淺雪...

謝謝淺雪姐!很久沒來這裡了,你好嗎? {#icons_cat1}

淺雪
淺雪 2021/09/10

對..人與人的鄰里關係實在很淡薄..

的確靠平安鐘實際d..