HAPPY BIRTHDAY TO ME!

今天又大一歳，對於一個女人嚟講，去到某個年齡，已經唔係好想面對生日，或者咁講，已經冇咩感覺，但求平平安安、簡簡單單咁過。可能我生性內向、不善交際又怕嘈，"生日大事慶祝"反而會辛苦自己，其實，生日無論慶唔慶祝，祇要自己過得開心就得啦!

對於一個熱愛旅遊嘅人嚟講，我希望每年生日都係唔同嘅地方過，但這一日偏偏就係公司規定唔可以放長假嘅日子，所以願望都係落空。不過，我都會選擇每年係這一天放一日假，一個人揸架車周圍去，播自己鍾意聽嘅音樂，去做自己鍾意做嘅事，品嘗自己鍾意嘅美食，去最接近大自然嘅地方睇自己最鍾意睇嘅書，然後夜晚就同另一半食飯。

對一個為人子女嘅人嚟講，生日嘅願望係爸媽“和好如初，安享晚年”，係佢地身上我揾到 “可以共患難，唔可以共富貴”，父母嘅感情世界，作為子女，我真係猜唔透，我唯一可以做到嘅，就係盡最大努力供養佢地，侍奉佢地，令佢地安享晚年!

HAPPY BIRTHDAY TO ME!