同Sales談續約～我贏了，還是輸了？

周六晚，想起寬頻服務到期，於是致電寬頻公司。

值得一讚，是該公司晚上10點幾都有人聽電話，真難得。

＊不知那位Sales談電話時，是否和他一樣？

不過，電話接通後，就是一輪爭持。

我：我想續約，甚麼禮物也不要，Plan照舊就可以了。

Sales：我們有這樣送，那樣送，月費是二百幾十幾。

我：我不要禮物，同我照舊就得啦！

Sales：我地公司今年仲有咩送咩送喎！

我（不耐煩）：我好窮，無錢俾，咩都唔要啦，價錢照舊就好，唔該。

Sales：咁樣呀？一百幾十幾一個月，簽合約兩年。

我：不是吧？上年不是這個價喔！

Sales：只是貴十蚊，好少姐，一年先多百幾蚊。

我：唔係喎，依家金融海嘯無耐，人人都講緊通縮，你仲加價？嗯，我遲兩日打俾你，我格下價先。

Sales：你還考慮甚麼呢？一係我地再送一套無線Keyboard同Mouse俾你。

我（心思思）：唔，這個價還有禮物送？還有其他禮物嗎？

Sales：榨汁機或者另一樣啦！

我：沒其他了？

Sales：只這三樣。

我：我還是不要了，減我一兩個月費吧！我家地方少，放不下禮物。

Sales：公司的Plan是這樣啦，禮物是小小心意罷了。

我：這樣喔？我簽一年合約好了！兩年後我懷疑全香港都有免費Wi-fi了。

Sales：我們公司只有兩年合約可簽呀！怎可能有免費上網呀？

我：怎會不可能？PCCW的Wi-fi我可以免費用，我在大學工作。你加價，我只簽一年。

Sales：只加了10元，不算甚麼啦，價錢調整少少，在所難免。

我：咁我都係遲兩日再打來，我現在去格價，查埋Wi-fi上網的價錢先。

Sales：這樣吧！給你兩個月免月費，好嗎？

我：好！就這樣決定吧！

＊　　＊　　＊　　＊　　＊　　＊　　＊

大家認為，我勝了，還是輸了？

.　老實講，我仍相信兩年後費用可能更便宜，或者有更多Wi-fi服務可用，例如電話／家居上網一條龍，但想到要轉電郵地址，又要找人來SETUP，就覺得麻煩。

.　結果讓對方加10元月費，保持舊Plan算了。

.　我想，那個Sales可能還有更優惠的底線套餐未show出來，也說不定呢！