TVB「秋」廣管局一記悶棍 【PG 家長指引】
2007/03/05 23:54:05
網誌分類:
影視
一齣廿年前嘅「粵語陳片」，近月竟掀起一場輿論風波。講嘅係TVB將於下個禮拜一（3月12日）凌晨12點45分再再再重播嘅足本《秋天的童話》。
話說廣播事務管理局接獲一名市民投訴，指舊年十一國慶日下晝，TVB播出呢齣有粗口嘅電影，有教壞細路之嫌；廣管局裁定投訴成立，向TVB作出勸喻。據了解，投訴人指主角「船頭尺」駕車迎接女主角「十三妹」（鍾楚紅飾）途中，與一夥西班牙裔流氓發生爭執，雙方各自在車廂內互相「問候」，對白夾雜大量不雅用語加不文手勢。「勸喻」發出後，惹來群情洶湧，有市民甚至作出反投訴，炮轟有關裁決，批評廣管局保守兼out爆，但局方一於好少理。
《秋天的童話》係港產愛情文藝片經典之作，喺第七屆香港電影金像獎榮獲「最佳電影」、「最佳攝影」、「最佳編劇」等獎項，主角周潤發更憑此片於1987年金馬獎勇奪影帝。最近更被網民選為「香港最受歡迎十大電影」之一。既然喺影迷心目中地位超然，難怪反響有咁大。
筆者對電視台播出嘅電影一向冇乜期望，皆因剪得就剪、刪得就刪，再加插廣告時段窒住晒，如果動不動有人投訴，再剪多三幾嘢，倒不如全面禁播、自己煲碟好過。
有人話，今次TVB順應民情再度重播《秋天的童話》好有「吉士」，筆者又唔多覺，如果真係有心撐到硬，就應該揀晚間八、九點合家歡時段，重要全片唔插播廣告，咁就心服口服啦！另外，根據節目表資料，該片已即列為「家長指引16H」（PG16H）類別，註明部份內容涉及頻密、大量不雅用語（coarse language），既然電視台有提示在先，如果再有觀眾投訴，就真係雞蛋裡挑骨頭。
不過講到底，TVB總算對觀眾有交代，又醒咗廣管局一記悶棍，兼且可以令「衛道之士」嘅預期不滿減至最低，手法都算高章喇。
話說廣播事務管理局接獲一名市民投訴，指舊年十一國慶日下晝，TVB播出呢齣有粗口嘅電影，有教壞細路之嫌；廣管局裁定投訴成立，向TVB作出勸喻。據了解，投訴人指主角「船頭尺」駕車迎接女主角「十三妹」（鍾楚紅飾）途中，與一夥西班牙裔流氓發生爭執，雙方各自在車廂內互相「問候」，對白夾雜大量不雅用語加不文手勢。「勸喻」發出後，惹來群情洶湧，有市民甚至作出反投訴，炮轟有關裁決，批評廣管局保守兼out爆，但局方一於好少理。
《秋天的童話》係港產愛情文藝片經典之作，喺第七屆香港電影金像獎榮獲「最佳電影」、「最佳攝影」、「最佳編劇」等獎項，主角周潤發更憑此片於1987年金馬獎勇奪影帝。最近更被網民選為「香港最受歡迎十大電影」之一。既然喺影迷心目中地位超然，難怪反響有咁大。
筆者對電視台播出嘅電影一向冇乜期望，皆因剪得就剪、刪得就刪，再加插廣告時段窒住晒，如果動不動有人投訴，再剪多三幾嘢，倒不如全面禁播、自己煲碟好過。
有人話，今次TVB順應民情再度重播《秋天的童話》好有「吉士」，筆者又唔多覺，如果真係有心撐到硬，就應該揀晚間八、九點合家歡時段，重要全片唔插播廣告，咁就心服口服啦！另外，根據節目表資料，該片已即列為「家長指引16H」（PG16H）類別，註明部份內容涉及頻密、大量不雅用語（coarse language），既然電視台有提示在先，如果再有觀眾投訴，就真係雞蛋裡挑骨頭。
不過講到底，TVB總算對觀眾有交代，又醒咗廣管局一記悶棍，兼且可以令「衛道之士」嘅預期不滿減至最低，手法都算高章喇。
回應
(1)
我要發表
2007/03/09 10:52:18
回覆
衛老頭粗人一名，滿腹經綸，學貫中西，編有中外粗口大典一巨冊，經常三、四、五、六、七、八、九字經沖口而出，因怕網管局抽稱，未敢在網上秀料，不知秋天一片講的是那一句粗口？