2009/9/20 星期日
2009/09/20 22:39:06 網誌分類: 財經
在股票投資方面有三大類產品我不買： 創業板不買、俗稱窩輪的認股證不買、牛熊證不買。 大家或會以為我在這三類產品輸了錢所以不買，非也，事實上我在這些產品中賺了錢。
創業板只買過一次：差不多十年前，股齡比較長的朋友或會記得一隻從事環保製冷劑業務，名為「格林柯爾」的股票。 我在大約 1.50 買入，一直持有至股價在四至五元水平陸續沽出，利潤不俗：我買的原因是當時這種環保概念的產品剛開始流行，應該有市場，所以一試。 該公司的大股東顧雛軍後來收購主板上市公司「廣東科龍」，跟著又涉及商業犯罪在國內受審，「格林柯爾」最終取消上市資格，「科龍」停牌多年，現在易名為「海信科龍」。
認股證買過七次，唯一輸錢也是輸得最慘烈的一次是沒有止蝕，最後認股證到期變成廢紙，損失一萬一千多元；其他的都有賺，由幾百元到幾千元，最多的一次賺了約兩萬元，所以全部認股證買賣的總數還算是有利潤。 為什麼這樣清楚？ 因為由 03 年開始，所有買賣已經用電腦紀錄，一目了然，亦會經常檢視，看到自己心路歷程的改變。
牛熊證就一次都未買過，亦不打算參加這個遊戲，因為看到很多人睇好睇淡，卻又左一巴、右一巴的面青口腫，所以知難而退。
既然成績尚算不俗，那為什麼不再接再厲？ 因為我知道有更好更安全的方法去獲利，去為資本增值；我買創業板股票和牛熊證獲利只是運氣好，並不是投資的知識或分析了得，隨著經驗和見聞的累積知道風險所在，我就決定不再去趕這趟渾水。
Persie： 你信一半就入住一半先。
Soho： 中信上星期五高開低收，典型嘅穿頭破腳，樣衰衰，圖表派見到咁就沽貨走人。 可惜我哋唔係內幕人仕，是否係陷阱就要事後才知道！
如果低開做 1.98，亦係全日低位兼收市位，最高兩蚊都係陰燭，但燭身短啲，有冇一個名堂就唔識啦。
好嘢！ 花姐送每人一手匯控，見者有份。
下年可否送每人一手匯控?
和議Soho,persie and 馬仔
今天和神婆馬小玲(妹妹)談港股。她說她相信在十二月年結仍然會挾上。她會集中炒火(石油)和水(電訊和高科技)的板塊。她說內銀基本屬金，但部份業務屬水，也不太差，但她不會買。長倉她會買#2823，短倉她會炒中油#135，中海油田，中移動和騰訊。我問她我可不可繼續炒維他奶，蒙牛和阿巴，她說都得。不過她是半桶水神婆，所以我只會信一半，嘻嘻！
和議Soho, haha.
花姐: 個月餅看似好靚好好味啊！
主席, #1205 中信資源周三收報 $2.01, 周五恒指大幅裂口低開575點, 但係中信就莫名奇妙係競價盤以 $2.1高開, 足足升左九格, 不單逆市造好, 仲大幅高開, 以佢近排既弱勢來說可算是極不尋常, 果然, 係10:00am一開市迅即回落到 $2.02, 收市仲倒跌, 報 $1.98
想向你請教一些陰陽燭的問題,
問題一: 夾硬係$2.1 高開, 收報 $1.98, 成交增加, 是否形成一支好樣衰既大陰燭?
問題二: 如果輕微低開係 $1.98 ~ $2, 收市係 $1.98, 成交增加, 支燭會如何?
問題三: 刻意高開低收, 呢d算唔算係畫圖? 我唔相信恒指急挫時會有人肯以高九格買一隻大弱勢股.
謝謝花姐美味的月餅!
今年花姐送每人一手月餅, 下年可否送每人一手匯控?
老人家免舟居勞頓送月餅
在此祝這班股壇撈貨高手
中秋節快樂，一齊食月餅，一人一手
SOHO 慳妹 lili PERSIE 馬仔 bobobfox
早幾日有個朋友話俾我知 $88 沽出匯控止賺後, 才知道匯控回歸消息, 好後悔沽左貨, 見佢湧緊上 $89, 驚佢會變紅底股, 好想追貨, 問我點睇, soho 扮晒股神上身 : 匯控 $90 阻力好大, 上到都企唔到, 現階段未夠力上沖, 反而會向 $85~$81 進發, 既然 $88 已食糊, 忍到就等佢穿 $85 先至入第一注, 忍唔到就 $87 樓下入住一手頂住先, 千祈唔好 $90 高追.
講完幾日, 匯控竟然沖上 $90, 嚇我一跳, 心諗, 屎喇! 亂up一通累事喇! 爆上 $100 我就吊頸都唔掂, 扮乜鬼股神丫! 阻人發達添! 好彩最後收報 $89.9, 今日仲轆左落黎 $86, 真係執番身彩, 希望佢唔好再問我喇! 再問我唔識答咖喇!
奉勸各位網友: 唔好同soho講股, 佢係亂up當秘笈, 信一成都屎, soho 其實係 陸 Sir 口中既 [ 酒樓企堂泉哥 ]既細佬水哥. kakaka
大闊佬 soho 黎喇! 我出手闊綽好多啵! kakaka 就等我行先屎先啦!
我入貨通常會掛整數多dd, 例如 $8.02 $86.1, 沽貨就係整數少dd, 例如 $19.8 $3.98, 因為整數大位通常都係阻力位或支持位.
港交所 $133.4 入左一手咁大把, 我掛牌個時造 $133.8, 聽講摩笛吹佢落 $110, 遲d大平賣噢!
中國鋁業掛 $8.03 入唔到, 我掛牌個時造 $8.1
號外! 號外! 港交所宣布內地及本港六個網站下周一起試行免費實時報價
中秋節快樂 !!!
我都唔知點解自己只有心睇股仔多......@@
今日又想入一隻股仔.......@@
襟住自已!!
#2600 at $8
#1068 at $17 (set at 1.30pm)
#388 at $133 (二仔底死跟主席)
#11 at $108
馬仔： 睇嚟下星期有機會見 130.00 或樓下。
馬仔, 你都吼 #388 , 大家都唔及 soho 手快.
我等緊 #3988 @3.90 邊 入貨. 期指低水咁多, 再嚇人 ?
我掛 $132.3
慳妹, 謝謝. 今朝見時已 3.96 , 心思思想入 . 現在安心睇位入貨啦 !
LI-LI： 山狗伯伯或有機會穿 3.90，但未必去到 3.80 咁低，攞個中位數 3.85。
soho, 真系掃貨神槍手 wor. 下一目標是甚麼 , #2600 ? #1688 ?
慳妹, 謝謝幫忙, 我手上有股票就唔敢咁進取, 今朝只睇住 #5 及 #3988. 咁 #3988 會否落去 @3.80 ?
好 ! 一於等反彈取回本金先 .
Soho： 今早一開市經紀個電話好繁忙，如果一打就通已經入咗，而家仍掛緊 133.00 買。
LI-LI：大笨象受制下降通道，要升穿 91 蚊才好，底部或要試 81.80。
號外! 號外! soho 今早瘋狂掃入一手港交所.
警告! 警告! ipo爆發股災.阿爺出手打壓國企, 港股成交大幅縮減, 均不利港交所, 入市前要有坐艇心理準備.
今晚美國公布重要經濟數據, 道指企係9500邊, 將會反彈定繼續插呢? 阿爺打壓大大不利國企股, 選股宜小心.
慳妹, 花姐, 馬仔, soho, Persie, 小安子, roca, 午安.
慳妹, soho, 馬仔, #1205 今日都 ok, 頂得住, 可能 soho 講得對.
慳妹, 有無入 #388 ? 我忘記了睇價位, 錯過機會 tim. #5 你看圖又如何呢 ?
我還揸住 #17 及 #1333.
慳妹主席，花姐，soho, Persie,Lily ,馬仔等眾股民：
近日股市難搵食，我都變成大閘蟹。暫時忘記它迎中秋吧！祝中秋節快樂！
《電解鋁業》
~ 被要求在三年內清理過剩產能，淘汰重複建設項目，今後三年原則上不再批准新建及擴建項目
~ 骨幹工廠噸鋁直流電耗降至 12500千瓦時以下
Persie, 中國鋁業加價: 利好, 阿爺打壓鋁業: 利淡, 唔知市場跟邊便走, 不過十月係波動市, 我會睇定d先郁手, 唔憂買唔到貨噢!
原先計劃入6000股中國鋁業, 現改為4000股, 下一注 $8 邊, 將抽起既資金轉投江西銅業, 咁我就有金.銀.銅.鋁...... 哈))))) 礦業大王黎喇!
號外! 號外! soho 黐左線!
// The glass is half full or half empty? What do you think ?//
馬仔而家好叻啦，識得勸我添！
Soho: 你還會繼續入#2600嗎？
恒指回調穿吓20000點唔奇，特別要睇吓內地國慶後個市守唔守得住，若國慶後內地市回軟，恒指又會跟住向下，但下試又唔會太大，唔使睇得太淡。現在睇恒指唔易回到18500點的水平，見20000點可以開始儲吓貨，見到匯控咁樣和李超人密密回購，相信大市跌到19000幾點時已可以引出大批購買力，見18500點的機會低於50%，除非大陸急跌。
加息潮資源股會否大跌，首先要睇有無通脹，無通脹照計唔會大加息，有通脹資源股應該會先升，所以資源股應先升，通脹轉急，才有加息「潮」，若果通脹溫和，商品無大升，只是溫和加息，是最好的情況，資源未曾大升，亦唔會大跌。中海油跌到上升軌邊，現價可買第一注，然後每低3至4%買第二、三注。(轉貼 陸 Sir 29/9)
dai dai 發覺季線圖出現之恆指圖異常準確，固與各網友分享。
恆生指數05年第二季平均線出現「銀山谷」利好訊號上升，跟住以「上山爬坡形」運行，在07年第四季陰陽燭出現「長十字星」見頂訊號（長十字星是一十分準確之見頂訊號），08年第四季平均線出現「死亡交义」後向淡，09年首季出現陀螺見底訊號回升。
今季出現中陽燭收20955，剛在10季線 20699 之上，仍好，阻力位在 22102 及 23084。
~~~~~~~~~~~~~~~~~~~~~~~
dai dai Sir 既睇好言論 與 陸 Sir 一致, 均認為今年第四季恒指會上 23000.
港股要爆上, 匯控.港交所為必選股
阿爺政策有變, 國企升幅將會受到制肘, 但係佔恒指成份股15%既匯控就係大鱷既最佳推升武器, 尋日恒指爆升424點, 匯控就升左 3蚊, 一手匯控一日凈賺$900.
匯控(15%), 工中建行(19%), 中移(10%), 國壽(4%), 中海油(3.5%), 港交所 (2.5%)
//中信資源總經理兼行政總裁曾表示冀望旗下中信大錳可盡快分拆上市，並物色收購石油及商品資產的機會。 //
我炒咁耐都未見過咁古怪既走勢, 我覺得成交少陰d陰d質落黎有點不尋常, 上次公布業績時個番說話亦令人有憧憬, 所以我懷疑係收貨, 不過大鱷會插到阿媽都唔認得, 嚇到散戶不問價沽貨, 先至會收手, 所以我估大鱷會質佢落 $2 樓下.
另一個睇法係近排資源商品股普遍既跌幅都唔細, 中信只係跟跌, 只不過我地持貨所以對佢既股價較為敏感, 而且中信近排交投淡凈, 一個大手沽盤已經可以令佢轆落黎, 就好似今日尾市既沽盤一樣, 樂觀d睇, 一個大手買盤亦可以令佢急升.
上星期有散戶問電台陳永陸(陸叔)中信上望幾多, 佢話中短線睇 $2.8, 長線 $3.2 樓上.
睇下隻#3331紙巾, 大鱷不問價狂沽, 股價由 $6附近轆落 $4.5, 嚇屎唔少散戶, 紛紛沽貨離場, 搞到主席出手增持, 而家紙巾已經慢慢由低位湧緊上 $5 邊, 所以話大鱷做野係不擇手段, 亦擅長捕捉散戶既心理.
馬仔, 我有20000股, 其中14000係中長線倉, 6000係短炒, 而家我考慮緊兩個問題:
1) 如反彈上 $2.1, 沽出短線個注換入一手港交所
2) 如果大鱷質到佢落 $1.9, 加碼入貨, 放入中長線倉, 等佢分拆業務.
Persie
~~沽完後又跳上. 難道這就是我的宿命? 馬仔, 你信不信都好, 我就係咁黑. ~~No, we are 散戶 and you have profit already.
The glass is half full or half empty? What do you think ? If you are 黑, I am gray
. I have 14000 shares #1205.
我等緊恆生#11
Soho： 中信支持位 1.91，我都覺得成交唔配合，但盤路又冇乜啟示；你對呢隻股較熟悉，覺得點？
小安： 股仔都係小注怡情。
Persie： 各師各法，你唔識搵爆升股，我都係一樣，所以我長、中、短線都係個張名單，喺自己熟悉嘅地頭搵食。
//學Soho兄找些爆得的股 //
我最叻搵爆落既股份!
近排大鱷狂沽二三線股, 真係買乜都屎.
今日尾市夾硬利用匯控同地產股扯番個市上黎, 真係假得好交關, 如果早段抽高呢d股份, 必定會引來大量沽盤, 大鱷真係好蠱惑, 臨尾幾分鐘先至出手, 散戶都冇機會沽貨, 一個唔覺意, 下個交易日就打回原形, 散戶想係高位食糊都唔得.
~~~~~~~~~~~~~~~~~~~
【明報專訊】港股在第3季最後一個交易日，表面上無風無浪，交投淡靜；但恒指在臨收市前3、4分鐘卻突然出現了大量買盤掃入本地地產股。
新地、長實、信置、恒隆、恒地等地產股幾乎全線被挾高多個價位，成交激增，經紀對此「異動」亦甚為不解：「其他指數股也沒有這樣的情況，期指之後亦 沒有被推高，不似是炒作什麼政策消息，如說是因為季結而粉飾櫥窗就更『無 厘頭』，區區升那幾個%不會有什麼用。」該經紀揣測最有可能原因是和場外的衍生工具活動有關。有基金經理亦表示，不明白為何會有此現象，但留意到尾市主要是一、兩家歐資大行在「排隊」掛牌掃地產股。
小安子: Hi, 你係咪只買股仔？會唔會買大股架？
Soho: 今天在大廳也看到這篇報導. 想問你認為對#2600有冇影響?
我隻金隅應聲下跌, 已蝕了很多, 又沒止蝕. 但我又試過好多次止蝕後股價又彈升, 高過我的買入價, 所以真係很難掌握.
我掛$2.85入#405多天入不到, 今天lunch前check下, 已於$2.85入到 10K 股, 但原來股價已跌至$2.80. 但這隻我會等十月收息, 我覺得問題不大. 我$3.20沽出 10K #2778, 保持現金買貨, 因我現在限自己用一個十五萬元倉來買賣這堆短倉貨. 沽完後#2778股價又跳上$3.25. 難道這就是我的宿命? 馬仔, 你信不信都好, 我就係咁黑.
我長倉等緊恆生#11, #2823 如落到 $13, 我會先入一注放在長倉.
我都好想學Soho兄找些爆得的股, 但唔識搵. 我暫時當雨潤食品#1068係, 等它跌下入d.
今晚又有波睇, 明天又放假, 可以放盡, 好開心!
慳妹主席, 花姐, LI-LI, 馬仔, soho, 小安子: 祝假期快樂! Happy holidays!
主席,LiLi,花姐,馬仔.soho,
你哋好,
我今日我止蝕左股仔,
傷呀!
好在之前止蝕左一大半.
中信資源近排既成交少得可憐, 但係就不斷被質低, 業績差唔係理由, 因為油價已由低位回升至70美元附近, 下次業績好大機會轉虧為盈, 我仍有信心佢中長線好掂, 不過短線我就覺得似乎係有人特登做低佢, 趁佢成交細想質穿 $2 接貨.(嘻! 嘻! 唔知係唔係持貨所以有bias)
仲未捨得斬, 只不過想主席幫忙睇圖同討論下佢既走勢.
~~~~~~~~~~~~~~~~~~~~~
真係不幸中之大幸, 全因為中冶大熱倒灶, 累我要蝕幾百蚊, 所以我決定唔抽其他 ipo, 而家因禍得福, 其後掛牌既好多都跌兩.三成, 實在太過份.
聽講華爛城特登分多d俾散戶, 大戶就分得好少, 呢d企業殺雞取卵, 真係折墮.
~~~~~~~~~~~~~~~~~~~~~
國藥強得不合理, 係唔係好似金隅? 托一輪扮強勢派貨, 然後先至轆落黎呢?
金隅好鬼蠱惑, 連 陸 Sir 同 金兄等 高手都估錯晒佢既走勢.
下!!
中信資源 要
?
When
慳妹, soho, 對呀 ! 暫時賺餐 buffet 錢, 唔及你們咁多本金可以儲中長線 ma.
呵 ! 呵 ! 難得有次可以威吓, 唔好斬我斬大戶啦 !
邊個咁得戚? 哼!!!!!!!!!!!!!!
LI-LI, 原來你係大鱷, 沽屎左隻中信資源, 就黎到我既止蝕位喇! 我唔制呀!
主席, 雖然大圍既二.三線股都係跌到阿媽都唔認得, 幾隻龍頭油股都呈弱勢, 但係#1205 又真係弱得好交關, 不過成交就一直縮減, 究竟係壓價收貨定係宣布死亡呢?
大鱷擺明凈係托住匯控, 其他股份就狂沽, 似乎一早收到風阿爺會出手打壓多個行業, 連內銀股都不能倖免.
//國務院昨日宣佈整頓八大產能過剩行業（鋼鐵業、平板玻璃業、煤化工業、多晶硅業、水泥業、風電設備業、電解鋁業、船舶工業），同時，要求銀行不能向他們借貸，並收回已貸出資金，違規者將受嚴肅處理。//
LI-LI： 好易搵餐餸。
慳妹, 好彩轉 #17 無轉錯, 哈哈 ! 唔好意思太得戚 !
LI-LI： 呢個係中線第一注嘅上車位，130.00 或以下再買一注。 如果以中位數 136.00 入到，上去 142.00 左右不妨先行食糊；冇時間睇嘅話就由得佢擺埋一邊。
慳妹, 謝謝你的意見及提醒, 真系無留意 #17 要公佈業績 tim.
港交所的入貨位預算是中線嗎 ?
馬仔： 痕身可以吼 107.00 - 109.00 買入，港交所 135.00 - 137.00。
LI-LI： 京信似已見頂，日線同週線都同樣喺 6.39 - 6.50 有上升裂口，有機會補回並下試 5.35。
花姐、LI-LI： 留意鈍官 10 月 8 號宣佈全年業績。
祝各位 : 國慶 及 中秋節 快樂 !
LILI換馬對的我等$16再入17
哈哈大上大落
1688剛才17.76以為可平啲再考慮
慳妹, 花姐, 馬仔, soho, Persie, 小安子, 午安.
這幾日很忙, 曾經上來探訪, 想留言又被人叫開位, 所以無留言.
慳妹, 花姐, 馬仔, soho, 這幾天收埋好多平價的中線貨嗎 ?
我今天忍唔住將 #1205 轉去 #17 囉 , 再吼內銀股.
慳妹, 可否望望 #2342 , 貪佢有股息及紅股送, 但股票經紀叫我唔好貪小便宜呢 !
股友們摩令
今日買唔買貨過夜
388乜位入
966去到20.7可昅多兩眼
兩隻野現階段都唔似會一飛沖天, 你各得一注, 一字記之曰 [ 忍 ], 至於邊個價位入貨, 就交俾主席喇!
痕身同港交所今日上咗
,
Soho, CEO
How to 操作?
Soho、Persie： 我四肢唔發達，頭腦又簡單，所以喜歡將複雜嘅嘢簡單化。 香港嘅市場太細，以前俾歐美大鱷舞高弄低，現在加埋國內大腕，東西兩股力量喺呢度較勁；佢哋要做嘢唔需要理由，又或者個理由好似半杯水理論，睇大戶鍾意向好定向壞嗰邊傾斜解讀。
所以我自己只用兩個原則買賣： 長線嘅唔理咁多，除非冇飯開，否則不輕言沽貨；但當然到咁上下會沽出部份收回成本，就會輕鬆好多，我亦經常鼓勵大家咁做，因為真係有效。
短線就設定止蝕止賺位，嚴格執行。 正如陸 Sir 所講，如果舖舖都要止蝕，就係買入時間同價位有問題，要研究改正；改極都唔得就唔好做短線，專注自己的強項。