趙燕萍事件之感想
相信有上網蒲開既網友對趙小姐, 一定唔會陌生,
唔知既就等我交代下事件背景:
一個港女,去裝修店買野, 發覺間野個價同分店既價唔同, 就係度同個店長嘈, 仲用手機拍抵個店長既資料放上網, 片中佢拙拙迫人, 結果件事上左太陽報頭條, 聽聞攪到個店長無左份工, D網友勁插趙小姐, 仲將佢既個人資料放返上網...
呢單野絕對值得大中小學用黎做通識既教材, 先講講事主, 佢覺得自己遇到不公平既事, 想拍底俾網友評評道理, 本來無可厚非, 但真係佢好蠢, 選擇明拍, 而非偷拍…片既開頭事主話"頭先你咪叫我過住既!" 我諗如果佢無講大話既話, 未拍店長之前佢可能受到不禮貌既對待, 至會令佢咁氣憤. 第二佢既態度真係好有問題, 店長向分店查詢情況, 客人有權阻止咩? 分店要更改貨品價錢, 隨時都可以, 客人又有權阻止咩?
另一方面, 店長危機處理有點欠佳, 雖然佢唔係理虧, 但佢忘記"顧客永遠是對的", 尤其當遇到一個唔尋常既顧客, 如果見到顧客情緒唔穩定, 應該先行安撫(無計LA, 今時今日要咁既服務態度至得….) 如果我係店長, 我會話"小姐, 真係唔好意思, 可能係時間既差異, 所以同旺角既分店價格有D出入, 你放心, 如果我地CHECK過0個邊係賣$500/7折既, 我地會照呢個價賣返俾你. 其實差廿幾錢豪俾佢算LA, 就好似D的士大哥夜晚遇著醉酒佬講價咁, 收唔足都無計~ 最錯就係佢堅決話自己只係根機裡既價報出黎, 自己無錯~因為咁變相係要個客人明白你, 做客人點會有義務要明白你呢?
值得反思既係互聯網世界, 水能載舟, 亦能覆舟, 無錯近年有好多事, 幸好被人係網度廣泛流傳得以平反, 好似內地一個賣藝不賣身既女子, 因被迫良為娼而殺淫官, 保名節, 得到網友為佢平返左, 但呢件事, 初初有人想利用網上既力量為佢爭公道, 試諗下如果佢偽造一D片段抹黑呢一間公司, 其實真係好容易. 最大問題係, 互聯網既人唔會細心考究真假, 只會一呼百應, 又如果有人立黑心場, 將自己仇人既資料當做呢位趙小姐, 後果可以好嚴重
而且網友反應真係有D過激, 俾我感覺好似越鬧得激就越出位咁, 其實呢D港女, 周街都有, 只係佢地未受到刺激所以未發作已矣, 依家既港女, 只要自己覺得唔合理既事都係力爭到底, 今次既事好讓各位港女反思, 自己認為合理既事, 唔代表全世界都覺得合理, 網民既眼睛仲係雪亮既~~
回來通知聲我嗎~~~哀人
一等就三個月~~~
呵~我回來喇!
等著你回來 我等著你回來. 我想著你回來 我想著你回來 .
彩虹：近日忙咩？好耐無發表新觀點
中秋快樂
有些同意，有些不同意：
一個港女，去買野，不同店鋪有不同的價錢，超市好多，（ 打橫來講，屯門一間 500 呎樓，買 100 萬，為何不可以在淺水灣用 100 萬買一間同 SIZE 的屋 ），若果佢道理成立的話。
拍片評理偷拍又好，明拍都好，根本都是不對，黃生有叫叫佢可否關機，為何趙小姐一意孤行？佢是蠢找錯對手，一個港男似會爆粗話人的港男，居然冇講粗口，我不排除影片前黃生有叫佢過主，可能言語中有得罪佢，但都是單方面講。難道無可能那個港女用更強的手段對付港男，佢無法對付那位店員，取出佢最後的殺手（拍片），希望那位黃生害怕他讓他，收平佢十幾元。
另外片頭是話，＂破口大話，叫佢過主！＂，不好將句子改為 ＂頭先你咪叫我過住既＂，因為讀者會有不同的感覺。那位黃生講＂不好亂講＂，為何當時趙小姐不即時問 ＂你不好話你無講過＂，這個是正常抄架一定會講的說話，為何她沒有這樣做，繼續無理話人。
＂顧客永遠是對的＂，這句話是一般客人情況時是對，但可惜趙小姐不是一般的客，希望樓主明白意思。後面你的文章我不想點提，但有一點你明白，好多人不是基督徒，他們讓人是有限度，不是個個都是基督徒，比人打完左面，就要比人打右面。
趙小姐拍片放上網，目的何在，佢不是為公道咁簡單，我個人沉信佢想置人於死地，永不超生那種。若果趙生在影片中有任何言語不對的地方，咁今日的頭版就改為＂黑店黄ＸＸ＂，可能全城熱播，店員無工作，店鋪要倒閉，黃生無人請。
網民找她資料，是有她們的不對的地方，但不要忙記，大部分資料，不是黑客形式找出來，是她自願公開。
今次黃生 EQ 夠高，若果不是趙女會像美心女一樣，令到廚師失業，成功令黃生永不超生。
Facebook 內反佢的網民群組達到一萬人，你認為真是無可厚非嗎？
她們只有一個簡單要求，佢用 YOUTUBE 影人，就要用 YOUTUBE 道歉，不用亂用亙聯網去殺人。
若果趙小姐不理會別人，還將佢上傳的文章改為＂黑箱作業、即管打壓啦＂，然後仍在佢的網上平台去賣化妝品。還在她私人留言版 ... 算...真係有點痛心可以有咁的人。
最後希望樓主完全了解佢所作所為，佢的原來本意，今日的結果來分析事件。
彩虹：同意你所講。
傳聞有人因件事無左份工。我覺道歉可能有需要，但是否拍片另一回事。
寫兩封信，一封俾間公司和另一封俾位經理。咁樣可能好d。
rainbow~睇開的啦~而家呢個世界系甘ga~‘人情冷暖﹐世態炎涼’~
KI, 老實講丫, d 網友都過份左la, 你去facebook search 個反趙燕萍既群組, d人好似失哂理性咁, 又search 哂佢d 朋友, bf 既fb 俾人睇, 點都要佢拍返段片道歉, 人家道唔道歉係人地既自由, 咁樣迫人法係語言暴力囉...
據理力爭ok，但唔好得理不饒人和做事做得太盡。