業績回顧 -- 旭光資源(0067) 依然不濟

一如承諾,本星期會為旭光資源(0067)作一個業績回顧.先來一點基本資料:旭光於09年6月30止的6個月中,營業額為592.3百萬人民幣,增加6.9%.期內溢利為254.7百萬人民幣,增加20.9%. 業績公佈後,旭光股價由公佈前的$3.5跌至9月24日的收報$3.05.前後跌幅約為13%.所以我之前已叫大家唔好投資係旭光身上,因為佢唔係一間前途好的公司.不過,如此大的反應,是代表旭光出了什麼新問題嗎?其實,黃金戰士認為並不是出了什麼問題,而是問題一直存在.問題是出在管理風格上,而不是在其他方面.

先說一些改進.

1.債台高築的情況有所改善
由於上市集資,旭光的債務情況得到改善.由上年同期的負債354948千人民幣,改善到今年的流動資產淨值46131千人民幣,相差4010179千人民幣.

2.賺錢能力勝同業
雖然好多人話芒硝好賺,但係千萬唔好信.中國第一大的芒硝生產商南風化工去年就要每股蝕0.04人民幣,净利潤增長率為-208%.由此,大家可見芒硝的經營環境唔多好,但係旭光竟然仲有得賺,真係叫唔錯喇.

好喇,睇完正面就睇反面喇.

1.依然鍾愛借貸
旭光的借貸由上年的258947千人民幣大增至429082千人民幣,増加有成66%.佢無事嘛,又借??

2.超弱現金流
旭光話自己上半年賺多左20%.但係同上市前一樣,都無真銀入袋.佢個經營活動所得現金淨額只有82607千人民幣.比上年同期的497864千人民幣,大大縮小83.4%.又話自己賺?旭光而家就好似大家抄股一樣,D錢都未入袋,小心到時入唔到呀.

3.被人拖數
如果大家睇下旭光未收回結餘的賬齡,大家可以見到被拖數半年以上的賬目由上年的4192千人民幣,大升53%至6400千人民幣.如果旭光唔係無力追數,就一定係開善堂,成半年都唔去追人數.

簡單來說,黃金戰士依然認為旭光毫無投資價值,如果有人同你講睇中長期,叫佢咪玩啦.旭光係炒股/老千股,唔係用來投資架.如果你短炒都可能賺既,不過用來投資就死得喇.

[有關旭光上市前之業績分析可詳見於: ]

友好連結: http://blogcity.hkheadline.com/denjilightan
歡迎轉載,唯請列明出處.

by 黃金戰士