抄自陸SIR REPLY

1) 其實我覺得商品之前升得唔多，跌又唔跌得去邊，隻2809領先商品ETF現價都差唔多，剛跌到近上升軌邊，再跌唔會跌得太多，現價18.94元可吸，唔易跌穿18.5元。

2) 你問我早前講期指「月底結算前一兩日現貨月期指帶頭抽，甚至抽到比下個月期指有明顯高水時要留意」。假設大戶本來做好倉，但佢地喺24至26日開下月倉，若普通人無咁多水轉倉時會同步做，大戶可以同步做，也可以分開做，佢地負擔得起俾即月和下月雙份按金，如果佢呢個月好倉要轉下個月淡倉，大戶做淡通常都會拉低下月期指，但佢呢個月好倉唔使馬上平，可以等到結算自動平倉，所以到最尾一兩日大手買即月期指，買上去，等佢自動結算，就可以拉番高呢個月好倉的結算價。有時見到結算一兩日期指唔尋常咁升跌，到結算日下午3點後就放手唔頂(因為期指係計平均價，尾段唔使頂咁行)，就有托高(或插低)結算的可能，小心大戶的倉位方向可能變咗。但係呢啲異動唔係經常發生，一年只有三兩個月係咁。