香港美食百年(二)開埠有乜食? + 潮州人愛打冷 + UML美食模型展詳情
講香港人食的文化,就由香港開埠講起啦!
*香港開埠前好少人。
話說香港在1842年開埠,英國取得香港島治權,把香港變成自由港。
而在這之前,香港島上人口少到你唔信,只有五六千名村民和漁民。但到了1865年,國內有太平天國之亂,華南區大量商人來港,從此香港人口急增至12萬,除此之外,也有不少人經香港被「賣豬仔」,或者到外國「掘金」。
人多,食的需求當然就大。「奔波勞碌為兩餐」,開始成為香港人口頭禪。那麼,當時奔波勞碌的香港人,有咩食呢?
*豬紅和凍蟹,潮州野,一齊來「擦」吧!
據知,早於1880年代,一些勞動力密集的地區,就已出現了街邊檔和大牌檔,個別地方甚至形成了「為食街」。
所謂「為食街」,並非某個飲食集團刻意經營的商店,而是食客太多,令熟食小販都集中在某街道上,為星斗市民提供「快、靚、正」熟食,讓辛苦工作一天的市民享享口福,因而得名。
最早期的「為食街」,位於中環士丹利街和嘉咸街交界,街內小販可以說為市民包伙食,早午晚三餐,甚至宵夜糖水,通通都做。
*1880年中環威靈頓街。
而這就是香港開埠初期的一些香港人飲食文化片段了。
因為食物都是為辛苦工作的人製作,所以總結其特色就是「快、靚、正」,還有「平」,其次是食店多數開在街邊。個人認為這是因為方便,同埋便宜(不用捱貴租)的關係。
而這種「快、靚、正」文化,經歷了百多年,地位雖不復往年之勇,但至今仍未絕跡。「快+好」這家工人食堂,相信不少人認識,它的名稱取義,就是香港人百年來引以自豪的「快、靚、正」文化了。
*mimo打冷店模型全套--我地係加基冷,最鍾意打冷!
潮州人愛打冷
據說,香港開埠早期,上環晚上很多潮州工人宵夜,他們十分團結,每遇紛爭,例必集體打人,潮州話「打人」音近「打冷」,故「打冷」一詞,就成了街邊潮州美食的代名詞。
打冷的菜式,最醒目是掛在架上的橙色鹵水墨魚和凍蟹,此外還有大眼雞魚、瀨尿蝦、紅腸、大豆芽菜等等。
*迷你功夫茶模型
展覽活動
展覽:mimo香港街頭美食百年故事(美食模型展覽)
費用:全免
地點:灣仔大有商場
日期:10月9日至23日
內容:UML以各種香港美食模型,包括車仔檔、涼茶店、甜品店等等,表現出香港飲食文化百年來的變遷。
大家如在上述日期路經灣仔,不妨去看看喔!
(C) 2009 彭卓鋒/UML
*本文配合Blog的風格修飾過,文章風格與展覽文稿略有出入。
立冬姐:
位置邊寧頓街5號,在迴旋天橋附近,地舖至三樓都是UML店。
indy
Indy仔,我要銅鑼灣區啦。不過我估康怡果間所賣的就是這種。
立冬姐:
展覽場有無得賣我唔知,但你可以去uml模型店買,旺角/荃灣/銅鑼灣/鑽石山都有店。要地址的話,請告訴我你去那一區。
鑽石山那家就在荷里活廣場,荃灣那家在荃新天地。
價錢係收藏家價,要哂全套都千零蚊,但d檔攤部件真係好齊。連火水爐同摺椅,甚至係一箱箱的花奶都會有。
同埋,可能有某d檔攤已斷市。
以我所知,目前出過快餐店、涼茶舖、甜品店、蘭香園(絲襪奶茶)、燒味店、打冷店、餅店、車仔檔、擔挑檔等等。
我自己就只有燒賣車仔檔一架,同埋mimo公仔數個。全套果種我自己都無。
indy
如果唔係太貴,我都想買番幾套架,展覽當天有無得賣?同埋有無折扣呢?
我早前在康怡一間玩具店已看過,仲好鍾意添呀,想買左好耐。
Susanpp,
劇中人唔係叫葉尚華咩?
qq
Susanpp,
個發達製衣工場做咩會變成咁?個畫面細,睇唔到段新聞講咩。
indy
我鍾意打冷,仲有韮菜豬紅 抽到時間我會去睇下個展覽
qq
有冇人記得歡樂今宵幻海奇情 - 鬼工廠 ,由南華足球先生梁兆華主演
http://www.show188.com/ghostd1.htm
有冇人記得歡樂今宵幻海奇情 - 鬼工廠 ,由南華足球先生梁兆華主演
http://www.show188.com/ghostd1.htm