期權實戰Q&A 2009-10-07
2009/10/07 10:56:44 網誌分類: 期權實戰Q&A
先多謝大家幫忙的提議,小東邪作息有番定時,晚上雖然仲要餵奶
但晚上已經肯訓覺.
答網友DM的問題.
//東邪兄,
1. 有樣野想請教下...T+2射出倉....由銀行射過去證券行..
是否趕得倒???射倉是否我兩邊都要去行簽名攪??唔可以打電話攪??
2.如果我sc左.....但又貨交....咁會點......?
agent打比我追我?定係佢會幫我攪店...係market到buy左後比人..之後係我a/c扣番????
謝謝你的幫忙!!
我都想要excel報表及證券行的資料給我,你有冇證券行suggest?我也想跟你學習期權買賣.
//
DM,
下次你在我最新的blog度留言,我會易搵D
答你問題:由於合約行使與否通到收市後先知,所以射倉會有一日Delay,會有一日利息成本,利率則按個別證券行而定.
而交收手續是交/收兩邊都要簽名的,交的時間就要看銀行政策,通常Fax 表格到該銀行的證券交收部會快d,到分行做反而仲慢.而證券行收貨一般就即日可以買賣.
你在證券行開户的時候,經紀會有一份授權書要你填,是授權他可以調動你户口內的股票.咁Short call到價要行使既時候就會用行使價幫你”賣”貨.
證券行我再pm你,雖然我而家用緊間行單張合約計手續費平,但係有d落盤程序幾多限制,例如電子盤唔可偏離現價10%.
我而家問緊會計師轉用有限公司户口買賣,計劃緊轉去d有SP trader 做交易平台的證券行,
東邪
東邪兄:
Thanks!^^
東邪覆網友:
堅持到底兄:明天寫一篇網誌答你 !
史哥: 期權15min Delay報價你可以參考港交所 - 股票期權價格 http://www.hkex.com.hk/ddp/List_Of_Underlying_C.asp?PgId=13
實時報價要睇下你的證券行點安排
比翼鳥 (連理枝) : 歡迎交流,我間中都會在杜生的月中同月尾堂出現,見到面可以傾下
Evening 東邪兄 ^^
Can you tell me that where can I check the current prices of
期權 such as '5' '2628'?
Thanks!
東邪兄,
想請教你期權策略. 我先講我的故事, 可能係廢話.:p
我是個個一般的打公仔. 99年開始買股票. 做短線炒賣. 幾個月後, 輸左1/5錢. 就停了買股票. 04年重新定時買入股票, 長線持有. 至今回報率12%p.a. 我覺得幾滿意. 三年前開始造少許借貸來增加投資本金, 槓桿大約110-130%左右. 因為有槓桿, 加上股市波幅大, 我的資產的波幅便大了. 雖然受得起, 但仍想在盡量維持增長的近況下, 減低資產的波幅. 我想倒的方法是做short call.
但是我應做什麼價位最適合呢? 太價外. 權金太低. 太貼價. 又容易被行使. 行使後, 未必能低價買番. 請問你有沒有統計過價位做幾多距離, 最effective?
一開始, 便聽你講股票期權的事, 請問你認為, 除了做期權外, 應否買入股票長線投資嗎?我覺得做short option, 無法在大牛市得利.long option 如果計番利率, 又太高. 倒不如用借貸買股票.
如果想增加期權短倉的收入. 造更進取的strike price還是增加張數好呢? 我指較低風險.