關慧玲
關慧玲
關慧玲

養貓九十九

2009/10/16 10:46:04 網誌分類: 生活
16 Oct
        上次提到老貓小甘經常嘔吐,唯有小心點照顧牠,其實十隻貓,年中大大小小的身體毛病,都夠費心的。

        兩歲的小襪心臟有毛病,心跳一分鐘二百多次,很嚇人,獸醫給牠吃延緩心跳的藥,心跳正常了,才能做絕育手術,牠常一副厭厭的樣子,在窗前發呆,一企幾小時。

        二號仔十歲,有牙齦炎,瘦得很,但牠不愛吃藥,每次餵藥都是一場人貓追逐戰,牠現在見到我就跑;骰仔很易着涼,已不知第幾次大傷風了,感冒藥又是一大包。

        神經質的阿寶,狂躁症發作就會追貓來打,但牠沒藥可吃,我常跟牠柔聲說話,安撫牠,格外的愛錫牠。

        養兒九十九,常懷千歲憂,我想就是這種感覺,有時又想,可能上天派牠們來,是要我學會有耐性。

        關慧玲

        
回應 (9)
我要發表
2009/11/03 17:06:37 回覆

其實早係04年我去日本睇狗展已經買過番嚟用,嗰陣時係因為屋企有老狗,當時佢地宣傳呢隻嘢可以幫助增强免疫系统,又係全天然嘅,所以我就買比我D老狗食。但係食完咗香港當時冇得賣,所以冇Keep住食落去。直至今次呢隻貓貓有牙齦炎,洗過牙等方法都冇幫助,又唔想剝牙又唔想食類固醇,同獸醫商量過,所以咪試吓囉。就算幫唔到佢,起碼都唔會有害嘅,因為佢係全天然嘅。我對日本嘅藥物都幾有住信心,因為佢哋批核好嚴。

我隻貓貓食咗係減輕咗不適,但唔係好番。但係唔知會唔會吾同貓有吾同效果,所以如果想試,我會覺得首先上綱睇咗先,起碼知佢係乜東東先 (其實黑酵母本身係人吃補給品,近年先發展去到竉物用,好似靈枝同雲枝咁)。另外當然可以同妳用開嘅獸醫傾吓啦。

不過有過小貼士,如果D貓狗身上有傷口,洗極傷口都唔乾身,試吓用佢呀!效果非常好。

關慧玲
關慧玲 2009/11/02 21:26:10 回覆

meichiu and chinchin,

其實沒有百分百把握,不過類固醇吃到中途不知何解有好轉,"黑酵母 " 未聽過,但如果是健康食品又有效,不妨一試。我也是緊張牠們的牙仔,才不敢輕下決定。

2009/11/02 13:32:47 回覆

有冇試過一隻叫 "黑酵母 " 日本嘅補給品?佢對牙齦炎有D幫助,你可以上綱睇吓佢D效用同埋資詢吓你用開嘅獸醫。早前我執番嚟隻貓貓都有呢嗰問題,食咗約一個月咗右,牙肉紅腫問題減輕咗少少,見佢舒服咗D。但係要長時間食,起碼要三至六個月,幾重皮呀!但係我相信冇可能完全醫好,祇可以幫輕吓。我Keep 住比佢食都係唔想剝晒佢D牙仔,好慘嫁!但係到必要嘅時侯,我都會咁做,唉!始終都係想佢健健康康,開開心心。成日痛,邊到會開心呀!

2009/11/02 01:48:05 回覆
謝謝!但醫生說類固醇有很多副作用,咁襪仔食了多久類固醇才康復?是否打針?當時醫生說如果貓沒有了牙齒會不開心的,所以令我十分困擾,見住點點痛,食藥又醫唔好,現在只可以食濕糧,但仍好瘦(以前肥嘟嘟),我也見了兩個醫生都是這樣說,最近情況轉壞,我要快些作決定了!但真的很多謝您...有同行者能明白我的憂心...
關慧玲
關慧玲 2009/10/31 17:13:55 回覆

meichiu,

我覺得可以睇定些,或多問一個醫生意見,從前襪仔和現在的二號仔都有同類問題,老貓是好容易有牙齦炎的,醫生亦建議過剝掉牠們的牙齒,才可根治,但最後我選擇讓牠們先試類固醇(沒有牙的貓,算點呢??),好在後來病情穩定下來,牙齒才保著了。你或可問問你的醫生。

2009/10/31 11:12:53 回覆

我也十分欣賞您啊!!!我家同樣有10個貓寶貝,dimdim因免疫系統出現問題,導致口腔長期發炎,醫生說只有拔掉所有牙齒才有機會停止發炎,現在很懊惱,你可有這方面的經驗或資料嗎?

2009/10/17 09:54:19 回覆

無錯呀!!!!只不過唔需找學校,它們一有病我地就好頭痛啦~~~~

2009/10/16 13:57:51 回覆

小甘康復了嗎? 竉物生病, 做主人的就最擔心.

願各位的pet pet及主人都身體健康 .

2009/10/16 12:08:56 回覆

對呀, 愛錫貓貓的都會視她們如我們的子女般看待, 萬事費心神, 就只差不需要為她們選校而張羅 !! {#icon8}

user

已關注

最新回應

淺雪
淺雪 2021/10/01

{#icons_girl1}

淺雪
淺雪 2021/04/29

嘩..以後真要小心..

   

水滴石穿
水滴石穿 2021/03/05

我今年都派給友人6只貓貓利是,一樣理我都傻的主子做派 {#icons_boy1}