期權做倉的心得(下)-先勝而後求戰
好多網友都鐘意用入面一句[先勝而後求戰]作為投資心法,
既然講開我自己既做倉心得,等我又演繹下我對呢句名言的看法。
呢句原本出自孫子兵法既第4篇:軍形篇:
節錄如下:
孫子曰:昔之善戰者,先為不可勝,以侍敵之可勝。不可勝在己,可
勝在敵。故善戰者,能為不可勝,不能使敵之必可勝。故曰:勝可知
,而不可為。不可勝者,守也﹔可勝者,攻也。守則不足,攻則有餘
。.……………………………是故勝兵先勝而後求戰,敗兵先戰而後求勝。
記得先前有幾位網友問我點睇大户倉位,我既標準答案係:與其擔心大户做乜,不如擔心下自已既倉位點可以係低風險之下搵多D好過。可能有好多網友會話我’行貨’,趁呢個機會我詳細解釋下點解咁講。
散户成日想學睇市,學好多技術分析,測市方法,四處尋找可以準確預測市況既方法,又好關心大户要舞高?定弄低?做左個Spread?
Short 左定Long左?我真係好想講一句,其實大户點做,關你咩事呢?
套用孫子既說話,投資要〔先為不可勝,以侍敵之可勝。不可勝在己,可
勝在敵。〕據我既演繹〔不可勝在己〕中既〔不可勝〕,係代表自己可以控制既因素;〔可勝在敵〕,就係你不能控制的因素。
香港的股市出名波動大,受外圍影響多,即使再好既技術指標,亦有失準既時候,而這些失準在期權/其他衍生工具上,往往就是令你滅頂既失誤。
使用期權/其他衍生工具真正應該關心既係自己倉位既注碼控制,目標回報,槓桿比例。
[故善戰者,能為不可勝,不能使敵之必可勝。故曰:勝可知
,而不可為。]
懂得控制資金既人(善戰者),可以令自己不論市場是上、落、牛皮,都可以因應不同市況,控制自己既倉位,儘量不要被自己有斬倉的機會(。。。能為不可勝);要利用自己的組合,製造糧草--現金流去守(。。。不可勝者,守也);
而我一而再,再而三去強調分注既重要性,是因為既要保留彈藥守(守則不足);亦要等待市場出現有利因素的時候去攻 (攻則有餘)。
市場(敵),同你自己不同,即使你幾擅長測市,都充滿不確定的因素(不能使敵之必可勝),你永遠無辦法主動控制市場,所以要有耐性,等待進攻既機會(勝可知,而不可為),有時寧願錯失一次賺錢的機會,都不要失去立於不敗之地既主動權。
只要你的糧草足-現金流充裕,每月1%,要守住每年12%增長不是難事。
所以我唔追求跑贏大市,因為我知我一定贏(勝可知….勝兵先勝而後求戰);12%絕對回報,即係話:即使我槓桿100%;利息是9%(我仲搵緊D平錢),都有3%息差落袋。(只是舉例,我唔建議大家好似我咁搏)
不會為自己輸得起;用搏一搏既心態做倉(敗兵先戰而後求勝),雖然不一定輸。但你少一分本金,就少一分實力,即是降低了自己
[攻則有餘]的機會。正由於有輸既機會,更加不可能做太大既槓桿。
總結一句,我不否定測市、觀察未平倉合約的作用,但對一般散户來說
自己的資產、負債、現金流狀況,槓桿借貸利息才是本,預測/分析市況是末。所以與其擔心大户做乜,不如擔心下自已既倉位
點可以係低風險之下搵多D好過。不要捨本遂未。
呢個係我既經驗之談。不是行貨。
7Cool6 :
今日做左個SP 倉,試過禁返平倉個制,佢個trade screen 會出返 沽出認沽期權個價錢,其實呢個價錢係直出意思嗎?
- 我唔知你間行用咩平台,我假設你係我用開個平台先,佢幫你Set既係對家 排第一既價,確保你可以立即平倉。
你可以以此價直接出,亦可以改價排隊。視乎你咪好急平倉。
以35個認沽 Buy = 0.79/30 Sell=0.87/30。如果要平倉應該LP,現價0.79,但係我禁左平倉佢係個trade screen 到出 0.87。
- 同上題一樣,你要立即平倉,就要用對家排第一既價。所以我上次叫你
"想以市價平倉(Close)/開倉(Open),Long 平要睇買入ASK,平Short 要睇賣出BID"
東邪
Meotopia
今日做左個SP 倉,試過禁返平倉個制,佢個trade screen 會出返 沽出認沽期權個價錢,其實呢個價錢係直出意思嗎?
仲有我想問下期權個排隊情況係點睇,唔係好識。有時我見個最後成交價係0.96 但現價係 0.94
下面條link係我個報價
http://img175.imageshack.us/i/stockoption.jpg/
以35個認沽 Buy = 0.79/30 Sell=0.87/30。如果要平倉應該LP,現價0.79,但係我禁左平倉佢係個trade screen 到出 0.87。
同埋個排隊情況應該係點睇?
Thanks
7Cool6: 今次唔係咁識答你嚕....
0.) 即係我開了 SC ,要平倉就要睇 Sell認購?
"平倉"個制多數只係方便你唔洗入返行使價及月份等等, 平SC, 點都係要做 LC (買入認購)
1.) 假如我開 Long Put 我想結算日前行使,我應該要點做? 定係我開左倉之後個 portfile 會有?
問返你間行一定最清楚啦, 佢地收埋咁多佣金, 有責任要答問題架嘛~~ 我通常會call返經紀做.
2.) 有冇方法可以睇到個權金同現值合唔合理? 權金價值應該點計?
我覺得期權金好難話合唔合理, 因為包括太多因素, 例如利率,時間值及IV(波幅). 如果睇開同一種期權, 可以用以前的期權金比較, 但每次情況不同, 好難話唔合理.
即係我開了 SC ,要平倉就要睇 Sell認購?
1.) 假如我開 Long Put 我想結算日前行使,我應該要點做? 定係我開左倉之後個 portfile 會有?
2.) 有冇方法可以睇到個權金同現值合唔合理? 權金價值應該點計?
Thanks
Thanks
東邪覆網友:
meotopia :
唔該哂!星期六,日比較少上來,但係都歡迎大家發問同討論。幫手答下問題就更好LA
7COOL6 :
假如我選擇揀 Close Position 而不買入 LC,咁個權金會係睇邊一個報價?
- 想以市價平倉(Close)/開倉(Open),Long 要睇買入ASK,Short 要睇賣出BID
還有一個叫報價請求的功能,個請求會係邊一個回應? 是沽方嗎?
- 期權市場是行莊家制,如果市場上無相對的Ask / Bid 盤,你可以按"報價請求"
要求莊家報價,莊家是一定要回應的。
meotopia
明白晒
假如我選擇揀 Close Position 而不買入 LC,咁個權金會係睇邊一個報價?
還有一個叫報價請求的功能,個請求會係邊一個回應? 是沽方嗎?
7cool6:
我來試答, 請東邪兄補充及更正
1.) 如果以 2318 今日計即月 Short Call 72.5 有 $2.1 是否每張合約 = 500股? 權金即係 1050?
是. 一手股票期權與一手股票股數一樣
2.)如果我開左即月 SC 2318 72.5 / $2.1 我收 $1050,假如佢升穿72.5又比人行使,係咪即係我實際$74.6 沽出(未計手續費)?
是.
3.) 假如我開了以上 SC ,如果我想結算日前平倉應該要點做?
如果要平SC, 應開一個同月的 LC@72.5 平倉
4.) 我落盤個時有個叫 "持倉" 有得揀 Open 同 Close 是否開倉同平倉意思? 點用的?
open=開倉, close=平倉, 但我用的軟件不同, 唔清楚點用, 建議問返證劵行
5.) 報價的版面分為 "認購" 同 "認沽",Long Call = Buy 認購嗎? Short Put = Sell 認沽嗎?
認購期權=call, 認沽期權=put; 買入=long, 賣出=short; 所以 "買入認購期權"=LC, "賣出認沽期權"= SP
你好
我是期權新手,我由頭睇晒你所有文章了,實在獲益良多。最近去了開戶口,但係有好多問題想請教東邪兄。
1.) 如果以 2318 今日計即月 Short Call 72.5 有 $2.1 是否每張合約 = 500股? 權金即係 1050?
2.)如果我開左即月 SC 2318 72.5 / $2.1 我收 $1050,假如佢升穿72.5又比人行使,係咪即係我實際$74.6 沽出(未計手續費)?
3.) 假如我開了以上 SC ,如果我想結算日前平倉應該要點做?
4.) 我落盤個時有個叫 "持倉" 有得揀 Open 同 Close 是否開倉同平倉意思? 點用的?
5.) 報價的版面分為 "認購" 同 "認沽",Long Call = Buy 認購嗎? Short Put = Sell 認沽嗎?
謝謝
東邪兄:
多謝回覆~
我的計劃跟你差不多, 是因為的確以你的做法為藍本! 現在仍在紙上談兵, 由於跟我一向短炒的做法大很大分別, 到開倉後, 還要努力做到 "先勝而後求戰". 如果順利, 我其實有打算把現時在短炒的另一半資金亦轉入(時機當然最好就剛好等到"大減價"啦), 始終返工時短炒, 實在有點... 哈哈~
東邪覆網友:
堅兄:以我既經驗,Short Call只要穿行使價而到期日又未平倉,咁多數會照行使,因為我試過SC 30 CLI。
收市30.2 都要行使。
至於1.5%係咪誤導就要問下港交所。
如果你SC要被人call貨,而你又冇貨在相應既户口內,有幾個方法
無貨(Naked) Short Call
1) 即時用市價追貨:由於你被通知要行使既時候多數得番T+1交收,所市證券行有機會要你俾一日借貨利息。
有貨(Covered) Short Call
如果你既貨放在另外一間銀行/證券行,有以下方法
2) 即日射倉,直接打去交收相方既交收部,多數可以T+1搞掂,唔使俾息但係有交收手續費
3) DIY交叉盤,如果貨少,可以試下在電腦開2個Window,同一時間用同一價位在交收相方的證券行落盤,咁就可以只俾買賣佣金
但係如果貨多就有機會唔成盤。
Meotopia:你既方法同我差唔多,建議分注如下,
40%做等價/價內,
40%在月中才決定行使價/月份,即月可以做等價,因為做等價 既(現金流:貨值比)會好一些 ,如決定做下月則價外
20%作為減價買貨既資金。
另外,來緊1,2年有機會是大牛市,月供儲既貨,不好開太近價既Short Call 。
東邪兄:
CD ROM 左一排, 先多謝你分享心得~
想問有關於開倉及控制資金既睇法.
我打算遲點將一筆資金從基金抽回, 變成以SP+SC+每月存款的模式自己投資, 金額不大, 為增加零活性而選建行為目標.
假設開始資金可購入十手, 並目標每兩至三月最少增加一手, 如果有一手資金便SP一手, 有一手貨便SC一手, 你認為有沒有問題? 假設遇上 "大減價" 時期, 還有另外一筆作短炒的資金可以轉過來買貨.
另外, 考慮到建行金額細,如果分太多注做SP/SC會佣金支出比例較大, 你認為只分作兩半, 一半作較等價/價內的期權, 另一半則做比較價外/下月, 你的意見如何?
東邪兄:
我sc左 whl 10月 @42. 有機會比行使. 我看港交所說, 1.5%價內, 就一定會比行使了. 依你的經驗. 如果價內低過1.5% 係咪多數無人會行使呢?
我本身無貨在戶口, 被人行使call, 係咪會變成要借貨來沽, 引起多重手續費?
無涯兄: 咁早呀! 多謝捧場,都係理論來姐,見笑了
好! 寫得非常好!