得未？

好一段時間，無發表網誌．原因係唔知大市想點．跌幾多？跌完未？幾時反彈？反彈幾多？買賣頻繁，持貨短暫，所以唔想不停發表網誌，每日有不同嘅睇法．

期間仍然有頻密買賣（節錄如下），對象多為香港嘅銀行．但純粹考合，雖然多數我都睇好及有利好因素（之前已提及過．實際上大部份香港銀行公佈嘅業績都不錯，而技術上同時跌至超賣．），但多數係按技術走勢而買入，因信心及資金不足而賣出：
２３８８　１．０Ｋ　Buy＠１８．７０　Sell＠１８．８２
２３５６　０．８Ｋ　Buy＠１６．８０　Sell＠１７．１０
０１８３　１．０Ｋ　Buy＠　６．０１　Sell＠　６．０１
０７１６　２．０Ｋ　    　 　　　　　　 Sell＠　４．５７
０７１６　６．０Ｋ　Buy＠　３．８３
０７１６　４．０Ｋ　    　 　　　　　　 Sell＠　４．０６

 總體上，可算有微利．倉內組合亦變得簡單：
０７１６　２０００（＄　３．４５）　
０１３７　１０００（＄　１．２６）　

但期權倉內則變得複雜，有ＰＵＴ嘅，有ＳＨＯＲＴ咗ＣＡＬＬ嘅，亦有ＳＨＯＲＴ咗ＰＵＴ嘅．ＳＨＯＲＴ咗嘅ＣＡＬＬ最先建立，已差唔多無得輸．ＰＵＴ者主睇淡；仍未有錢賺，有一定風險，但最多輸期權金；ＳＨＯＲＴ咗ＰＵＴ嘅對象亦係我係低位入貨嘅對象．

至於對大市嘅睇法仍係淡．考慮到衍生工具倉底同新股上市時間表，今次應只係調整居多，最激烈嘅調整係３月－係整個月直至月尾．其後一直悶至第３季．整個調整唔穿１７２００．下半年繼續開ＰＡＲＴＹ．其實跟一般分析員睇法差不多．