極品大閘蟹@天香樓
2009/11/06 19:54:29 網誌分類: 飲食
想同屋企人食好既大閘蟹, 又唔食得多, 橫掂都係一人一隻, 一於兵發天香樓去者!!!
結果, 埋單真係有d肉赤...但係食到最好的蟹, 都係值既! 講真, 自己去買真係未必買到咁好的.
來到天香樓, 點可以唔飲花雕. 天香樓o既花雕是按自家秘方舊酒對新酒的. 舊酒之醇, 新酒之香兼得. 真係超級妙品!!! 平凡人和欽差兄有機會一定要試試.
是晚主角. 大約八兩重, 皆為公蟹.
A picture is worth a thousand words! 我係第一次食到蟹膏'漿口'既大閘蟹, 比蟹膏漿住個口講唔到野個感覺真係'妙不可言'!!!
福建人素來儉樸, 家人以前買蟹都是100蚊3隻的貨色, 所以從來唔明點解d人鐘意食大閘蟹. 而現在, 我係完全明白了!!!
價錢十足, 配套也絕不馬虎. 品蟹後奉送的薑茶, 飲落好似蕃薯糖水一樣. 薑味十足而不覺辣味. 據說需煲六小時方成.
自家製蟹醋也很不錯. 味道比老三陽買蟹送的來得淡些, 但我郤認為提味之餘不會搶去蟹的鮮味. 是剛剛好的一個蟹醋.
個粒透明野係公就有架喇,唔駛靚架,雄性特徵啊。
冬
你講個粒白色係咪白膏.靚蟹先有架喎. 寒涼飲薑茶花雕咪唔怕囉
伙記話佢地d薑茶係煲咁耐架, 片糖+少少龍井煲6個鐘囉...
你話俾蟹膏漿住個口?會唔會食埋果粒白色透明既野呀,個粒野通常唔食,有人話好寒涼架喎。
薑茶煲六個鐘頭?唔係掛?我煲一陣架咋。
嘩,食一隻蟹都要$580,咁我寧願吃兩三隻低質素小小的了。
成餐飯豈非每位千二三蚊?下星期一於幫襯五豐行買番一籮先。
冬
你回得好快喎. 哈哈. 五豐行同老三陽都係信得過既經銷. 不過老三陽有門市, 去到識就自己揀靚既囉. 據朋友告知, 天香樓的蟹來自隔離'申聯', 唔平但質素好好喎. 我地入去食, 就梗係貴架啦. 一隻八兩蟹$580. 不過計及蟹既質素, 蒸既火侯, 舖頭名氣, 配套(如送既薑茶, 豆苖葉水洗手等). 又唔可以話真係好貴, 起碼'抵'過食黃魚啦...
嘩,流口水啊,我好鍾意食公架。李純恩話大閘蟹最好係五豐行的出品,你有無經佢地買過呀?咁呢的蟹的來源是哪裡呀?幾多錢隻呀?幾時出下集呀?仲食左的咩野呀?