期權買貨_賣貨(下)
以下是網友：隨笈紀錄林森池在08年頭一段訪問的筆記，這段訪問引出以貨為本的概念。
這個概念，對我的投資策略，以至期權買賣的交易手法，均影響至深。
來源網址：林森池－－明天會更好
股壇怪杰故事
70年代有位股壇怪傑（林森池的朋友），74年輸哂。然後佢用對沖基金形式炒港股， 空一隻揸一隻（類似對沖基金的操作方式，用呢種方法以最少資本作投資）， 空藍燈籠（當時是會德豐，次次升市佢總係落後），揸長實。通常個市炒到尾藍燈籠就會升，因為空會德豐的人賺哂其他股之後就會為空貨補倉。
該人做地產起家，70-80年代唔炒地產，卻炒地產股。基礎分析方面，叫原來做地產的手下幫他搜集資料，分析大地產公司的每一個地盤賺幾多錢，估算NAV，低過NAV就入貨。技術分析方面佢自己畫圖，當揸了一間公司10%之後就舞高弄低，故意買貨突破阻力區，經外資經紀買，等人地以為大行掃貨；枱面十幾個電話，呢頭買果頭沽；沽貨時就睇住ｄ平均線逐個篤穿佢。
林森池問佢：喂，你咁多貨高位都出唔哂架，篤穿哂ｄ支持位，你身家都會縮水架？股壇怪杰的答案是：唔篤穿ｄ支持位，邊有人出貨俾我買返？以貨為本。最重要係貨的百份比多咗。
我們點解要投資呢？投資其是為我們帶來什麼結果呢？相信每個人均有不同答案。對於我來說，最終的結果是為自己保持足夠的購買力。
錢的作用，其實無他，人創造錢是為了交易；為了最有效地運用自己的勞力，換取自已想要，但別人可以比自已有更效地製造的貨物或者服務。
但人的勞動時間畢竟有限，亦由於政治上的理由，我們有通脹，所以我們要依靠投資(錢生錢)去保存購買力。
以我的愚見，投資可以分為兩大種，一種是為資本増值/保值(Capital Gain Deal)，一種是為現金流(Cash flow Deal)。
散户買股，多數以現金／貨幣為本位，成日計住自己的身家多/少了幾錢，主要是Capital Gain Deal。一路覺得個市升，又或者賬面值上升就是有賺。無錯，賬面的上升的而且確令你的資產增值，但閣下是否可以用賬面值買叉燒飯呢？
要財務自由，要訣是要有多支出的現金流，如果以有派息的證券／股票計，即是要有越多越平的股票越好。而不是股票賬面值越高越好。
正如"股檀怪傑"的手法，專業的投資人做買賣是資本增值＋現金流通殺．
當年的股市未有期權買賣，怪傑着眼的是地產股的股息+日後的地價的升值潛力．他個倉唔係用有幾多港幣去計，而係用有幾多股票(或核心資產，可以係樓，可以係任何有現金流的資產)去計，越多股票，意味越多股息．而手上的股票，則依然在升市時享受升幅．
如果做Short 的核心資產是可以長線持有的優質資產，以權生金，以金生股，再以股生權，不停拉低成本之餘，又可以享受現金流．
咁做Short 又何風險之有呢?
Hello hello 留個字先。
這文是好好的參考，我會引用在新的期指期權文章。
有時間，有機會，有緣的話，覆個字吧。
東邪兄你好， 剛剛才有機會看到你的blog，一口氣看完你所有期權的教導，真係獲益良多！我而家都想開始投資期權，你的blog真係俾到我好大嘅參考。想繼續看到你的分享，想請問你還有寫blog嗎? 邱哈
一斤: 很久不見，近來好嗎？
東邪兄你好、
Merry Christmas!
東邪兄：午安，很多謝您的光臨，小弟都是專玩期權，希望前輩多多賜教。
東邪兄,
休息重要. 有空時才來更新吧
我終於在十一月尾開始了股票期權, 大跌當天沒有把握機會入貨, 倒是開了十二月建行的 SP6.5@0.2, 接到貨高興, 接不到貨便當作減低十一月已接貨的成本.
東邪兄
你是否出席網聚,很想與你交流股票期權的心得,因我一直都有看你的BL0G
一個好好人
7Cool6: 唔係唔更新，係我上司連放三星期假，吊頸都唔得閒。。。咁耐無ｕｐ ｄａｔｅ , 請見諒。
東邪
東兄都不更新了嗎?
東兄,
早晨
東邪兄：
我的股票期權倉仍未開，但早陣子計劃時亦有相似 "以貨為本" 的好玩想法，就是當自己買的不是有市值的股票，而是一群會生金蛋的鵝吧，只要越來越多 "鵝"，不但定期的收益（期權金）會越多，而且將來賣出時亦會賺到更多。
當然，這必須基於手持的股票 "將來" 會比現在價值更高，不過正如東邪兄所說，是優質股的，又何必太擔心短線升跌？
另外，假設幾個月SP仍接不到貨，你會選擇在市場中直接買入，還是有其他策略？
林sir都係我最鐘意既股票專家，佢改變左我好多。
希望林sir 快d可以出到第3本書，等我地得益。
東兄, 林高人在牛市說 941 的合理價係 $120. 然後在熊市又失左驣,
如見到他可否問一問他 941 現在的合理價是多少. Thanks!
呢篇不錯呢，我目標都係儲夠股票收息以現金流渡日
東兄呢排都好少更新blog，期待你多d做倉操作，等我呢d新手學習學習
最近小弟無聊走去玩 939 SP 不過波幅好細，手續費佔利潤很高。是否還是做大價股比較好?