(河馬仔專欄)西九龍動漫電玩遊樂園前瞻(攝於11月12日)

今次動漫電玩遊樂園啟動禮在11月14日在西九龍中心舉行,全個動漫電玩遊樂園會維持至十二月,在本地之動漫EVENT來說算係長,而在地鐵站之內都見到唔少燈箱有賣此EVENT,大家睇完呢個沒有金黃色頭帶及"團長"臂章之雙馬尾"看板娘",呢個動作大家又會諗到邊個?

當然,旁邊都有個'GAME模選舉'廣告,這個相信都吸引唔少有意成為後生模特兒之後生仔女參加,小弟盛年已過,又唔係型英帥靚,看來冇機會啦.


今次此節目有多個機構參與,當然到寫此文一刻活動還未開始.小弟星期四下午去到此廣場做個實地觀察,當日廣場地下已有些少宣傳,但好似個GAME模選舉比動漫之宣傳大點點.

講番動漫電玩遊樂園之節目,有好多COSPLAY活動,如舞蹈比賽,唱動漫歌曲,甚至有舞台劇等等... (舞台劇+COSPLAY小弟見過,真係好難PERFORM,所以如演出來台下觀眾有反應的話已好好,因為如太集中講動漫點子的話未必太多觀眾會有共鳴, 反而包含了日常生活之點子會幫到不少)


上到八樓之同人誌展銷會的一層,展銷會一詞小弟除了在樓房買賣時聽現之外,在同人誌界中此詞又真係好少見.上到八樓時其實有個美食廣場,行過美食廣場後終於在此層找到同今次EVENT有關之佈置.雖然小弟今天只是找到這處,未知開幕後場地會否有所放大.


左邊有COSPLAY服.


中間有部電視


右邊有王小虎及石黑龍

當然現在未開幕,大家都有所期待,暫時小弟對此活動還有好多細節未知,希望到時活動之範圍會較大,特別係八樓,亦希望好像CW及RG一樣會有一個COSPLAY區,方便COSPLAYER們.

開始當日小弟會再去看看,到時再REPORT.