童年雜憶 〈一〉
因為壽哥 (idoglife) 問起學語文的過程,又勾起一些童年往事。
五歲之前家境不太好,一家六口租住九龍城一層唐樓裡面一個約一百平方呎的房間,每晚熄燈後看見老鼠出沒,在天花板的邊沿來往穿梭,雖事隔多年仍歷歷在目。 最初很害怕,一熄燈便馬上合上眼睛,希望自己快些入睡;但後來見怪不怪也就不再恐懼,有時還眼睜睜看著鼠輩們自出自入。
同一單位雖未至於七十二家房客,但也有多戶人家和小孩,一眾孩童以我最幼小,經常被其中一個年紀較大的男孩飽以老拳,打得鼻血直流;外婆為免我被人欺負,不想把我關在房內但又怕我隨處走動,盛暑天氣在廚房做飯也把我背著,熱得她大汗淋漓;孫輩中只有我是外婆親手帶大,她疼愛我比自己的兒女更甚,再過一個多月外婆辭世剛好十年,但在我心中她從沒有離開,正是:不思量,自難忘。
後來環境稍為改善,爹娘承租了同區一層約一千呎的唐樓,兩面臨街,有一個很大,狀似阿拉伯數字 7 的騎樓、四大房、客、飯兩廳、還有工人床位、最特別是中間有五級樓梯通往最後一間房和浴室、工人床位、廚房、蹲厠。 搬進去的第一天,長輩們忙於收拾和安頓,而我就穿插在騎樓和客、飯廳之間,走來走去;又或在樓梯跳上跳落,興奮得停不了。
當年的機場在九龍城而非現在的赤鱲角,所以那一帶的樓宇都有高度限制,我家所在的樓宇連地面商舖共五層,走上天台就看到飛機低飛掠過,飛機的輪胎已經伸出,不到一分鐘內著陸;我喜歡向飛機揮手,總覺得它離我很近,希望快高長大可以摸摸飛機的肚皮。 不知當年坐在窗邊的乘客有沒有看到我?
頸都長埋啦 ... ...
童年雖苦,回憶卻是甜的! 我小時候的住屋環境也極差.
我黎幫手,等佢坐下飛機啦!
我嘅童年其實好平淡,大家唔好有太高期望啊!
幾日沒上來,原來慳妹姐在自曝童年往事呀!
擔凳仔,擔凳仔霸位羅!
摷番個男仔出黎點佢相,頭條兄弟見一鑊打一鑊。
但無果個男仔,點睇得出外婆幾錫慳妹呢?
indy
我等緊精彩和感人的童年故事哦...............
不錯了,我小時候連飛機都沒見啊.
慳妹自爆私隱, 咁真係要擔櫈仔坐定定, 唔走啦!
果個大舊衰係邊個?
揾人𡁻佢!
呵呵~轮到悭妹自曝隐私了!好!加油!
日日担凳仔!!!
壽哥:嗰陣我仲未學峨嵋工夫,算佢好彩! 至於間千呎大屋還有下集咖,遲啲至講。
等我聽日搵番出嚟睇吓係咪 1864 或 1865。
立冬:我淨係記得佢打我,但就唔記得有冇人幫我:可能西瓜靠大邊,大家都鋤弱扶強!
蛋哥:應該唔係嘞,因為我哋天台上鎖,閒雜人等唔入得。
馬仔:可能當時啲飛機冇咁大架,引擎都唔係好大聲;而且深夜冇飛機升降,就算日間亦都冇乜嘢。
慳妹, 我記得妳好似有枚1865年香港一文的硬幣,是嗎?原來依家VF的值US$2,000。
如是1864年的就重值錢,話值US$5,000喎。
妳就好啦!咁細個就住大屋,成千呎喎。
啦啦啦,咪淨喺講一半呀,淨講個大舊衰打到妳鼻血直流,無講另一半,妳打到佢手斷腳跛!哈哈哈 ...
點解果個男仔咁衰架,無人幫你打番佢咩?
有一千呎大屋住,總算守得雲開了。
記得多年前一套港產片,就有在九龍城唐樓天臺,一架飛機低飛經過的鏡頭,是否就在你家拍的
飛機喺頭殼頂,瞓唔瞓得着