難難難

      難難難

[ 四十幾, 零可做死, 都唔願坐死,

可惜無人肯請!! ]

超伯網頁出現以上申怨說話。

    超伯覺香港出現怪現象。每條街店鋪門口。貼上招請工人。工資面議。因此超伯話有工冇人做。有人冇工做。奇唔奇?。

   因此早茶被茶友噴到一面屁。佢話有工冇人做。梗係啦!工資重衰過攞公援。鬼去做。

  我話馬死要落地行。講下可以。總之貧富懸殊。唔公平。

   超伯想下。自已在美孚飲早茶。埋單廿多皮。牙痛咁聲。人地去大酒店早茶。埋單貼士。成條紅衫魚。回望長者中心。早茶坐在地踎茶居。食未完鳳瓜排骨飯。大聲叫亞哥攞個紙袋打包。埋單十二皮重話貴。真正貧富懸殊了。

   政府又唔立例最低33元一個鐘工資。工人唔使咁慘。

   超伯又被噴到一面屁。你做老闆。鋪租燈油工資。兩公婆都搵唔夠交租。電費水費。希望請個雜工帮下手。又要公積金。又要最低工資。

  稍為好生意。李卓人帶領班外地看更佬。要求每人每月加四千。地盆札鐵佬要每人每日加到一千。

  有工冇人做。有人冇工做。超伯話點解。網友說:[ 四十幾, 零可做死, 都唔願坐死, 可惜無人肯請!!]咁點解釋。