(河馬仔專欄)鏞記鮮鵝肝腸評論

講起秋冬時節,好多人都講呢句,秋風起,食臘味.當然屋企已經買了唔少臘鴨潤腸之類.而舊年開始有朋友知道我會買臘味過冬,介紹了鏞記鮮鵝肝腸給我.


當然鏞記之食物已經遠近馳名,不過小弟真係未入過店試過,不如就試試鮮鵝肝腸先啦,一斤要$198.



打開個盒好大陣玫瑰露香,講起玫瑰露,以往就諗起豬膽樽型好易認,不過玫瑰露的確係由玫瑰加白酒提煉出來,廣東人做小炒或醃肉時常用,因為其酒精濃度唔太強,能帶起肉質及食味等等,特別係一些較多油份之食物.

當然講到鮮鵝肝腸,最好的處理方法都是擺在飯面蒸.蒸法有好多人研究過,究竟駛唔駛將條鮮鵝肝腸切開打直放定係打橫放?這樣就有好多講法,但小弟一於好少理,放在飯面蒸便好.


每人一條唔駛爭,打開飯煲已聞到玫瑰露及臘味之香氣,雖然只下了三條但都足以令小弟動容.拿出來放在在美孚買的 臘鴨旁邊,有魚有菜,加上有點臘油之香飯,食了兩碗自己都想添多碗,在大冷天時正合時候,如屋企煮唔到煲仔飯整孖鮮鵝肝腸又真係唔差,講起現在凌晨兩點, 又肚餓了,只好等明朝食早餐啦.


是次看板娘---馬場樂子-對鮮鵝肝腸之評分: