超讚!小雙俠電影~一千萬日圓現金天才賊黨之歌
2009/12/07 18:08:41 網誌分類: 影評
數周前,彭宅一家欣賞了一部超讚電影--小雙俠電影版。
*圖為原作者送給深田恭子的親筆簽名畫。
電影改編自我們童年的卡通《小雙俠》,配上特技重拍,而賊女一角,由深田恭子演出。
深田恭子上次出演《下妻物語》,已令我留下很深印象。誰知今次更讚,看完電影之後,只覺深田恭子係絕世可愛美女,而且演技很強。我唸,我已成為恭子影迷了!
*面罩掩蓋不了恭子的美貌和演技。
*賊黨三人組賣超昂貴婚紗,騙錢製造機械人。
其實,我已經忘記,三十年前的小雙俠,賊女叫甚麼名字,依稀記得瘦手下叫做波吉,那時波吉好像叫賊女做波士。至於肥手下,日音劏豬拉,我就即管叫他做劏豬啦!
電影中,小雙俠出場很精彩,但影片主角係邊過,老實說,我真係唔敢講,因為大家都係睇深田恭子、波吉和劏豬他們為主,恭子實在太漂亮,波吉和劏豬太搞笑啦!
*小雙俠二人組造型都唔錯,只是劇中戲份唔及賊黨。
現在,為大家送上天才賊黨之歌片段。留心,片中使用了1,000萬日圓的現金當做道具來拍攝,讚喔!
*好多錢呀!拍攝時還要從天花灑下錢,用風扇吹。
拍完唔知邊個負責數返齊1,000萬Yen呢?
天才賊黨之歌
後記
- 電影散場後,花茶要求不斷重播。
- 在製作特輯中,導演話小雙俠係全新片種,唔屬於任何現有電影劇種。
- 製作團野心很大喔!
- 我在影碟店好像沒見過《小雙俠電影版》,也許香港未有得賣。
- 想欣賞可去旺角信記碰運氣,或者上網做Keyword Search。
- 還有好多精彩內容想講...@@
你都係動畫人黎喎QQ
特技和搞笑位都好多@@
我就好鍾意睇囉QQ
indy
嘩,呢的戲真係好難吸引到我買飛入場呢。