旅行團
2009/12/21 11:23:37 網誌分類: 生活
幫趁開那位理髮師,剛参加完耆英中國
十多天旅遊回加,團費千多元,行勻幾處
地方.
媽媽义义,又話人食水深,冇啖好食,諸如
此類.
多口答句 : " 豪華精美飲食團?"
答:" NO."
心中有數,即係普通旅行團,一日三餐,住三
四星酒店.
千多元包機票、酒店、車、食,當然要精打
細算,誰知有人使小小錢大過天,要一流飲食.
他質問導遊 :"魚缸有魚蝦蟹,點解冇得食?"
又訴說 ,有天冇早餐去飲茶,同團團友在廣
州揾到一元一隻糯米雞,話好抵.
嗤之以鼻,一蚊有乜嘢食?咁鬼寒酸咪鬼去
旅行吖?
一路聽一路慶幸,好彩冇同佢去旅行,點頂
呀?
有人喜看山看水,飲食其次,有人喜博命買
嘢,超伯話齋,皇帝都上唔到萬年糧啦?買咁
多做乜?
不過,各有所好,如果好似位理髮師咁,比小
小錢,要求多多,真係一樣米養百樣人.
如果同團遇着這類麻煩友,真係 唔得佢死,
多得佢唔少,煩到顛!!
kill him now!! mi mi 媽媽......
tt:早晨.我好懶,去旅行要揀渡假酒店,買個 package 游下水,按下摩,唔使週圍走果隻
tt..早晨.
真係唔講唔知.世界乜人都有哦..