巴不得爸爸，大結局還等下回分解喔？
2009/12/27 22:57:04 網誌分類: 影視
明明是喜劇，大結局之夜，花茶睇到喊，仲喊足兩次！
其實，我都同意，無線的《巴不得爸爸》，確是近來佳作。人物個個性格誇張凸出，有情有義，故事也饒有意思。
帆哥人人為我，我為人人，老套到極，但貫徹始終都不改變，卻令人敬重，而編劇讓老好人配大老千鳳梨酥，真是一絕。
另一線最令人印象深刻，是牛精榮、大馬前妻和寶寶一家三口的愛恨故事，好正。
不過，在大結局之夜，明明已是大結局，在帆哥慈仔去帝國大廈找鳳梨酥之時，導演竟又安排另一次時空錯亂，然後話「欲知後事如何，且看下回分解」。當真還有下回嗎？
花茶哭了，因為已是大結局，即係主角如何，能否見返鳳梨酥，已無從得知。小朋友也知導演不是賣關子，就是講大話。
劇間廣告有一個是廣管局教人投訴節目，我們可以投訴無線嗎？小朋友哭了，覺得被玩弄了。
其實，近來不只《巴不得爸爸》有爛尾之嫌，我追看另一齣動畫《Darker than Black》也是，開頭營造十幾個謎團，到結局只解開了其中少少，但新的謎團卻陸續有來。
我想，電視行業經營困難了，檔期有限，製作團點子太多，來不及在結局前搞定一切，結果就是爛尾。說不定，就因為在帝國大廈頂樓拍最後一幕，成本太高，導演唯有出此下策。
如果真是這樣，我願意原諒，畢竟前半截給了我無限美麗的回憶和經歷，不然我們都不會追看到結尾啦！
不過，大導演們，也請教教我們該如何向小朋友解釋吧！
小孩羊：
多謝你的回應。
你都話好呢！無線係有本事留住一班人才。
只要上頭俾機會佢地，佢地會有意外的發揮。
只可惜無線裡也似乎有一班算不上「才」的人，累我們要隔好一陣子，才能睇到好戲。
現在聽講話《巴不得爸爸》有續集，唔駛愁呀！
indy
你好呀！
我都覺得這套劇超乎預期般好看，特別是一句年輕人該認定為老土的對白，
仍可以真摯，坦白，不俗套。不過結局真令我呆了片刻，但怎說這難得的戲種，
又輕鬆，又搞笑的，陪了我幾個星期
Nelson,
牛王妹有Ｄ戲確係麻麻，但有Ｄ戲都OK。兩睇啦......
indy
祝各位網友新的一年身體健康,每天開心多一些
Neko/冬姐,
花茶喊的原因，一是被導演耍了，結局不是結局。
第二你想也想不到，原來她好喜歡胡杏兒演的鳳梨酥，她畫了她的omega頭，我地讚佢畫得似。
點知鳳梨酥再出場時，換左髮型，同佢畫的完全唔同，加埋男女主角重逢，她百感交集，就喊起上來。
小朋友睇到肉緊時，會喊，大人好難預計。
不過，花茶即晚已有解決方法，就係要爸爸媽媽陪佢睇返集卡通，笑番補數。這招好有效呢！
indy
indy : 我好多書睇,點都有益過睇電視.
唔明点解要喊
呢套劇其實好多笑位，每位演員都好多發揮機會，就連姜大偉和黃淑儀都攪笑起來了．喜劇好難突出，但呢套真係唔錯．８０分以上，好睇過富貴門好多．
或者有下集呢，叫花茶唔好難過，應該開心至係呀．
幪面馬仔：
你知我搵花街朱古力，感謝呢！
最近，我都在超市買到了圓盒庄。我聽朋友講了，花街好似係逢過節先有得賣。
唸唔到你都喊，除左結局衰Ｄ之外，其實套劇還算不錯，Ｄ演員發揮好好，而且聽返Ｄ古老廣東話，感覺好好。
3Q
QQ：
咁你無心機睇電視，平日多做甚麼呢？
無線Ｄ劇我都少睇，不過我會睇動畫。
indy
潮流問題,套套都係咁,而家都冇興趣睇電視.
+2
我也有同感，我都睇到喊.
花佳朱古力我在全灣千色店看見.