持貨力（２）

2009/12/28 09:16:04 網誌分類: 經濟

28 Dec

在聖誕節前最後半天交易，聖誕老人升市到臨，美股杜指升53點，升到10520點，升幅0.5巴仙， S&P 500指數升到1,126點，真係在1,120點以上的區間炒作.

在美國商務部公布耐用品報告後，大摩提高美國第四季經濟預測，但市場相信聯儲局無咁快退市，美元在假前下跌，商品回升，銅、橡膠價皆創出15月新高，美股向好炒。

　上星期見到廣州地王賣出，講到地產發展商的「持貨力」，這其實可以拉濶啲睇，持貨力是投資成敗的一大因素，因為散戶炒股經常輸錢，有眾多因數，最普通的原因是「贏粒糖，輸間廠」，贏少少放走好股，輸多多死揸雞股；但另一個原因是過度槓桿或借貸，缺乏持貨力。

　　講持貨力之前，首先講持貨對象，要長期持有，最基本是優質的投資對象，最易舉的例子是經濟高增長地區的核心地段的優質物業，這些優質貨是「有買貴，無買錯」的投資對象，因為市場有起落，你未必選對時機入市，有時入市價較貴，買完佢會跌落來，但由於是優質貨，所以價錢跌咗守一排會升番，最後又上番高過買入價，所以買貴了唔緊要，只要係買到優質貨和你有持貨力，揸佢兩三年又會上番去有突。

以廣州地王為例，地處番禺中南部，而家遠咗少少，唔算廣州最優質的地區，但廣州搞將亞運城以地鐵重點連接，目標亦係在亞運後成為一個新社區。加上將來高鐵總站在番禺的石壁，番禺都會成為廣州外圍一個重點城市。我聽一個商家講，十幾年前，佢在廣州天河買間樓俾親戚，親戚唔想去住，嫌遠，但後來廣州東站起在天河，天河慢慢發展成為一個高檔商業區，所以唔知將來的高鐵石壁站，有無帶旺全個區的作用，有無將番禺變為優質地區的帶動力（呢幾年番禺的高檔物業樓價已升咗好多）。亞運城的地區普通，但有發展潛質，加上平均樓面地價5822元人民幣一平方唔算貴，因為有五分一已經係搞亞運起好咗的現樓物業，而家富力等三個發展商落大注碼，不單要對樓市有個睇法，還係睇好番禺未來的樓價。

再睇三個發展商的持貨力，以2009年中期業績的數字計，富力負債比率係50.2%，雅居樂係27.9%，碧桂園係23.4%，相對地富力的持貨力弱少少，富力剛於10月成功發行55億元債券，又計劃在A股上市集資，要等佢在A股市場成功集資後，才算比較安全，否則吃下咁大的地皮，萬一市況逆轉，持貨力不足者就有危險。

其實個人投資，都可以用持貨力呢個角度去睇，你如果好多錢，十成係現金，呢一浪無入過市，在市況回吐時，用少少錢去買股，進取一點都無壞，因為你投資少加持貨力強，股市跌多一成你都唔會死，仲會好開心買多啲，咁唔怕進取。反而，如果你十成資金投入股市，問好唔好而家換馬買豪宅，借到盡去博一舖，雖然我覺得樓價或許仲有得升少少，但位高勢危，你持貨力又弱，風險較高。

再講具體啲，私人買樓的持貨力人人不同，如果你只得一成本金，唔止借七成，仲要加按揭保險借多兩成，要用收入五、六成以上去供樓，份工又唔係咁穩定，好明顯係過度借貸，如果樓價急升，你會好爽，因為你借到突，槓桿好大，樓價升三成，等如你本金升咗三倍，賺到笑。但萬一樓市逆轉，樓價下跌，利息又升，你的收入未必夠供樓，咁就被逼要買賣樓，如果樓價跌三成，你唔止輸哂啲本金，仲要輸突兩倍本金的錢，變成負債，仲要慢慢還，消耗咗你未來一段時間的投資能力。

　　不過如果你唔係借咁多，有持貨力，期期還錢，就有機會守到樓市好轉，由負變番正，最後都係贏家。你可能會問，乜我唔係叫人止蝕咩？我係話「投機的我」要止蝕，「投資的我」不一定要止蝕，如果你揸住優質市中心物業，收緊５厘息，租金跌吓都收到４厘息，唔係無收益的劣質資產，咁即使價錢跌咗，又不一定要止蝕噃。倒過來說，如果你無持貨力，市一跌你就被逼斬倉，揸咗優質資產都守唔到，但若你有持貨力，到時還可以選擇止唔止蝕，有得揀係好唔同架。所以決定投資勝負唔單止要睇大市走向，仲要管理風險，睇住自己持貨能力去管理風險，呢啲就係人人講量力而為的真正意思。

陸羽仁

回應 (84)

我要發表

2009/12/29 12:43:55 回覆

fly兄，

另外，我地打工仔返工時間睇股票，最難既唔係選股，而係唔好俾老闆捉到。 ${#icons_dog6}$

要開到個window好細好細，個身要好直咁囉。

2009/12/29 12:32:56 回覆

myself: 很對, 股市賺錢難, 賺大錢更難~ 選市場, 睇大方向比較容易, 因為可以跟大圍, 跟大戶~但短炒只係促進金融業的繁榮而已 ${#icons_dog5}$

2009/12/29 12:21:39 回覆

fly兄，

咁就緊係難、難、難啦，股票錢咁易賺咩！ ${#icons_dog5}$

一係唔入場，要入場就先要有個策略，大方向係咁囉。好多老散想次次中，佢地唔知自己做緊 mission impossible既野，反而唔理風險，咁over all輸囉。

另外fly兄月供錢都唔易賺架，起碼要簡岩市場去供，你試下90年開始去月供隻日本指數基金，輸到咸，又試97年開始供香港基金，供十年打平手，人生有幾個十年，當然識得聽陸sir講供大陸指數基金又唔同，不過要有人同你講聽日大陸會陸沉你都唔好停供，先好！ ${#icons_dog6}$

2009/12/29 12:07:20 回覆

那個策略當然很好~ 5贏5輸, 贏時贏多些, 輸時輸少些, 長期必勝, 但miss左o的野, 幾時出市, 幾時入市, 還有心理因素. 賺多少離場50%? 100%? 包含過早離場及太遲離場, 坐過龍. 幾時入市? 5輸可以定止蝕, 5贏最終係會贏的, 但會比人震, 會震穿止蝕位再升~ 如事幾次, 執行上就出現心理障礙, 沽定唔沽? 最後5贏當5輸, 5輸當成5贏~ 變數太多, 最後都可能係白忙一場~ 贏的都是蠅頭小利, 與大錢無緣~ 財務自由難矣~ ${#icons_panda19}$ 如果牛市只入一次, 亦只出一次, 賺取當中差價, 會不會易過出出入入數十, 或數百次?~ 即係入左就坐, 坐到泡沫出現為止, 學小說高手一招定輸贏~咁樣做會不會容賺o的~

唔用以上方法, 經過兩年考驗, 發覺月供可以做得到, 海嘯都捱得過~ 小飛可能想得太多~ 或者月供算鬼數了 ${#icons_panda20}$

2009/12/29 11:34:22 回覆

陸sir話：「策略比選股重要。」

小弟理解，今日陸sir就係教策略，所以好重要。

女股神科恩

機率：65% 〈平均10次中6.5次〉
注碼：1蚊
回報：100% 〈嬴就羸1蚊，輸又係輸1蚊〉

如果平均一年落10注，10蚊羸3.5蚊，年回報率：35%

會止蝕的散户

機率： 50% 〈平均10次中5次〉
注碼：1蚊
回報：100% 〈嬴就羸1蚊，輸又係輸5毫〉

如果平均一年落10注，10蚊羸2.5蚊，年回報率：25%

如果可以keep住年年回報25%，幾十年後可以威過女股神+巴菲特。

點解散户做唔到股神？問題多數唔係出係機率，而係出係注碼同回報。

「羸就臝粒糖，輸就輸間廠。」就係升少少就沽〈低回報〉，跌就跌多多都唔沽，嬴就細細注，輸就大大注。

陸sir既意思係，散户要增加機率，要次次中係好難，反而控制回報及注碼係更容易做到。

具體做法，買入股票後，我地唔可以控制股價升跌，升固然好，跌就20%機械式止蝕，已經做岩左一半，又好似投機就要細細注，投資就大注，分幾注買。

2009/12/29 10:16:20 回覆

陸sir: 如牛市確認, 分注買貨作投資, 唔落止蝕位得唔得呢? 大市回就繼續買貨, 但當有一日最後一注都用埋, 大市繼續回, 係咪都可以唔落蝕止位呢?

2009/12/29 09:48:56 回覆

21789

http://yearfull.myftp.biz:51208/

2009/12/29 09:46:08 回覆

Good morning all

2009/12/29 09:38:56 回覆

21846

http://yearfull.myftp.biz:51208/

子龍 (kaka就是大叔的契哥) 2009/12/29 09:20:00 回覆

噢....天氣回暖有雨這是病菌肆虐的天氣呢.

fly兄: 噢...放棄前途只為人工這是上班的悲哀但現實. 好彩洗廁所唔係咁多人爭只係茶房阿姐睇唔過眼者 ${#icons_boy9}$

2009/12/29 06:52:39 回覆

金融High Tea——賣地無人陪跑

2009-12-29

聖誕假後，港股焦點係官地拍賣，大市先升後跌，恒指隨美股高開105點，中午最多曾升222點至21,739水平，但下午港府拍賣白石角兩地皮合共104億元，地產股拖累尾市倒跌，最後全日收市報21,480點，跌36點，不過成交額只有379億元。

市場焦點的白石角地皮以104億元成交，得主係大好友信和（083）為首財團，呢個價有市場人士形容為「平穩」，意思即係唔算好好，唔係好夠刺激咁解。不過，有地產界認為，今時今日拍地，成交價穩穩陣陣，可能仲好過谷到盡，原因好簡單，因為現時傳媒個個都對樓價好有興趣，跟住又引發好多不同利益團體，話樓價太高，若然拍賣又鬧出天價，可能就會逼政府做嘢。

地主佬不想谷得太盡

地產界話，有人以為財團有錢有面，可以好惡，實情係政府睇民意多過睇有錢佬面口。有時官員做咗啲政策出來，財團事前根本都收唔到風聲，到政策宣佈已經無得搞，唯有硬食；尤其係搞出嗰單天價豪宅後，官員係咁冚檔，搞到大發展商都要避風頭。現在個價唔高唔低，就大家都有交代，由於成交價到達預期，又唔係太貴；所以雖然下午賣地後，大市由升轉跌，但本地地產股普遍變化不大，無話受消息影響有明顯回吐，其中長實（001）、新地（016）下滑1%、恆地（012）跌2%；分別投得白石角地皮的信置及嘉華國際（173）則升0.6%及跌1.7%。

        今次地皮由大好友信和為首財團投得，呢個結果係市場預期之內，中環茶友話，信和買地一向勇猛，如果有人同佢爭，相信扯高10億、8億成交價唔係問題，昨日成交價一般，關鍵唔係信和唔肯出錢，而係無人肯落力陪跑，從其他發展商角度，信和先前用樓面呎價5000元投了三塊相連地，你同佢爭，佢唔怕同你去到盡，因為呢幅買得貴，其他三幅就變咗買得平，但自己出高價陪跑，投到咗兩幅最貴地皮，風險就要上晒身，投唔到激㷫政府，就更加冤枉，所以點計都無理由搏命。何況，𠵱家大發展商有幾幅大地皮同政府傾緊補地價，如果拍地價錢太高，多少會影響談判；信和現在食呢兩幅地，價錢其實都升咗，所以有大財團代表喺拍地後都話，成交價合理，只不過大家期望得高啫。

        半新股個別見炒味

        賣地前夕，好多大埔業主心雄封盤，希望等拍賣後可以加價，睇嚟暫時就會失望啦，中環茶友話，𠵱家香港樓市有一樣嘢開始好似內地，就係一、二手樓差價擴大，佢都好佩服地產商負責賣樓的樓神，點解可以轉個彎間二手樓賣緊一萬元一呎，佢可以賣到五、六萬元一呎，雖然有人話係內地人掃貨啫，但正如有個係香港無點買地的地產商話，落得香港買豪宅的內地富豪，個個都話頭醒尾，點解隔離街賣緊一元的東西，我要用三元嚟同你買先？呢啲個案唔係無，但係有幾多呢？所以茶友好佩服樓神賣樓的技巧，認真千變萬化，其他二手樓業主，無發展商樓神的奇技，想賣到天價就真係要講吓運仔啦！

        除了地產股，昨日半新股個別有炒味，太保（2601）受晉身恒指系列指數帶動，股價漲4.74%；洪良（946）、中國玉米油（1006）升3%，利郎（1234）升1%、利邦（891）升6%、三一國際（631）走高2%，首日潛水的勝利油管（1080）一度浮水，收報2.21元，升6%。今日掛牌的譚木匠（837）暗盤收市價報3.24元，較招股價2.58元高25%，如果有咁升幅，估計好多中籤散戶會睇勢食胡。

        陸羽仁

2009/12/29 05:50:55 回覆

Dow Jones Industrial Average(DJI: ^DJI)

Index Value:	10,547.08
Trade Time:	4:05pm ET
Change:	26.98 (0.26%)
Prev Close:	10,520.10
Open:	10,517.91
Day's Range:	10,506.34 - 10,551.61
52wk Range:	6,440.08 - 10,566.90

2009/12/29 01:45:30 回覆

第二回合(壓軸超級薩雅估霸)

I guess 21389

http://yearfull.myftp.biz:51208/

2009/12/29 01:23:07 回覆

潘記，12月31日係開半日市還是全日市？不是大問題，只是見頁內寫16.00價。

2009/12/29 01:19:37 回覆

第二回合(壓軸超級薩雅估霸)

I guess 20783

http://yearfull.myftp.biz:51208/

2009/12/29 01:15:26 回覆

第二回合(壓軸超級薩雅估霸)

我估 21370.50

http://yearfull.myftp.biz:51208/

2009/12/29 01:08:26 回覆

mkm兄，哈囉，long time no see！以後只准天體一族包機渡假 ${#icons_cat8}$

有無聽過Mile High Club？機上厠所限住嚟用，看來美國行線之入會要求提高了

潘記，袋鼠911前去過美國探網友，當年一支袋鼠紅酒作手信，十年後再聚乃開樽之時… 唔想搞咁多嘢去美國，現在真係更加無謂… 但兌美鈔袋鼠紙貴，美國朋友佢又唔係咁想出國 (早六年前已叫佢預備買定黃金或袋鼠紙，照睇佢又無聽)

PS. 雞脾打人牙骹軟 - 唔知有無效？ ${#icons_cat9}$

2009/12/29 01:04:13 回覆

鼠鼠: 高空擲物、淋強水, 雀仔死日日都有架喇~ 掙在呢期報道乜野~ 呢的就係所謂新聞自由~~ e....呢期o的靚毛去晒邊? ${#icons_dog8}$

小潘: 擒賊先擒王, 找出主腦, 隊淋佢~ 不過, 呢o的情節電影先有既~ 現實, 識人好過識字~

1. 扮死狗, 扮傻仔, 投其所好, 搏friend, 表現得對佢地現在或將來都無威脅~(當然要放棄前途, 純粹攞份人工). ${#icons_panda10}$

2. 仲唔走, 等派彩咩? ${#icons_panda7}$

大戶終結者 ( 等人齊 ) 2009/12/29 01:04:10 回覆

第二回合(壓軸超級薩雅估霸)

I guess 21666.66

http://yearfull.myftp.biz:51208/

2009/12/29 01:03:56 回覆

各位

其實暫時人事上沒有問題

我只是提出假設性既問題，我怕將來會面對....所以問下各位智囊，萬一遇到有咩好對策

小潘

2009/12/29 00:16:29 回覆

十二月壓軸超級薩雅恆指收市競猜遊戲
估12月31日16:00分恆指收市指數

第二回合(壓軸超級薩雅估霸): 12月29日接受報名(零晨0:00開始接受報名)

請報名玩前，先登記入會，謝謝 (login and password請自訂，與頭條blog無關)

勝出標準: 指數愈準確者勝，指數相同以時間先後決定。

規則:

1. 12月29日零晨0:00開始接受報名，12月29日23:59 deadline。

2. 請必須在陸sir blog登記，否則當無效，請用紅字。

3. 參加者於此網站登記，名字必須與陸sir blog 顯示出來相同。

4. 參加者報數完之後，請義務把 http://yearfull.myftp.biz:51208/ 張貼出來，方便下一位參加者參加。

敬請萬勿錯過!

豐富獎品等緊你

(第二回合)壓軸超級薩雅估霸獎: 陸SIR親筆簽名書一本

2009/12/28 23:48:51 回覆

kuso, icic, 小者味澀為梣 - 咁咪應該叫梣姐 ?

小潘,

試先搵針對為何 ?? 自己有毛病或是阻住人發財 (合法/不合法), 或威脅到他人地位 .... 太多原因了, 要對症下藥呢.

2009/12/28 23:07:39 回覆

袋鼠兄 - 最搞笑係臨降落前一個小時唔準放枕頭和毛被在膝上。不如唔好供應啦﹐倒不如規定﹐所有乘客只可以著內衣褲上飛機啦。。。。。。哈哈。。。

just like the Air NZ commercial......ha ha....

2009/12/28 22:36:55 回覆

小潘, 找個份新工啦! ${#icons_panda11}$

無人事無得做! ${#icons_panda3}$

子龍 (kaka就是大叔的契哥) 2009/12/28 22:31:29 回覆

唔人事針對辦公室政治是多多公司的現象舊人必定玩針對

1 以柔濟剛試下有無計傾私下拆掂去下 happy hour; 拆唔掂都要知下原因起碼都知死咩

2 quit 重等咩???

${#icons_girl6}$

2009/12/28 22:26:11 回覆

牆兄 :

蘋果在中國古代又稱「柰」[1]或「林檎」。李時珍說：「柰與林檎，一類二種也，樹實皆似林檎而大。有白、赤、青三色，白者為素柰，赤者為丹柰，青者為綠柰」和「林檎，即柰之小而圓者，其類有金林檎、紅林檎、水林檎、蜜林檎、黑林檎，皆以色味立名。」。而《食性本草》中亦有說「林檎有三種，大長者為柰，圓者林檎，小者味澀為梣。」

${#icons_panda23}$

2009/12/28 22:08:05 回覆

我想問一個問題，想大家幫手想想...

如果，你係新人，加入新公司，對上有一個中級老闆，以及幾位同事...

問題

1. 如果你比同級同事勁針對，你地會點拆解?

2. 如果你上司及同事一齊針對你，你會點對付?

小潘

2009/12/28 20:58:28 回覆

林檎姐 - ?? 甚麼物体 ??

美國防止空中恐襲唯一辦法就係唔好俾人飛入境.

老實講, 我打算有水都唔會去美國旅行. 要去美國都飛去加拿大, 坐車過去.

911 後去過一次美國, 入境人員的態度是非常惡劣, 手贖是煩到嘔.

2009/12/28 20:21:47 回覆

貓咪: 晚安~

我重係公司..... ${#icons_panda13}$

2009/12/28 20:11:35 回覆

各位晚噢!

Foxy, ${#icons_cat9}$

2009/12/28 18:54:46 回覆

妖、妖、妖！！！ ${#icons_panda27}$

數日後要上飛機，希望啲袋鼠航空監管唔好再次做美國契弟搞無謂嘢…

班美國佬搞乜X安檢呀，更加有效嘅方法又唔見佢做，新聞都話已經俾足情報，仲唔截住個可疑人物、俾佢上飛機？膠刀膠义已經夠無聊（有無睇李連杰做戲用筷子插人？），著陸前一小時唔俾去厠所（長途機其他十幾小時就一定無問題，而且有咗經濟客位候群症之後，啲空中股務員猛俾水你飲）？

你話我火氣燥？試吓香港政府有見高空擲物、濺強水，下令所有港人出街要著雨衣戴鋼盔出街（自費購買，但電力公司唔關佢事都會發100元換購卷，不過下季開始再加電費）否則票控罪款$1500… 推行有問題就報多幾單高空擲物新聞，好似早一年前回收雞牌時就日日新聞都發現屋村公園有死雀仔，而家好似啲雀仔係唔會死咁…

2009/12/28 18:48:34 回覆

好凍凍噢! ${#icons_panda9}$

animal666 2009/12/28 17:36:55 回覆

Push ...

16點

${#icons_panda27}$

2009/12/28 16:30:16 回覆

panda兄:no, 1球

因今次信心一般

2009/12/28 16:28:29 回覆

Rail: 恭喜 !!!

你仲有2球 ${#icono_66}$ 噢 ??

2009/12/28 16:25:52 回覆

foxy兄:apple wong 只在贏錢的情況下出現，一到劣勢情況下立即消失，好懷念zipang兄贏輸都會出現

2009/12/28 16:24:27 回覆

更正資料:

信和置業主席黃志祥賣地後表示，集團獨資投得D1地皮，D2地皮則由信和及嘉華地產合作投得，分別持有85%及15%權益，兩幅土地將興建豪宅，拍賣價也相當合理。他又說，由於其他發展商並沒有搶高價格，因此感到很開心。

2009/12/28 16:23:24 回覆

panda兄:今日上午入既21900回收熊已食 ${#icons_cat8}$

今日下午叫你又唔跳 ${#icons_panda8}$

2009/12/28 16:15:22 回覆

A兄: 唔緊要啦, 今日輸2隻牛, 明日賺番20隻 ${#icons_cat8}$

我今日力保不失, 1881, 303, 368, 1313升, 2009, 3988跌, 帳面都仍是正數

2009/12/28 16:12:23 回覆

Panda: 我希望上番23,000, 俾我減下貨.....

我唔想留意, 亦唔想知佢點講啦.....我講左唔理佢, 所以我會封口唔講佢, 除非佢講我先啦 ${#icons_cat4}$

2009/12/28 16:09:35 回覆

到時係唔見人既!! ${#icons_panda9}$

升番少少先出黎講, check 下你就會明pattern. 啊!! 今朝咪係咁law! ${#icons_panda23}$

2009/12/28 16:07:36 回覆

loss兄: 我黑心啲講.....想睇吓如果1月HSI上唔番23000....反而去到20000-20400...睇吓姐姐點講....唔知有冇機會...... ${#icons_dog10}$

2009/12/28 16:07:35 回覆

無錯! 前車可鑑!! ${#icons_panda3}$

係唔會咁易放手 x 2 ${#icons_panda25}$

2009/12/28 15:53:25 回覆

投資小學生 : ${#icons_panda7}$

2009/12/28 15:52:18 回覆

loss兄:You give attack by apple wong，係唔會咁易放手

2009/12/28 15:49:52 回覆

哈哈, 大埔地王以預測價接近下限成交, VERY GOOD, 樓價應不會太熱了!!

業界預料，各大發展商對此兩幅臨海地王虎視眈眈，成交價會較勾地價格高40%至80%，料介乎110億至127億元，樓面地價每呎介乎6,800至9,000元

結果: 白石角D2地皮由28號牌財團以52.5億元投得，每呎樓面地價7284元，投得財團為嘉華地產(更正: 信和與嘉華合資)。
現場消息，剛以51.5億投得D1地皮3號牌為恆隆地產(更正: 信和獨資奪得)。

合共: 104億......比業界預料下限更低, 對想換大屋既我來說是好消息

子龍 (kaka就是大叔的契哥) 2009/12/28 15:48:25 回覆

原來好消息出貨.... ${#icons_panda26}$

2009/12/28 15:25:52 回覆

呵呵~~~

原來好消息出貨....

d貨去左邊呢?!? ${#icons_panda23}$

貓,

你d熊貴左bor!! ${#icons_panda23}$

2009/12/28 15:25:23 回覆

大市倒跌 ${#icons_dog6}$

2009/12/28 15:22:48 回覆

元華兄: ${#icons_panda26}$ 下.....咁大鑊....我又唔靚仔, 又唔叻.....淨係識自大, 同埋作D無聊歌仔, 點會紅呀............. ${#icons_dog7}$ 肯定被點錯相!!!

瀏覽更多回應正在載入...

持貨力（２）

網誌分類

最新網誌

最新回應

月曆