中午什錦魚生飯套餐

有日係尖沙咀 i-SQUARE 做嘢，下午係入面嘅 MONSTER SUSHI 食咗個什錦魚生飯套餐。連加一要八十找兩蚊，午餐嚟講就好似幾貴。佢哋午餐大多數包湯、沙拉、燉蛋、主菜同生果，每款餐都有幾多嘢食吓。套餐款色又幾多樣化，有湯麵、壽司、炸物同魚生。食物好新鮮而份量又多，你哋睇我點嘅魚生飯都估到。啲料光身又唔乾水，食落油水充足又唔笠口，鮮甜十足。而飯就真係食得出係日本米煮，粒粒又肥又圓。重有大家睇吓隻碗，唔係普通嘅日本飯碗，係湯麵碗 SIZE 咁大。所以我係大男人都食唔曬！其實諗吓唔洗八十蚊就食到咁上下質素嘅嘢係OK架。 俾多十蚊不如試吓下面呢款呀！