2010/1/19 星期二

2010/01/19 09:47:40 網誌分類: 財經
19 Jan

如果持有多隻股票但又需要沽出部份套現,大家會如何決擇? 我自己會將每隻股票的買入價和現價寫低,然後依次序排列:帳面上輸得最多的一隻排名第一,輸得較少的排第二,餘此類推,賺得最多或輸得最少的排到最後,要沽就由輸得最多的一隻開始。

很多人會將輸得最甘的留低,有賺或輸得小的就最早沽出! 我覺得要沽貨應該反其道而行,輸得最多即表示最難返家鄉,因為需要有很大的升幅,但既然此股弱勢已成,短期積重難返;其原理跟做生意一樣,想一想你會否結束賺錢的生意,而將虧本的業務保留? 

回應 (94)
我要發表
2010/01/22 10:01:38 回覆

soho:呢個場有幾旺? 開咗五個半月,每日平均瀏覽五百幾人,每粒鐘廿幾人;唔好唔記得淨係我哋自己睇回應,答回應,騰出騰入已經製造幾次瀏覽,但就同意頭條網整體運作比較慢,去其他網頁暢順好多。

2010/01/22 02:55:44 回覆

SOHO,

#2828 我無睇開, 明天開始睇下先.....

真消息公佈市場好, 可是遙言滿天飛, 又話要罰銀行, 又話加息,

人心散渙, 又近過年, 你呢個活躍短炒王都話加減持,

証明買盤弱 是真的.今日穿一穿21000支持位,明天 會引發更多沽盤.

至於話睇錯市, 最主要係執行的策略係贏定輸D 真金白銀 .

我地舊年3 月開始傾市買賣時, 相信當時亦有好多人當我地係蠢仔.

至此當我唔沽期指係睇錯市, 雖然沒有賺,可是也沒有CALL.

我睇好, 但係亦贊成食糊, 食左糊買了些工行, 都未輸掛.

至於P/E 高0既股跌, 其實有些內需股的P/E 炒到40-60 ,真係應該調整的.

 我手持的股P/E 都不過20 , 跟緊#858都無買, 因P/E實太高唯有等..... 

恆指如穿20800 下一個支持位係20300-400   

soho*
soho* 2010/01/22 00:25:34 回覆

寶寶狐, #2828恒生H股ETF 今朝竟然上左沽空榜第二位, 真係罕見, 因為中國經濟復蘇逐步退市, 搞到港股大插, 呢d係乜野經濟理論呀? 真係世界變! 輸死左都唔知發生乜野事.

回想起來, 原來一月初既升市係騙人入局既陷阱, 營造良好市場氣氛, 升完就由高位一直派貨, 全港既分析師及散戶都被騙了, 連 陸 Sir 都......

近排港股識跌唔識升, 我發覺有d股份好硬凈, 逆市造好, 咪以為佢好叻仔, 原來只係時辰未到, 最後都會跟大隊倒下來.

睇黎港股仲未跌完, 今日恒指大位21000毫無支持力, 話破就破, 要待大鱷洗完倉, 港股才會有運行, 短炒難搵食, 希望中長線必勝.

你睇大鱷倉位恒指走勢如何? 跌穿 20800, 下一站 20600 / 20300 ? 係唔係呢? 我斷估咖咋! 你今晚做完功課唔該留低幾句真言, 否則......嘿!!!

主席個場人氣好旺, 好多網友等住睇你既分析咖!

幪面馬仔
幪面馬仔 2010/01/21 23:41:36 回覆

//馬仔,我記得嫁!!!//

安仔, 

我知啦,唔駛再提我,到時比貼嚟啦。我要唐餅咭唔要西餅咭,因為貴D,heehee

2010/01/21 23:26:21 回覆

SOHO吉祥 , 我最近好耐先入到黎呢牌,去第2個BLOG 就無事,

可能太多人入來啦.....

SOHO , 我指的跳空不是單指跳空掃貨,

而是指好多買賣盤都係空架, 即是要掃大波幅好易

因為唔駛出好多CASH, 如果排滿999, 要控制上落要好多錢, 但係買賣盤疏落, 要打郁佢 , 什至單日升7% 好易,

第2 日只要唔買貨, 佢就會落, 但可能買好少又可以令佢升,

我無睇牛牛盤唔識用佢黎講,試下用#3983解 :

佢係上星期4 掃上5.6 , 星期一開OPEN @5.39 ( 10點開不計盤前) , 賣盤卻在5.42 , 至10 點半一個買盤已掃上5.5X , 10 幾個價位, 只係跌左3-4 次買盤咋, 波幅可以好似好大咁...

至於係唔係劃圖...我只係識得睇MARK 價, 唔識分點樣劃圖.....

2010/01/21 22:40:23 回覆

馬仔,我記得嫁!!!

2010/01/21 22:39:57 回覆

soho吉祥,

係呀,但我平時都係少睇大市和個別股仔的關係,

當然兩者又有一定的關係啦,

股仔,特別莊家股往往會借大市勢去震友,呢個時候我當然保利為上走左d先啦.

我現在學習階段,暫只睇同板和專注做一隻的做功課.

睇同板921弱煲,雪柜步佢後塵ing

1070,751炒ing

我幾日無做功課啦,但好想豬豬啦,咁多位,

我豬先啦

good night!!

soho*
soho* 2010/01/21 22:38:30 回覆

出 留言既時間呀!

幪面馬仔
幪面馬仔 2010/01/21 22:35:29 回覆

11秒咩呀?

安仔,我都話$3.1個時我已經想買咯!

2010/01/21 22:31:21 回覆

馬仔: 你快我 11 秒! {#icons_panda3}

我建議你寫低想加注股份買入價、今日最低價及收市價,計吓暫時帳面損失嘅百份率,例如:

買入 8.00

最低 7.20 (-10%)

收市 7.30 (-8.75%)

平均 10% + 8.75% = 9.375% (7.25)

根據呢個百份率睇吓萬一再回調到那一個位你會加注,那一個位要止蝕。

幪面馬仔
幪面馬仔 2010/01/21 22:31:08 回覆

未有野落袋,點比呀!!!

你用咗牙線清潔三角位未呀?

2010/01/21 22:31:02 回覆

主席,係呀,唔掛得之我想唔到點打,

我連個字點寫都記錯.

馬仔,唔係嫁,我覺得害左你輸錢......@@

2010/01/21 22:29:09 回覆

安仔:「賴」字倉頡係 DLSHC。 你都係用倉頡?

幪面馬仔
幪面馬仔 2010/01/21 22:28:58 回覆

喺呀安仔,

現在睇返你係咪覺得你無害我呢!

soho*
soho* 2010/01/21 22:28:43 回覆

哈)))) 馬仔, 我做左你既代言人, 五舊水, 唔該爽d手.

主席, thx! 等我再諗諗仲有乜野問.

寶寶狐/花姐, 速速蒲頭!

小安子吉祥, 近日港股急挫有點股災feel, 呢兩日開始跌到高pe股份.

2010/01/21 22:26:04 回覆

馬仔,

有時股感係好重要呀!!!

但又唔可以太依賴它.

 

幪面馬仔
幪面馬仔 2010/01/21 22:24:18 回覆

主席,咁樣好難決定,

soho {#icono_46} thx

2010/01/21 22:24:16 回覆

soho:任何假設會隨大市改變而調整。 26.30 我視為重要支持,我希望今日跌穿只係人踩人既結果;但如果真係走勢逆轉我會止賺再伺機撈番,我對佢試一年高位嘅睇法冇變,但就因為受人拖累而冇咁快。

soho*
soho* 2010/01/21 22:20:22 回覆

狗子負債好高, 呢兩日市場傳內地即將加息, 狗子急挫可能同加息有關.

2010/01/21 22:16:25 回覆

主席,

我以為佢想加雪柜.

2010/01/21 22:15:40 回覆

今晚嚴重警告寶寶要早多多洗頭

唔好到時又賴落d靚好身上呀??

 

有無人可以教我(賴)字倉頡點打?

thx!

2010/01/21 22:15:23 回覆

馬仔:你想加懵牛還是狗子,定係兩隻都加? 懵牛如未能快快上番 26.30 或要見 25.00,狗子下一個支持位 11.50。

soho*
soho* 2010/01/21 22:13:34 回覆

主席, 我唔係好明你對懵牛既睇法,

1) 你係唔係已否定懵牛即將上試一年高位既睇法?

2) 你唔認為係震倉?

3) 你認為如果懵牛未來一兩日企唔番上 $26.3, 就代表佢既走勢逆轉? 所以要走鬼.

馬仔, 好彩你冒住被警察拉既危險掉左個雪櫃落街.

幪面馬仔
幪面馬仔 2010/01/21 22:13:26 回覆

安仔,

我只是做做吓野突然想起,如果可以再跌多D我會考慮加注姐,我唔識分析,只靠感覺,無符!

2010/01/21 22:07:53 回覆

馬仔,

你好大膽,咁鬼勇嫁??

唔係 我傳染你嫁,好學唔學,學埋最壞的野.

幪面馬仔
幪面馬仔 2010/01/21 22:02:12 回覆

我今日都有諗過加注,但我只想加一注狗子.

2010/01/21 22:01:12 回覆

今日莊家沽雪柜好狠呀,

嚇到我面青青無肉了,

不過我會再努力做功課,

希望可以等佢震完搵到個靚位再嚟.

嘿!!!!!!!!!!

2010/01/21 22:00:00 回覆

伯有煲鬼妹湯有冇俾個羅漢果? 都好好咖! 但記住去殼,差不多煲好時加落去煲多 20 分鐘就得。

馬仔:晚上好!

2010/01/21 21:55:16 回覆

依照策略 11.80 加注狗子,質咗 78,000 股之後見到自己嘅牌,但又有少量買盤攞番上去,未能成功買入;明日星期五,昨日撈底嘅明天要交收,唔想俾錢就要止蝕沽貨找差價,睇嚟或有死雞盤。

今日再一跌,大部份股份短期支持位都穿晒,要逐隻睇番新嘅阻力位在那裡,能否短時間企番上去。 如果是長線投資,對此等市況應該見怪不怪;短線投機或新手難免忐忑,挨年近晚,大鱷睇住散戶想搵快錢過年嘅心態掠水,希望大家嘅防守能力可以捱得過去,所以我好長氣咁講唔好買太多、注碼唔好太大! 杜拜世界爆煲跌一千點仿弗就是昨天,不時玩吓大插插,等大家唔會好了傷疤忘了痛,要諗住股災隨時番轉頭,如何自處。

懵牛跌穿 26.30 超級支持位,26.25 - 26.10 嘅成交股數約佔全日總成交 10%,如果未來一兩日不能企番上 26.30,我會先行止賺,希望 25 蚊樓下補回。

2010/01/21 21:54:01 回覆

馬仔好乖!!!

2010/01/21 21:51:50 回覆

主席,

要明天先沖嚟飲,

因為藥房無開門,而呀媽又煲左西洋菜湯,

明天係公司飲完話你知.

幪面馬仔
幪面馬仔 2010/01/21 21:31:28 回覆

報到

2010/01/21 21:24:54 回覆

你今日有冇焗羅漢果茶飲啊? 覺得點樣?

2010/01/21 21:18:49 回覆

主席,

真好多謝你的關懷.我會試過羅漢果,

yeah!!!thx!

soho*
soho* 2010/01/21 17:16:50 回覆

{#200809291511561511_600x600.gif} 港股遭恐慌性拋售 {#200809291511561511_600x600.gif}

隻瘋牛最後6分鐘成交急增大鱷狂沽, 以接近全日低位收市.

主席唔該幫隻牛驗屍. {#icono_85}

寶寶狐, 隻牛黐左線, 尋日飆上去, 今日轆落黎, 有乜陰謀? 我傾向睇淡, 你未答我尋晚既問題啵!

// 我唔係好明點解要跳空掃貨, 現時沽盤不絕, 使乜跳空掃貨, 係唔係畫圖? 可唔可以用懵牛黎講解一下, 大鱷高價掃貨有乜好處? 同沽空有冇關係咖? //

2010/01/21 14:25:24 回覆

羅漢果不算太寒涼,你買呢個假設分 4 次用,隔日焗飲一份,睇吓自己感覺如何再調較。

我喺你屋企留低煲羅漢茶嘅方法。

2010/01/21 13:56:59 回覆

好在問一問下你,thx!! 我其實怕涼唔受得,

不過點都要試下,

我呢幾日食中藥勁燥,好在現在得返最後一劑,

今晚食完無了!!!!

2010/01/21 13:44:45 回覆

安仔:羅漢果嘅外殼不要,焗茶不需要全個,太甜啦! 視乎杯嘅大細分三至四次用。

2010/01/21 13:41:17 回覆

馬仔:消磨意志的日子唔會咁快結束。

2010/01/21 13:21:36 回覆

食飽飽,

同事一陣幫我去買羅漢果返嚟,

等我試吓沖水飲,一潤一潤下先!!!!!

yeah!!!!!!!!!

幪面馬仔
幪面馬仔 2010/01/21 12:23:35 回覆

soho食飯啦? 我真是不知它在做什麼,比個方向我?

soho*
soho* 2010/01/21 12:21:08 回覆

原來懵牛患左瘋牛症, 亂衝亂撞

Persie
Persie 2010/01/21 06:08:43 回覆

慘啦,我返工看不到即市news,只會落死雞盤,我今日仲入左貨添 (#54 at $24.5)。大廳睇18,0xx,好似好恐慌咁,但有冇咁低啊?

 

搞搞下我又手持好多貨啦,股災我會好慘架。唔好股災住啦,唔該!

 

#3331上過$5.7其實我可食糊但我沒有,又艇過!

幪面馬仔
幪面馬仔 2010/01/21 01:24:05 回覆

大唔大就唔知,幾梳就真,

千萬千萬不可用嗽口水,會愈用愈多跡,我發開口夢,信兩成好啦。

soho*
soho* 2010/01/21 01:17:23 回覆

{#82.gif} 馬仔, 俾你睇下喇! 你話我既牙縫大唔大丫 ?

幪面馬仔
幪面馬仔 2010/01/21 01:13:52 回覆

又話早D做soho豬?

你D牙罅大唔大?個廣告好誤導,冇個罅突登塞支牙縫刷落去會整大個牙罅㗎。唔好咁懶惰,得閑用吓牙線。

soho*
soho* 2010/01/21 01:05:15 回覆

寶寶狐, 乜我發窮惡亂咁吠你都唔驚咖!

現時港股莫財, 買盤欠奉, 恒指 21000 岌岌可危, 除左夾淡, 我真係搵唔到上升既理由.

你講既大龍鳳係大插定係急升夾淡? 美匯指數今晚升得好急.

我唔係好明點解要跳空掃貨, 現時沽盤不絕, 使乜跳空掃貨, 係唔係畫圖? 可唔可以用懵牛黎講解一下, 大鱷高價掃貨有乜好處? 同沽空有冇關係咖?

馬仔, 係唔係要刷埋牙縫三角位?

2010/01/21 00:45:25 回覆

無良心呀 , 我前晚幫你睇圖無洗頭,所以昨晚一定要洗呀,

話時話, 你點知我係工程師? 我隔日都要去地盤巡市業務架.....

SOHO, 你講的需對,但跳空好多個盤呢個現象不可輕視,

而且今日你話牛牛都係就更証明好多股都跳空, 買賣兩閒, 似聖誕假個陣,

要挾真係好易, 咁多股跌空好多格呢個現象, 自沙士後我未見過......

大龍鳳快要上現, 不過千其唔好買錯股, 只要爸爸, 不要媽媽 !

幪面馬仔
幪面馬仔 2010/01/21 00:18:11 回覆

我今日連市都無睇,狗仔同牛牛都差不多.

//好快會試一年高位。// {#icons_cat8}


soho Have you brush your teeth yet?

2010/01/20 23:52:06 回覆

寶寶:對於大市方向我唔太重視,我覺得佢對玩期指期權嘅人重要啲;但對我只玩個別股票嚟講,牛市都有股票跌到一仆一碌,熊市亦有股票大升,最重要係能否任何時候都揀到反覆上升嘅股票!

今日我大部份時間睇住隻懵牛,睇到我都懵懵哋同吽吽哋,因為佢已經試咗 26.30 呢個低位 6 日,但到尾都收番上去,我真係好想知佢玩乜! 今日下午開始陰啲陰啲咁上,跟住跳空攞,到收市前 20 分鐘仲精彩,好似驚死聽日停市冇得買,係咁搶,搶到 27.50,最後低番一格收市;根據佢最近呢個幾星期嘅走勢,我感覺好快會試一年高位。

你可以話我好專注亦可以話我懶,我長短倉都係一張名單,因為當中已包括不同行業嘅龍頭或有代表性嘅股票,佢哋本身有一個循環,跟住當中嘅波幅買賣,除非基本因素改變就改用另一隻取代,否則可以用呢個模式一直操作,如果有本事玩到出神入化已經得啦!

瀏覽更多回應 正在載入...
user