金和飯店

完整的鍋巴

星期五晚，回暖了。看著太座嘅肚子位置一天比一天落，預示了新成員好快就會同大家見面了。「你老婆生咗未？」成為近日最常見嘅開場白。

是晚，太座想起「民聲」嘅蒸肉餅。可惜，當我們來到嘅時候，已經有大批人等候中。以太座現在嘅狀態，那能乾等呢？於是便走往隔離舖一試其煲仔飯。

這裡嘅煲仔飯共有十一款，而且可以cross-over，當然雙拼要加錢啦。不是用傳統炭爐煮出來嘅煲仔飯，出爐時是少了一股炭香味，不過火喉掌握更加得心應手。燒得火紅嘅瓦煲，打開煲蓋，加點自家製嘅豉油汁，再蓋上焗一分鐘，動作一氣呵成。先試臘腸排骨飯，排骨裡嘅豬骨被熱力迫出，摻到每一粒米中。入口有豬油甘香，而且飯是粒粒軟糯，如不是飯不夠米氣嘅話，相信已屬極品；臘腸嘅質素較為普通，食落不太香，而且是瘦咗啲。最好嘅地方就係鍋巴，由於焗嘅時間剛好，鍋巴不燶之餘，還可以整塊起嚟食，卜卜脆，帶有豉油汁嘅甜味，滿足。

食煲仔飯，時間嘅掌握至關重要。只是遲咗五分鐘打開煲蓋攪動，北菇滑雞飯嘅飯焦已經相去十萬八千里，有些還燒焦了。雞比較多骨少肉，但雞肉亦算嫩滑。至於雞味，除非是冇激素兼且是走地雞，否則如石頭鑽出血。

煲仔飯三十五蚊，送一碟油菜。雖然只得幾兩菜，這價錢也是抵食夾大件的。

用餐日期: 2010-01-08        

味道4   環境2   服務3   衛生2   抵食4

地址：大坑浣紗街20號地下