極萌世界
近日,與網友大笨袋鼠聊動漫經,講起不少日本動畫,都在走萌的路線。
萌,讀MOE,可解作非常可愛,同時又與「燃」同音,可謂燃起少男對可愛少女的憐惜愛慕之心。
萌固然在日本已經流行很久,但最近似乎變本加厲,好幾齣新番佳作,故事和作畫雖好,而且萌到極點,但卻似乎為了萌,瘋狂到把雄性動物趕盡殺絕。
以前,無論一齣動畫多萌,都總有一個強氣或傻瓜男角,讓一眾萌之女角把他圍住,經典作如純情房東俏房客,或夏之嵐。
我們稱這為Harlem後宮動畫,意謂一位男主角,享盡多位女角的愛慕。
但新一浪極萌動畫,終於宣佈連這位唯一的男主角也要殺掉,所有主角全部變成女性,要有強氣角色嗎?也由強氣女主角代替。要有愛慕關係嗎?可以讓另一女主角愛上強氣女主角,這種大設定意識類近女同性戀,只是行動上不會做到那個地步而已!
其中的表表者,都很好看,現在給大家介紹三兩齣!
科學超電磁砲
本作為某個魔法禁書目錄的姊妹作,主角為懂得LV5超能力的御阪美琴,主題突顯出超能力做成的階級差距,四位主角能力雖不同,但卻超越階級,以友情、正義和愛(愛情?)連結,成為朋友,人物描繪深入,又有動作情節,是幾好睇的作品。
可是,雖有男主角,但登場次數極少,令人感覺進入了女兒國。
空之音
女主角彼方,擁有絕對音感,為了免費學習吹喇叭,毅然當兵,加入遙遠小鎮的鎮守小隊,每日為鎮民吹喇叭報時。
而她所屬的1121小隊,全是女孩。我想世上沒幾多個前線軍事團隊,會是全女班吧?
故事只播了幾集,有不少伏線,例如一輛坦克建御雷神,似用音樂啟動,還會奏Amazing Grace,還有少女救世的傳說,似乎將會很有看頭。
不過,主角中確實沒半個男性,配角大叔倒是不少,又是一齣完全清洗少年雄性的作品。
K-ON
少女在學校組成輕音部,因夾BAND表演成為朋友,是一齣以夾BAND為主題的友情劇。主角平澤唯沒頭沒腦,入了輕音部卻鼓起少有的幹勁。
四位主角日日在音樂室飲下午茶,然後話好正,完全是萌到極點的活動。到表演時,不知怎的卻又合拍到飛起。作為一齣友情劇,幾好睇,也萌到飛起。
不過,連顧問老師都係女性,全個故事除了一兩位禿頭老師外,幾乎沒有男性出現。令人懷疑男性已經死光了。
天才麻將少女
以打麻將為主題的動畫,麻雀競賽情節十分精彩。主角咲可以連續嶺上開花,令人意想不到。
不過,所有參賽者全是少女,唯一男角,只擔當麻將會眾人的跟班,令人奇怪,為何男人不會打麻將。另外,兩位女主角經常臉紅,友情關係又滲少少愛慕關係,引人聯想。
ChuBra!
一齣以女性內衣為主題的新番動畫,因為主題是研究女性內衣,主角全女班順利成章。反而,不同於上幾齣動畫,它有男配角,主角奈由有一位設計內衣的圭吾哥,也有一位支持她們的男同學。
這動畫連我太太和女兒也一起看,不錯!
感想
現在的動畫,很多時配合玩具產品賣錢。女角玩具和精品好賣,全女班出擊似是大勢所趨。
只是,日日打開動畫只見女不見男,連傳統擔演男角的強氣角色,都變成女性,總有點被閹割了的感覺。
好想日本方面,出番多少少有強氣男角的動畫,例如下面的魔王魯路修。
一直以來,我好少買男角figure,唯一例外,就是魯路修!
我以不列顛尼亞.V.魯路修之名命令,
要拍多些強氣男角動畫,等福山潤不會失業!
--Geass
係囉,Lelouch Code Geass都係女人們的創作黎。
但佢地創作D男角都唔錯,有李小狼,有四月一日君尋,有百鬼目靜,有朱雀同Lelouch,都係很不錯的男角。
反而宅男動畫監督,先會創作全女班女兒國動畫。
indy
//我以不列顛尼亞.V.魯路修之名命令,
要拍多些強氣男角動畫,等福山潤不會失業!
--Geass//
不如用Geass之力量去控制一眾宅男,令佢哋全部轉看硬硬熱血男兒之動漫
如此,十分諷刺的是,可能要再創見熱血男兒,要靠一眾CLAMP嘅女老師們
完全想像唔到你內心裡有萌同步率!!!
你明明係智慧型硬派角式......
我無睇套片,根本無時間睇片,套無無修我第一輯只看了一半,無時間睇。
平澤唯可能係萌同步率同我有共鳴o卦?
你竟然鍾意天然無腦的平澤唯噢QQ
佢最令人羨慕係, 無腦都咁多人支持, 而且有個200%忠心而且萬能的妹妹, 為佢打點一切, 你係咪鍾意佢呢種幸福?
佢D公仔係咪B等賞果D, 有D好巨大的figure賣喎...
近期鐘意平澤唯,不過佢o的 figures 都幾好賣,一係找唔到,一係炒貴晒。
冬姐:
未必嫁!
而家唔止有代溝,重有性別溝。
宅男對港女,你話我,我又話你。
港女喜歡的,宅男無興趣。
宅男喜歡的,港女嫌Cheap!
社會進入史無前例的巨大分化。
所以,睇我網誌,一樣可以同佢地有溝,只係搞唔清係咩溝罷了QQ
indy
多看你的網誌就肯定不會與青少年有代溝了. +1
黃金, 大笨,
男聲優唔會失業住掛, 但肯定唔夠女聲優吃香啦!
好像茅原實理, 水樹奈奈等真係紅到傻, 男聲優我唸Lelouch和Lawrence的福山潤最人氣, 但唔見佢可以紅到像水樹奈奈佢地一樣...
我地self-s election會唔會? 機會唔太大, 我覺得中國字幕組係好勤力, 佢地咩都會譯, 尤其是開頭新番, 大家未知劇情, 唔會因為有男角所以唔譯. 但如果播播下唔好睇, 有些劇集會無左下文.
字幕組連波波羅古羅斯這類童話動畫都做, 所以我相信self-s election機會唔大.
神魂合體我睇過下, 拍得麻麻, 淨係露肉同埋震動係唔得嫁,我知哂劇情後就全部delete了!
現在出男角,下一套應該係等新高達了!另外少年動畫如Fairy tail、Letter Bee,都仲係有男角。有少年Jump一日,男角應該還未至於絕種。
我只係想講,像超電磁砲這類全女角動畫,以前係不存在的說,現在卻係愈來愈多。
Lelouch有無後繼人, 真難講.
indy
順帶一提,動漫會之前播咗一部比天元突破更熱血嘅動畫,叫做神魂合體Godannar,好鬼死老套(除一小妹妹外,女角全體E級或以上),基本上當笑片播… 不過老套得嚟都好鬼鐘意個熱血OP
男角figure講起上嚟又真係好少… 上一個袋鼠購入嘅男角figure,係命運長夜(Fate/stay night)嘅Archer。看看自己一堆figures中,看來幾位男角都係身處Harlem。
其實我估會唔會係self-s election,我哋本身選片有關?另外字幕組亦可能有偏好?而figures當中,除了宅男市場(他們唯一消費,所以十分夠水頭)市如果唔萌亦唔係個個都出得到咁好樣,所以亦變咗多數係女兒身?
好幾齣文中提及嘅卡通未睇,真係要在網上資源找找看看
男性聲優會不會失業呢?
另外,這類沒有男主角的動畫,通常都會加入百合成份來制做愛情線的效果呢.