反狙擊
歐盟國家拯救希臘方案懸而未決，美股杜指週三先跌後回穩，萬點關口失而復得，以輕微下跌收市。受聯邦局主席伯南克闡述未來信貸緊縮計畫的影響，以及原材料股下挫拖累，美股一度跌近100點，跌穿10000點關口，其後高因市場預期歐盟將於本周出台救助希臘的計劃，金融股上揚，杜指反覆回升，以小幅下跌收市。
杜指收報10038點，跌20點或0.2%；標普500指數微挫2點或0.2%，收報1068點；納指收報2148點，跌3點或0.1%；羅素2000種小型股跌0.1%。杜指期貨最新報9996點，比現貨低水42點。VIX或「恐慌指數」回落2.3%至25.4。
港股美國預托證券靠穩，ADR港比指數收報19906點，比香港收市低16點或0.1%。匯控收報80.11元，比香港收市高0.1%；中移動收報74.9元，比香港收市低0.1%。
震親股市的是聯儲局主席伯南克的言論，佢原定昨日在眾議院金融服務委員會(House Financial Services Committee)作證，但因惡劣天氣被推遲。不過，作證用的書面證詞已經公佈，證詞闡述了伯南克對經濟與貨幣政策的半年展望，並解釋如何退出目前採取的超常規措施，一旦聯儲局認為美國經濟已充分復蘇，就可以按照此藍圖開始行動。
伯南克的證詞顯示，商業銀行在央行的超額存款儲備金率，可能會在一段時期內取代聯邦基金利率作為聯儲局的政策操作目標。聯儲局為了慢慢結束流動性計畫的部分內容，可能會在不久後擴大貼現率和聯邦基金利率的價差，更高的利率將誘使銀行收回流動性，減少向客戶或其它銀行發放貸款的數量。
聯儲局自08年底開始為了應對數十年來最嚴重的金融危機，採取超常規措施以防止出現更嚴重的衰退，把短期利率降至接近零，並增發數萬億美元的鈔票以降低長期利率，想從這些措施中全身而退，既需要技巧也需要運氣：如果聯儲局動作太快，可能會引發新一輪的經濟低迷；如果等待時間過長，又會引發通脹；措施不得當的話，可能會造成市場的不安，破壞剛剛開始的市場復蘇。而伯南克正試圖向市場和公眾傳遞一個資訊，即聯儲局正在籌備退出策略，希望以此增強外界對其經濟掌控能力的信心。
伯南克證詞公布後，美股一度下探，因為市場看見退市計劃有啲擔心，但金融股好快反彈，因為大家都相信歐盟峰會最後會拿出救希臘的方案，杜瓊斯金融指數升0.8%，跑贏大市。美銀係杜指成份股中表現最佳的個股，升1.4%。摩根大通升1.3%。
網友三心兩意早兩日問起，「從某處看到一個消息，"對沖基金積累下了80億美元、超過4萬張的沽空歐元的合同"，”諾貝爾獎得土斯蒂格利茨建議歐洲採取香港1998年的措施，對抗對沖基金。”若歐元真的受衝擊，變成怎樣呢?」
我一直覺得而家希臘的情況，都有啲似香港在97年的處境。先睇睇身兼希臘政府經濟顧問的諾貝爾經濟學獎得主斯蒂格利茨點講，佢呼籲歐洲政府入市「教訓炒家」﹕「投機者常尋找薄弱環節下手，他們現在做的事情，就像1997至1998年狙擊香港時一樣。當你加息，股市就下跌，所以他們事先押注股市大跌。他們自以為立在不敗之地，因為若歐洲不捍衛歐元，他們就可靠做淡歐元賺錢；若歐洲捍衛歐元，他們就可做淡股市賺錢。當年港府所做的就是既撐貨幣又在股市掃貨，痛轟炒家，歐洲現在也應這樣做。」
希臘似香港當時的情況有幾個地方相似，第一，當地經濟、特別是樓市在風暴前過熱，資產價格偏高。第二，當地無獨立的貨幣，不可以透過匯價下跌來調節，香港的港幣和美元聯系，匯價基本上跟美元走，希臘連獨立貨幣都無，用哂歐元，當希臘經濟好差、赤字好高時，歐元的匯價相對於佢實際情況就偏高咗，匯價不跌資產跌，股市、樓市、債市就要以雙倍的跌幅來調整。第三，都是小經濟，踩低你話你無樣掂好容易。第四，要大幅減赤好痛，政府有倒台危機。
希臘和香港相異的地方，香港仍有港幣，炒家是同時沽空港股和港元來狙擊，但希臘沒有本地貨幣可供狙擊，但而家亦有新炒作工具，炒家是沽空歐元和買入希臘等國國債的信貸違約調期(CDS)來狙擊，甚至亦同時沽空歐洲股市，道理亦都係差不多，整體睇淡歐盟能應付這個危機，所以沽空歐元，若歐盟認為歐元匯價太低，就要加息迎戰，加息又會令歐豬五國經濟雪上加霜，那些國家國債的CDS會升得更厲害，高到國債要以天債利息才能發行，若逼到一些國家政府倒台，新政府唔肯減赤，咁歐盟其他國家去包呢啲國家底，整個歐盟經濟都出問題。
歐豬五國經濟係差，財赤係高，但又不是馬上爆鑊的地步，俾時間佢本來可以減減解決，但而家好多人去唱衰佢，就會愈唱愈衰，假設有部份唱衰聲音係因為佢地沽空咗歐元和買咗呢啲國家的國債CDS，呢種聲音就係有惡意的，在惡意攻擊下，唔衰都變衰，小衰變大衰。雖然而家同1993年索羅斯狙擊英鎊或1998年索羅斯及老虎基金狙擊香港時唔同，而家少咗呢啲咁巨型的對沖基金，但而家又有成千上萬的小對沖基金，可以自自然然咁一齊行動。
若然「狙擊」的論點成立，歐盟或歐洲大國就應該及早干預，從救希臘開始，人地唱衰，佢地可以用政府行為入市夾炒家，救希臘又好，救西班牙又好，總之政府干預夠多，令造淡的市場不斷被夾升，逼炒家損手離場，才是自救的正道也。
陸羽仁
陸羽仁覆網友
我細細個爸爸就教我，新年前後唔好講衰嘢，但好嘢唔怕多講，唔怕長氣，所以我又好重覆咁祝大家新年賺多啦，希望我講三次呢包話就可以成真啦。
金曹:每日寫兩篇的確很累，我也謹記自己的格言，「拔一毛而利天下必為」，相對於人生其他困難事，每日寫文難度雖高，也只是拔一毛的困難而矣，人天性懶散，唔好俾藉口自己唔做啲嘢。
Kathleen:多謝你朿花和鼓勵，有時在極度趕急的情況下寫稿，確實有少少無奈，你朿花及其他網友的鼓勵，係一種精神支柱，等我唔好俾一個藉口自己放軟手腳。
Jeffrey@80後:有條忠旺(1333) 料呢知你有無留意得到，可以幫世伯分析吓隻股，摩根士丹利在忠旺復牌後話，忠旺現價較同業折讓60%，並估計忠旺現價相當於賬面值/每噸4166美元，與Midas賬面值/每噸逾1.2萬美元相比，認為以忠旺較大規模及龍頭地位，被過份低估。評級「增持」，目標價11元，大摩的分析有助忠旺股價穩定下來。
牛熊本無樹:中航科工現價透支了一部份未來注資的效果，但因為大股東講明要注700億資產入去，條數太大，已注入的仍是少數。公司的住績無參考價值，主要看未來注入的業務，公司過去管理質素一般，新主席好似相當積極。
無論如何，中航科工現價略高，不排除有炒作因素，但炒作亦有炒作的理由，買貨要注意風險。
東尼:中國中治去年市旺時上市，發行時市盈率達42倍，所以上市穿位好自然，未來要街貨乾啲，要沽的人沽得七七八八，而公司公布業績又對辦，拉番低PE後，才可以入上升軌，如果公司業績唔掂就幾頭痕啦。
大市可以睇吓升完呢轉後再回幾多，如回得唔多時可以吸埋那一注。
Ndslite:元朗新盤若以5000元呎價開售，都幾貴，元朗二手嘢3000元有交易，將軍澳新盤也比這個價略低，雖然將軍澳好多供應，但元朗地點更遠，各有弱點。後生仔喜歡新樓個環境和會所，但比二手盤高咁多有啲風險，若長為投資，我就話國貨股好啲啦。
Myself:我年齡四字頭，樣貌五字頭，心態三字頭，保持心境年青去學多啲新嘢。我月底又出差啦，你小心呀。
名仔:學歷係重要，努力更重要，你話有啲friends努力索K、溝女，咁無人幫到佢，一個人食幾多著幾多靠努力搵番來，你話自己小學程度，唔緊要，努力睇吓報紙、睇吓書，你會識得比大學生更多，因為好多大學生都不看書不看報。
陸sir，
兩年多來都有堅持日日睇你網誌，獲益匪淺；新一年就快到來，祝您以及您家人新年快樂、幸福安康！
Jimmy
陸Sir:
恭祝您虎年心想事成,龍精虎猛!
陸SIR:
我早前於19500點附近買了一注貨, 請問若是長線投資, 我應靜待大市回落至19500點形成雙底才入第二注, 還是見大市企穩在20000以上便要入呢? (我打算分兩注而已)
另外, 請問為何中治(1618)股價如此不濟? 是否其業務有何不足之處? 它跟中交建等基建股如何比較?
謝謝指教!
祝陸sir、同陸sir屋企人身體健康、虎年心想事成！
早晨陸sir 你好,
請問你點睇元朗yoho 2期新樓? 據了解會5000呎開售
依家我有月供股票12000一個月到中人壽, 建行, 中海油和中國海外, 打算10年
請問值得將全部錢轉去買yoho嗎? 打算只作為投資
謝謝! 預祝陸sir新年快樂, 一家身體健康!
陸sir及各位師兄姐：
祝新年快樂！情人節甜甜蜜蜜！
陆Sir及各位新年快乐！
多多赚钱啦！！
陸sir
謝謝你牛年的指導, 祝你新一年事事順利, 身心健康.
陸老師早晨，
感謝你詳細的回覆~
看完後，覺得股市會升，因為歐元國捍衛歐元的決心蠻強的
祝老師身體健康，萬事勝意，生活美滿。
三心兩意
Kathleen, 仲有無落大雪放大假？ 我呢邊熱咗兩個禮拜（好幾日都過38C／100F），終於涼番一個禮拜
鐘博士，你個年賀壯幾得意喎
3813 寶勝國際11/02/2010 收1.38 升0.05
寶勝於2008年11月開始升勢以來,目前仍沿上升通道運行,在20/1見近期高位1.7調整,近日跌幅放緩,今天裂口低開1.32即掉頭回升,升越前四天收市價,圖形利好,相信將再試1.7阻力,如能突破,上升目標約1.9.
今日好似好熱鬧啵！金曹都到，載欽差大臣都帶埋聖旨嚟
袋鼠也謝謝陸蛇及網友多年來嘅分享經驗，及互相嘅交融
新年進步，情人節有伴的夠溫馨，未有的就行桃花運 噢
陸蛇呢噢!
陸sir，
感謝您那份關懷眾散戶的熱誠、幾年來重不間斷。每天出兩篇有份量的稿，加上本身煩重的工作，只要試過寫作的人便知其中的艱難。趁假期一家人好好享受。祝您新年萬事勝意，龍馬精神，生活愉快。
金曹
陸sir：我要每日送花畀您，直到年初一，多謝您幾年來風雨無阻給我們分析財經、股市、大戶動向；國外國內的政治、經濟形勢，從不因為工作煩忙而敷衍了事 ( 文字中可看到寫作人的誠意 )，即使往外地公幹也從不脫稿，無以為報，僅以小小一束花表示萬分感激，請笑訥。
敬祝2010年甜蜜每一天
Cowcat 兄 : 佢要我同佢地 偷懶!
不是偷懶, 他們見C兄平日行行企企, 斯斯文文, 怕突然太用力, 扭傷腰骨呀.. C兄真不知好人心呢 ! kakaka.......
後生仔, 我有些 friend 都很勤力去, 溝女, 索K, 擔擔抬抬, 不要找他們啦. 當然他們不是大學生.....
計及今日，港股連升三日，更突破２萬點大關，惟成交略嫌不足。不過，今日權證成交就已高達１０７億元，佔大市成交比例逾２０％，成交額及成交佔大市比例具 處近年高位，反映投資者炒輪風氣盛行。此外，雖然大市連續第三日回升，但投資者睇淡後市卻比較多，恆指牛證及熊證比例是４３：５７，顯示投資者較多沽牛買 熊。有分析指出，港股走勢往往與很多投資者買賣方向相反，如果大多投資者堅持看淡，這或意味大市可能離底不遠。
(星島日報 報道)中國在「掃黑反賭」風暴下出戰東亞盃，昨爆冷送贈南韓 「三蛋」克服三十二年「恐韓症」！
魔咒都除埋, 強勢難擋, 買中資國企都好難輸.
琲, 你要貼在今天的網頁, 大家才容易看到你的 發言.
而 和 , 是指用來和 , 自己的留言,
你可以自己test o下!
琲 11/2/2010 19:39:42 網友在此的回應
請問為什麼上面會出現, 的功能鍵. 謝謝!
牆兄, Loss 兄 : 內地新大學生, 3仟個月是高人工的, 通常 人仔2000有找呀.
將軍 : >>> 大學畢業 7000; 子龍中五畢業4900; 合理
7000蚊, @@
家陣個市唔好, 大學普及教育下, U grad都唔係真係咁巴閉啦!
貓咪公司竟然有咁既後生仔, 真係...
佢地阿媽一定係日日油指甲油過人世的阿媽, 返學放學工人揍, 日日鬧住工人長大的後生仔...
咪俾我講中...QQ
indy
其實，岩岩出黎做野既朋友，人工當然係低，呢個係每個人必經階段。
我識有幾個後生朋友，佢細我好多，讀包書，英文叻，初時人工好低，過幾年捱上黎，已經貼近我人工lo
問題係而家大部份(不是全部)後生仔，望一出黎就高薪厚職，除左某d行業，唔係都要捱下。
做野同投資一樣都要由基礎開始
小潘
fly仔, 是.............
我想講一個現在 年青人 工作態度有趣的問題:
我要搬寫字樓, 不論文件, 雜物, 櫃, 檯 和 枱
全部都要搬.
公司安排了 兩位同事 協助我搬運.
他們一出現, 我已經心感不安!
因為 他們是 非常 後生仔,
我同他們一齊搬不久, 他們已開始要 休息 o下!
我沒有同他們說什麼, 不理他們, 繼續搬.
不久, 他們竟然同我講:
你不好搬啦! 人地見到你搬, 我地不搬, 不是太好!
oh! my god!
連 我自己搬 都不得! 佢要我同佢地 偷懶!
個問題可能不是 學歷 問題, 是 態度問題!
貓咪: 你應該係90後wor~ 19歲點計都不是80年代爆出來~
myself, 這裡個個都知道o架啦! 只是你不知姐!
FLY 兄
昨日已經升啦，今朝都升都澎澎聲喇。我係中銀月供戶，但今朝入都係貴咗一截...
牛腩，
唔信!
myself, 我今年 19 是80後!
子龍將軍係80後?
當我同事放工去玩時, 我仲係公司OT;
當我勇於俾意見老細時, D同事背後叫我"擦鞋仔"'
但當3年過後, D同事開始"擦我鞋"'...........
這個世界好現實, 誰不問回報, 甘於付出, 成功總會快人一步.
當初成日埋怨公司人工低既同事, 今天仍是人工低,
當初跟我一起OT(少數)既同事, 今天人工最少都有增長1倍以上....
只會埋怨而不去默默耕耘既青年, 係好難爭取到機會既.
fly兄: 我唔係"專業人士", 我係中"慘"人士, 政府福利無我份, 但交稅就年年交, 所以我好憎政府亂洗錢, 好憎人呃綜援, 好憎浪費公帑既人
P.S. 高人工=學歷+經驗+努力 or =努力+運氣 or =樣貌+運氣
可惜我無樣貌+運氣 , 唯有靠經驗+努力
我大學畢業後第一份工得$7,000..........
所以非常同意牆兄:
"現在專上畢業別自高身價就好過了.
內地每年有七百万大學畢業生, 大部份找不到工, 找到都是三四千一個月.
香港七千以下就鬼殺咁嘈, 誰欠你們的 ?? 醒醒啦."
子龍兄：最近去屠熊了？將軍神龍見首，不見尾啊！
七千元人工，在香港生活真係．．．．．
不過，佢地有資格申請公屋噃，交平租，可以儲錢買大屋呀！
按大約人口比例, 80後專上畢業=70前中學畢業
現在專上畢業別自高身價就好過了.
內地每年有七百万大學畢業生, 大部份找不到工, 找到都是三四千一個月.
香港七千以下就鬼殺咁嘈, 誰欠你們的 ?? 醒醒啦.
子龍兄: 將軍很狗沒見了~ 大好友登場, 莫非有驚天巨變?
loss兄: 好明顯, 你係傳說中既專業人士啦, 恭喜恭喜
如果唔係由細到大貫輸"努力讀書, 找份好工"比你地知, 點會咁多人走去讀完一個degree, 又讀一degree~ 最開心當然係扮學團體, 同各界老闆 
呢噢!
咁即係仲可升多幾日，等月供友供貴貨．．．．．
學歷與人工.....普遍來說.....必定是學歷愈高, 人工愈高.....
如果唔係學歷愈高, 人工愈高, 搵鬼去讀書呀, 全部大學摺得啦.
當然, 普遍又不是一定, 梗有特別例子, 李+X 小學程度成為首富.
不過香港得一個李+X...........不要鑽牛角尖了, 努力充實自己, 去提高自身本錢去搵多D錢啦.
當然, 特別例子都有, 我身邊都有朋友學歷低過我, 但人工高過我.....不過....數來數去得2,3個, 學歷低過我, 人工小過我既朋友反而係大多數....
大笨羊: 唔係bor~ 中銀今早已入晒~ 不過明天後天好似係痕生, hsbc~~
http://hk.news.yahoo.com/article/100210/3/gjrw.html
大臣,
大家咁話
myself: 不是, 我識好多人, 中學程度, 身家多於我百倍~ 黃子華有套野~ 如果將咁多年學費去投資, 30歲唔洗do了~ 知識從來都不是只有學校才可以學到~ 我閒時看的書及學到的東西, 十倍於我係U時看過的及學到的~ 學歷只係保障你有一份工而矣...... 就係咁多~ 當然, 你想做醫生, 律師等專業就並無他途~
不如每個月供日都沽些貨 啦噢!
好賤。個個月一到月供日前後就大升，等月供友入貴貨！唉~~
钦差大臣在此恭祝各位网友：
新年万事如意，身体健康，
合家幸福，大发横财！