牛年感想!

今日係年三十啦..須然已經係虎年, 但都想講下自己對牛年既感想啦..

牛年最後一個月, 竟然玩指數期權輸左成30%既本金..真係...睇黎今年都唔好望有PROFIT, 只望追回本都好好啦......不過第一次玩指數期權..又剛剛遇著大跌市, 所以交學費都係應該, 如果比我第一次玩就贏, 我會以為好易, 之後一定會輸更多, 何況期權真係唔簡單, 我都要比多D精神時間研究研究! 再唔係玩番股票期權, 賺住3-4%一個月既Return 都唔錯..!!

睇左八字加流年, 個個都話我只得正財, 無偏財..HAHA..攪到我都開始想睇下有咩生意好做...不過做生意都唔一定賺, 同投資無咩分別, 好多時辛苦得黎都係得個吉, 點都好啦..我都唔會放棄對期權投資同研究..希望有日真係可以做到得心應手啦... 

至於工作方面, 因為公司擴充, 剛剛搬左新office, 超B..不過搬左之後我既feeling又唔差bor, 無之前O甘唔想番工..同埋我個位既feel都OK!! 不過多左個老闆同一team人要serve..即係家下我總共要serve 3個老闆加4組人, 差唔多50人呀!!!!! 真係有排B..都無法, 今年我行官運..加埋大運沖..真係遇左辛苦架啦....

仔仔下個月3歲啦, 真係好快好快..家下佢識好多野..仲識叫我買爆旋陀螺玩, 仲玩得好好tim, 好勁!! 仲有成日駁咀...真係有排我受..HAHAH, 牛年年尾阿仔病足5個月, 希望今年佢龍精虎猛, 健健康康啦!今年會比阿仔學泳水...唔知佢驚唔驚呢?

老公仔..HAHA..年年都差唔多..無咩特別, 佢係一個好安守本份既人...我同佢剛剛相反..其實安守本份真係唔易...我都要好好學下...HAHAHAH!!

仲有老爺同奶奶呀..好幸運我遇到好好好好既老爺同奶奶..佢地真係無得彈, 係到多謝佢地對我一家三口既照顧!!

最後緊係要講下我 d Friends la, 一直我 d friends 無論我有錢無錢, 好運唔好運, 都keep住係我身邊..只係有時無我O甘好氣姐, 因為我太多idea啦.... KAKAK..仲有好多貴人..師傅師母成日照住啦, 仲有今年識到教我期權既金師兄啦..大家係牛年都係我身邊幫我唔少..你地我會好好記住架....等我發啦..到時我一定照住你地!! 依句我講左成10年..發mo就有..hahaha..... 

總括牛年, 真係麻麻..不過寫下寫下, 又唔覺得真係O甘差wor, 我擁有既其實都唔少, 希望虎年再好D啦..其實年年都希望第二年會再好D..KAKAKKA..唔知幾時我會覺得好好既呢? 好貪心呀!!

係到祝所有人都開開心心, 身體健康啦..!!