(河馬仔專欄)團年飯+法國高價紅酒評論

在此馬場樂子祝大家虎年開開心心,萬事勝意,身體健康!

應網友要求貼下年夜飯,今次唔太得閒,長話短說啦.

當然團年飯都係和雙親一齊在家食飯係最好的,最緊要係大家開開心心食餐飯,昨晚一路睇住一路食,當然要開枝紅酒啦.




先開開一支之前中幾千蚊馬之後買的紅酒,當時買此支紅酒係要開鎖開酒櫃去拿的.但大家唔好以為小弟係識品酒的,小弟簡直連門外漢都不如(所以都係飲啤酒算............).

小弟認自己係睇價錢牌買酒的,當日多謝為我解說的酒窖之師傅,非常用心地解釋每支酒的特性,如係舊世界地新世界,土壤,特性,性格,層次等等.真的要在此說聲多謝,但小弟始終都係唔多明的^^

小弟全家都係唔識品酒的,當然一開支酒都應該要BB佢(即呼吸).但真係要請教各位,究竟一支酒要BREATHE幾耐呢?係唔係支支酒都唔同?有D人話要半天,但我駛唔駛搵保鮮紙蓋住?

呢支酒個名叫HERMITAGE,即修道院之意.2004年出產,由Tardieu-Laurent創作,Tardieu及Laurent係兩位在法國產酒的拍檔,其中一位以前應係廚師.此酒主力在隆河流域出產.

小弟以自己的文字嘗試形容飲完此酒之感覺,入口非常平實,唔搶喉,單寧感唔強.我屋企人飲都易入喉,唔駛加SODA水,不過咁就好易醉.質地較軟,去到上顎時感到頗潤,飲落橡木味佔多數但唔會太激烈,真係要食肉先飲一啖少感受到.

全支酒價值約一千,屋企人話貴但的確一年一次飲好D都值得的.

當然大杯酒大塊肉才夠完美..先來一來頭盤先...



每人一隻外國大鮑魚做頭盤,鴨掌係由下午飲茶時叫多些回家來煮,冬菇係家母浸後煮的.雖然花菇較細但好厚肉,雖然此鮑魚由於放了落去同一些蠔豉一齊煮變了出來有些蠔豉味,但絕無降低食味,當然此鮑魚並唔見糖心,但入口嫩滑非常,真係慢慢切角食係最好味的.



當然亦唔少得冬菇蠔豉花膠豬肉雜錦,有些是以前剩下的食物來煮的(如之前用來還神之後放落冰格多日的燒豬,下午飲茶叫的花膠鵝掌等等,放哂入去做餸真係惹味非常,飯都食多幾碗.


蒸桂魚,年年有餘嘛,永遠都食剩少少過到年初一再食,寓意年年有餘有衣食.桂魚在超市買,冇電油味新鮮已OK.


當然白切雞及菜就唔少得.白切雞其實唔係在街市買,一來麻煩要等二來太貴啦,小弟係在快餐店買的.當然要變得好味點係有竅門的.就是家母教臨食前一晚找些鹽醃鹹隻雞放雪櫃過夜,跟住再拿出翻蒸一次,這樣不會令雪雞的味太過失真.而清炒生菜亦是均衡飲食重要的一環.


最後當然係食住NUTS等睇戲啦^^自家買完一堆雜果仁後加入炒過的准鹽伴均才夠入味


最後祝願大家餐餐富足,金銀滿屋!



今年咁啱大年初一同情人節同一天,在此及仝人祝各位朋友甜甜蜜蜜,開開心心,橫財就手,心想事成,馬到功成.(大家可以留意一下揮春的字,希望能夠成真啦^^!)

今年咁特別,在此送上看板娘馬場樂子WALLPAPER,有兩款SIZE任君選擇:

今次由河馬仔出品,由同人組織LAPUS之畫師CHIYA繪製而成.希望大家喜歡.

有兩個SIZE供大家下載,用發放.



1650 X 1050
http://img.hkheadline.com/headline/blog/album_photos/57/44/150556/1/201002122258562320_1600x1600.jpg


1024 X 768
http://img.hkheadline.com/headline/blog/album_photos/57/44/150556/1/201002122258505572_1600x1600.jpg