正心
虎年依始，祝願大家在公司勢猛如虎，接連上位，升職加薪。做生意的大展鴻圖，愈做愈旺。後生仔記住返工是正業，投資是副業，唔好「妹仔大過主人婆」。
香港過年期間，外圍股市表現不俗，昨日尤其強勁，MSCI世界指數昨日大漲1.8%，係六個星期以來表現最好。歐洲三大股市都有超過1.5%嘅進賬。美股週一因總統日休市。昨日復市表現堅挺。希臘債務危機淡化，歐元兌美元造好，美匯回落，推動大宗商品市場回升。加上英國巴克萊銀行業績好過預期，金融股反彈；美國房屋建築商信心指數及紐約州製造業指數好過預期，亦振奮咗投資者入市情緒。杜指昨日表現氣勢如虹，由頭升到尾，只係臨近收市略為回順。
杜指收報10269點，漲170點或1.7%；標普500指數微升19點或1.8%，收報1095點；納指收報2214點，漲31點或1.4%；羅素2000種小型股升1.7%。杜指期貨最新報10246點，比現貨低水23點。VIX或「恐慌指數」續跌2.1%至22.25。
港股美國預托證券造好，ADR港比指數收報20450點，比香港收市高182點或0.9%。匯控收報81.65元，比香港收市高0.9%；中移動收報76.17元，比香港收市高0.6%。
歐元兌美元上升1.3%，美匯指數回落至80下方，大宗商品價格上漲，油價跳升逾4%至每桶77美元上方，黃金更挑戰每安士1120美元近期高位。能源及金屬股成係推動昨日大市上升嘅主要動力。CRB商品期貨指數上漲了2.6%。艾克森美孚漲2.3%，雪佛龍(Chevron) 漲2.8%，Apache漲4.1%。美鋁（Alcoa）漲3.5%，係杜指升市亞軍，弗里波特-麥克莫蘭銅金公司(Freeport-McMoRan Copper & Gold) 升3.1%，美鋼（US Steel）大升6.6%！
歐元區財長週一敦促希臘解決不斷增長的債務問題並給予希臘一個月的寬限期來提交削減赤字方案，並再次承諾將對希臘提供援助。而希臘昨日表示無需外國援助，可以解決債務問題。英國巴克萊銀行公佈嘅業績好過預期，2009年利潤大升1倍，還表示2010年的開端要遠好過2009年，股價勁漲逾一成，帶動美國金融股顯著造好，杜瓊斯金融指數升2.2%，KBW銀行指數上漲了2.5%。美銀大漲4.9%，係表現最好嘅杜指成份股，美國運通及摩根大通齊升3%，花旗集團漲4%，大摩及高盛都升逾2.3%。
雖然網上購物越嚟越流行，但似乎無阻美國零售商場嘅爭奪戰。昨日，美國最大購物中心運營商Simon Property Group出價100億美元收購其對手美國第二大購物中心零售商General Growth Properties。收購一旦成功，Simon將控制美國三成嘅購物中心，不過，據聞Brookfield Asset Management正在籌集資金參與收購戰，因此Simon的收購能否成功，仍係未知之素。
我覺得新年開始，都係同大家講吓投資態度重要啲，先要正心，再要誠意，買股才有收穫。
所謂正心，係心態要正，唔好歪，所謂心態歪，唔係話大家炒炒吓，而係話大家唔知自己做乜，唔知自己係投資定係投機。
網友Ccb的提問係一個好例子，佢早幾日問我:「陸老師︰今天重逾20000點，若有早前19400左右買的貨，是否應在今天鎖定利潤呢？還是等到明天較好甚或持貨過年較好？那都是可以守的資金~謝謝指教。」
我睇完覺得Ccb的思維有點混亂，點解佢啲策略咁怪? 在19400點買了貨，到20000點，假設其持貨的表現與大市同步，有600點的利潤，即3%左右的獲利，本來投機有利潤離場唔出奇，點解佢又話有資金可「守」呢?若跌穿19400點的入貨位佢又係唔係繼續守呢? 佢呢個係一個奇怪策略，在19400點買貨，假設升10%和跌10%的機會均等，升可以升到21340點，跌可以跌到17460點，如果升3%就走，佢會唔會跌的時候卻又走去守呢? 如果升的時候唔係見到有明顯危險食少少又走，但跌的時候又話有資金唔怕長期守，睇落好似「贏粒糖，輸間廠」的典型，咁樣買股好難贏噃。
所以當時咁答Ccb，「你問在19400點買的貨，應否在而家鎖定利潤，又話有資金可守。我覺你要先搞清楚觀念，在19400點買的貨，你想而家鎖定利潤，我假定你係以「投機的我」心態入市，否則唔會咁快諗住「鎖定利潤」，若短炒就唔好話「有資金可守」，短炒唔需要做人世，唔好諗住「守」，正確態度應該係:得就坐吓，唔得就走。我建議若短炒的盤，在低位買咗，最好等好消息面世時，即歐洲救希臘方案面世時，若個市大升就沽一半鎖定部份利潤，剩餘可以睇吓，得就坐吓，先定止賺位，唔得走埋。不過若果你是『投資的我』，想法就完全不同，19400點入的貨，可能無25000點以上都唔好沽。」
Ccb後來再回應話:「謝謝老師解答。我的概念可能錯了，我想做『投資的我』，但卻壓根兒抱著『短炒』的心態呢。我是抱著這種心態投機的，即大跌時買入很難輸大錢的『大股』，然後在等反彈，若果彈不了，就視為『長線投資』……從動機來說，我還是接近『投資的我』吧，只是以『投資』的角度限制自己『投資的我』的範圍而已~」
Ccb自己講得好啱，佢其實係炒大股，覺得大股安全啲而矣，根本係炒作心態，但無炒作的技巧與紀律。我認為買股票首先要「正心」，心態要正，投資就投資，投機就投機，無謂騙自己，一個人可以同時做「投資的我」和「投機的我」，投機和投資的資金多少，最好一早定咗，唔好變來變去，唔好投機不成變投資。
(下集明天再續)
陸羽仁
後記:我外遊未返，要到星期五才恢復答問題，請諒。
175 吉列汽車17/02/2010 收3.58 跌0.06
吉列汽車於9/12最高見4.84調整,至9/2最低見2.98回升,已升越近期高位所連上升阻力線,今天裂口高開3.74隨即下跌,呈烏雲蓋頂轉勢訊號,相信已開始調整,升幅的0.382和0.5倍支持位為3.45和3.36,調整後再展升勢.
各位, 早!
bluepanda: 看好1398的是henry, 不是我呀. 我只留意蕉行, 我的平均價是$15.
s2000, 小潘: 你地就好喇, 假期外遊, 正呀
我都祝你地身體健康, 工作順利, 3968, 2628只懂升, 不懂跌 
今期加左少少月供:
5/81.4, 688/14.6, 2318/61.9, 2628/33.85, 3968/19.08
陸sir & 各位網友~ 恭喜發財 ! 虎年事事順利 ! 身體健康!!
121 正大企業 17/02/2010 收0.295 升0.025
正大企業今天突破近期形成敏感三角形上升阻力高收,配合成交量增加,圖形利好,上升目標約為0.34.
各位晚噢!
潘記
承你貴言﹗
henry
亨記
祝你愈做愈大
小潘
潘記︰
很耐無見，祝虎年業務蒸蒸日上﹗
s2000 & 各位
我都係尋日至返香港，一返來凍到薑左........
祝大家虎年鞭鞭有力
小潘
s2000
今日都唔記得睇hightea，去睇番先
各位網友fly兄, 小潘,ton ton 貓兄等等, 陸sir:
今日至剛剛回港...
同大家拜一個遲年先, 希望今年大家虎虎生福, 全年勁賺, 身體健康, 心想事成...
唔知早幾日有無人同我post陸sir金融high tea 呢?我重未有時間睇post
fly: 1398點解較939強勢啊? 蕉行你平均價是多少啦?
Fly:
獨孤九劍是不是....？
fly
我也不會持貨過久，遲些可能轉馬至電訊股，要研究研究﹗
henry屍兄: 多謝提點. 牛市我是投資者, 練的是獨孤狗劍, 只攻不守~ 就算沽, 都要睇埋業績先眼閉.
fly:
1398較強勢，我都係由939轉馬至此
fly,
聽金師兄講，趁反彈減磅吧
jeffrey: 房中術, 越練越虧~ 天命也
henry屍巳: 內銀我都係一味, 蕉行
陸sir和各位
恭喜發財,股市出入平安
祝各位虎年快樂﹗
Fly,
6隻內房﹖ 你練房中術﹖
myself兄:
多謝你的贊賞! 那是以前做的小玩意.
(這裹的網友都比較成熟呢!)
Fly
6隻內房咁多？我暫時獨買一味︰1398
fly兄，
haha 你好攪笑
SAM兄，
你既機械臂好勁呀！
myself: 租金只夠供樓, 股息...噢...o的國企唔興派息的, 薪水...噢...緊夠糊口, 生活迫人呀
現在只有業績才有機會轉勢.....
henry屍兄: 3968+內房6隻
Fly,
一起坐，內銀內房有什麼貨？
小寶期功 20100217 + 171
祝大家虎年鱷口偷金
Fly兄，
講笑咩，你股票又唔係借錢買，又有樓有工返，股息、租金、出糧三條水喉射住，點會冇錢開飯呢，haha
「投資的我」買內銀，主要睇佢pe同pb都好合理，再加上之前冇貨，迫住進取少少買國貨，勝在有得守。「投機的我」買勢，而家個勢係向下，我估要公佈左個集資方案先會轉勢，「投機的我」唔會死守，因為會鎖死左資錢，只能食一段升浪，急出急入。
myself: 就來無錢開飯, 虧食我了
之前股價反應左少少, 或許唔會跌得太多. 不過, 阿爺要控經濟, 內銀, 內房要硬食, 坐貨不易呀~~
fly兄、你條ABC，
小弟覺得，內銀有集資需要，而家買比較岩「投資的我」，買來長渣，「投機的我」可以等佢地公佈集資方案，股價開始升再去追好d。
再祝大家虎年可以鱷口偷金之餘,更能咬大鱷一口.
ml
祝大家 財源滾滾! 虎年事事順利！日日賺到笑!
fly兄，恭喜發財，五舊豆來！
你條ABC，
我自己以前都係用證券行，不過近年轉左用銀行既cyberbanking，買賣全部自己上網攪掂，唔使打電話俾經紀落盤，都好方便架。第一次開股票account，如果唔打算用孖展炒，應該開cash account，唔好開margin account。
大師: 恭喜發財~ 期指又急跌
你條ABC: 銀碼細又係短炒, 最好搵證券行做, 財仔收$50, 一通收$5. 我自己用緊後者. 如果炒細價股或其他3, 4線, 恐怕你沒心機上堂了~ 不如中線炒下內銀股好少少~
祝陸 Sir 和眾網友在新的一年:
虎虎生威財源廣
魚躍龍門好運來
ml
伯仁 噢!
飛仁 噢!
大家 呢噢!
祝大家開工大吉,新年進步!!
我有幾條問題想問問陸sir,首先自我介紹下先,我今年19歲ja,依加仲讀緊書,課餘時間有係做part time ge.睇陸sir個blog都睇左1年左右嚕,之前都留過言ge,因為本身對這方面有興趣,所以舊年買左本陸sir ge 惡口偷金黎睇,之後便習慣性的一天看一次blog.由於今年新年利士加埋d人工有7000蚊左右..想開始將自已以往睇書同blog學到ge投資智慧運用於市場上,決定今年開始買股票.
首先想問下陸sir,依加大圍好似狂升中,我想問下這是大跌前的煙霧彈還是回穩前的安心丸?我應否於3月頭入市?還是先睇定定先,等到個市定左係升定跌之後再入?
另外我有幾隻心水股想問下陸sir意見ge第一隻係697首長,1月高位見過2.1依加1.7.lee隻股我睇造幾好,跟大市升,升的時候比藍籌股升得多,跌起上黎都幾穩下,加上lee隻股都唔冷門.成交金融都ok. 第二隻係工行,工行係藍籌,一定比第一隻穩,升幅都唔錯的 第三隻係中國銀行,都係藍籌,而且現時股價好吸引,買入價睇落好似比上面2隻都更好.
我想做投機d我ge,大約炒短-中期,嬴打輸走(希望可以做到啦),請問陸sir,以上3隻股中哪一隻比較好?較識合我買?或者有無其他好股推介?
其次,因為第一次買股,有好多婆仔野都問下各位老江湖師兄.買股選擇證行應該以乜野標準選擇一間好而又可信的行黎買,或者有無d可信服務又好ge證行介紹俾我?,同埋可唔可以教一教細佬一d第一次買股應注意ge野??.多謝多謝
虎年做隻CD-ROM，有賺無賠﹗
早晨陸SIR 及各位,
祝大家開工大吉
虎年虎虎生威
賺個盤滿砵滿
祝陸SIR同人, 網友虎年虎虎生威, 威過威士忌.
祝大家開工大吉!!!!!!!
各位睇恒指最近調整，似唔似上年第三季？反彈4百似乎未脫弱勢，起碼要企穩21,000先叫打到個底。
陸sir，祝 虎年事事順利！龍馬精神！
您提到的「投資的我」及「投機的我」是好好的提醒，基金同股票有似有唔似的地方，想問下買基金又點呢？純用平均法及「投機的我」，高位帳面有賺，但低位又會損手番，令我覺得這個「儲蓄法」好似只可以打回原形？
貓咪: 今年是虎年, 你係親戚, 可以威足成年喇
小飛會根據經濟循環理論, 市盈率, yield或者組合升一個double, 就分批出貨, 希望是3萬以上吧
大虎衷心恭祝陸Sir、各位網友：
開工大吉、
虎虎生威
虎年投資發虎威!
恭喜、恭喜!
我要開工啦!