何洪記

這真是「何洪記」出品嗎？

星期日，由這天起，筆者嘅角色除了是別人嘅丈夫之外，也是女兒嘅父親。身份角色不同了，責任也大了。

是日要先往銅鑼灣辦一點事，再到醫院探望正在休養中嘅太座及小女。太耐冇食「何洪記」了，難得一個人在周日上午，找一個位子也比較易。戒吃牛，冇得食俾公仔箱唱到街知巷聞、成五十幾蚊一碟嘅干炒牛河，只好點了一份雲吞撈麵。

湯是清徹見底，入口甘香，是大地魚及蝦(連殼)餚出來嘅鮮味，不是人工味道可取替。而且加了一些韮黃及黑椒，無怪乎喝起來特別暖胃；麵條方面，是彈牙得有點出奇。初時細啖食唔多覺，都後來大啖咀嚼時，竟然發現了丁點苦澀味！雲吞亦是令人失望的包得求其，雲吞尾擺短之餘，部份亦支離破碎。餡料蝦肉與豬肉嘅比例是一比一，既得蝦肉嘅爽口，也有豬肉嘅甘香，合格過關。

四十二蚊嘅雲吞撈麵，對比以上所說，一定物非所值。要不是其湯底救了一點分數，換來的已經是一張「喊」面。

用餐日期： 2010-01-17        

味道3   環境2   服務3   衛生3   抵食2

地址： 銅鑼灣霎東街2號