(河馬仔專欄)上環潮式食品評論

講起潮州食品,雖然現在有好多大酒樓已推出好多潮州食品,如鹵水鵝,鹹菜豬肚湯,兩面黃麵等等.但對於一些潮式小食,香港唔係太多地方有得食,當然上環西營盤一帶仍有得賣.而小弟亦都想講講廿年前之飲食往事,因當時小弟在西環居住的.

小弟當時的外婆在西營盤居住,而根據以往外婆所記述,西營盤至西環之處以往因碼頭事業繁盛,吸引唔少潮 汕居民在戰後到此生活.而潮式食品亦廣泛地帶來此地.當然當時因環境困苦之下潮式食品大多自家製作,但亦有唔少家庭主婦會將一些傳統自家製之潮式食品帶到 當時如水街,正街一帶發售,故此潮式食品亦在西環上環一帶興盛.

當然小弟當時並未出世,到小弟出世時.當時小弟要定時在賽馬日(星期六)下午去學琴,小弟琴藝奇差無比,其實 都係為了希望就算大個讀唔成書都可以搵到啖食才去學,故此考完試後都冇再進修.而細細個時小弟學完之後就會同爸爸去當時還未棄置之梅芳街熟食中心食下午 茶.雖然當時衛生情況麻麻,但熟食中心內確有唔少潮式傳統食品,好味牛雜河,滑到爆之奶茶咖啡等等.雖然當時冇冷氣,位又難坐,但小弟當時都會和爸爸一齊 食下那兒的食物,皆因價錢廉宜又美味.不過現在皇后街街市都有得食得番一些舊式之潮式食品.

這兒就是有冷氣坐得比以往梅芳街熟食中心舒服,而今次講的就是傳統潮式小食店---曾記粿品


此店歷史悠久好多人都知,當然要講講這店最出名之粿品啦.



此店粿品可外賣,當然可以即場即叫即煎.當日小弟要了三個唔同款的.左面之芋頭,中間是韮菜,右面是 白蘿白.我自小外婆都經常整這些粿品給我這個潮州話水到爆之不肖外孫.當時外婆曾教過我點整呢D粿品,用糯米粉或粘米粉做皮,加入唔同的餡料之後落模成型 後蒸或煎熟後便可食用,奈何小弟懶冇乜整過,現在都係在街買回家煎多.

三款之中小弟最喜歡韮菜,因煎完後係最香口的.而皮唔算厚,當然芋頭及白蘿白等等都有咬口,真係有時以此代飯都得.

講起粿品,其實潮州話讀(GWEI),以往除用來祭祀外,平時都為潮汕人所廣泛食用.潮州人發明了很多 種之粿品,有鹹有甜,餡料可以有豆沙,飯,花生,真係接近好多野都入得.而且個皮有時會加一些鼠殼草等等,亦有時可乜料都唔加而以條狀炒成粿條等等.形狀 可千變萬化,真係盡顯潮州飲食文化變化多端之特質.

看板娘---馬場樂子---對粿品之評分:



食完乾身野,來碗紫菜牛丸湯過下口較好.碗湯冇乜沙而且冇乜味精味道,有埋條菜過下口,牛丸都算彈牙,算飲得過.

看板娘---馬場樂子---對紫菜牛丸湯之評分:




最後當然整番碗甜品先.白果芋泥的確係潮州出名之甜點之一,其實此甜品做得好唔好好睇師傅,做得唔好就唔夠滑. 應該是先蒸熟芋頭壓成沙後加大量糖及豬油炒後加入煮熟之白果再煮而成.當日食到此店之製作的確非常滑,但食落總欠了久違之豬油香,可能現代人注重健康唔落 太多或唔用啩,如唔係的話的確PERFECT.而白果真係多,一點都唔苦又夠軟身,但賭馬打牌鋤大D前需要忌食嗎?

看板娘---馬場樂子---對白果芋泥之評分:


看板娘---馬場樂子---對曾記粿品之評分:


此店之粿品可外賣,如大家想感受一下傳統潮州食品可買回家試下煎來食下,做番個"潮"人.

在此寫下呢篇食評,來紀念離開了我近十年之外婆,外孫河馬仔敬上.


今年咁啱大年初一同情人節同一天,在此及仝人祝各位朋友甜甜蜜蜜,開開心心,橫財就手,心想事成,馬到功成.(大家可以留意一下揮春的字,希望能夠成真啦^^!)

今年咁特別,在此送上看板娘馬場樂子WALLPAPER,有兩款SIZE任君選擇:

今次由河馬仔出品,由同人組織LAPUS之畫師CHIYA繪製而成.希望大家喜歡.

有兩個SIZE供大家下載,用發放.



1650 X 1050
http://img.hkheadline.com/headline/blog/album_photos/57/44/150556/1/201002122258562320_1600x1600.jpg


1024 X 768
http://img.hkheadline.com/headline/blog/album_photos/57/44/150556/1/201002122258505572_1600x1600.jpg