不幸事降臨在我身上(七) - 寒冷天氣雪上加霜多痛苦

新年假期過了，許多人都相繼上班。。。

我等了物理治療師九天光景，原本想下個月上班，唉～

但這個春節卻十分寒冷關係，令我病情惡化。

我的背痛已有四個月，前幾日做了個職業治療，右手中指及食指既敏感度唔係咁好。。。不過真係做得好仔細呀! 其實都覺得冇乜力架喇，不過就唔知原來我對冷熱感、尖鈍感有D慢。我望住一個尖同兩個尖既筆刺到我手指上，我都唔覺有分別，原來還有我背部對熱感都係比較差，要好熱好熱才有感覺，知道自己原來係有問題，心裡一寒。。。

原本於本月十九號做功能評估，醫院既物理治療師無端端約實左時間，到了約定日期前一天打電話比我講話要改期，改到下個月十九日，那治療師之前同我講 “好難約期架! 再約就要等三個月，叫我一定要去。”今天見到佢喇，就話“有個病人個CASE好URGENT。。。”算啦! 我都係覺得有D野心照，我唔係URGENT果個嘛？！

今朝做完私家診所既腰背治療，都鬆左DD，但係下晝係醫院做完頸治療就成個背脊都好痛。。。屋企張電暖墊除左會開關，其他功能如計時，溫度調控都壞埋，一係勁熱，一係就要關掉。。。重係於咁寒冷既時期發生，真係雪上加霜，不過。。。我都捱過左。

這場戰爭不知何時完結，但希望在明天，我會努力！>.